ພະນັກງານທະນາຄານເອຊີລີດາບໍລິຈາກເລືອດຊ່ວຍຄົນເຈັບ

 ໃນວັນທີ 5 ມີນາ 2020, ທີ່ສຳ ນັກງານໃຫຍ່ທະນາຄານ ເອຊີລີດາ ລາວ ຈຳກັດ, ໄດ້ມີການບໍລິຈາກເລືອດໃຫ້ກັບ ອົງການກາແດງໂດຍການນຳພາຂອງ ທ່ານ ດຣ. ຮາຍ ສະວາຍ, ຜູ້ອຳນວຍການ ໃຫຍ່ທະນາຄານ ເອຊີລີດາ ລາວ ຈຳກັດ ພ້ອມດ້ວຍຄະນະຜູ້ບໍລິຫານ, ພະນັກງານ ທັງສຳນັກງານໃຫຍ່ ແລະສາຂາເຂົ້າຮ່ວມ ໃນການບໍລິຈາກເລືອດຄັ້ງນີ້ເພື່ອເປັນ ການຊ່ວຍເຫຼືອຜູ້ປ່ວຍ ແລະຜູ້ທີ່ມີຄວາມ ຈຳເປັນໃນການ

ນຳໃຊ້ເລືອດໃນຍາມສຸກເສີນ.

  ທ່ານ ດຣ. ຮາຍ ສະວາຍ ຜູ້ອຳນວຍ ການໃຫຍ່ ທະນາຄານ ເອຊີລີດາ ລາວ ຈຳ ກັດ ກ່າວວ່າ: ເລືອດເປັນສິ່ງທີ່ຈຳເປັນສຳ ລັບຄົນເຈັບຈຳນວນຫຼາຍໃນໂຮງໝໍ ແລະ ຕາມສະຖານທີ່ໃຫ້ການປິ່ນປົວສຸກເສີນໃນທົ່ວປະເທດ, ທະນາຄານ ເອຊີລີດາ ລາວ ຈຳກັດ ຈິ່ງໄດ້ມີຄວາມສະໝັກໃຈເຂົ້າ ຮ່ວມໃນການບໍລິຈາກເລືອດເພື່ອນຳໃຊ້ ເຂົ້າໃນການປິ່ນປົວ ແລະການກຸສົນ, ເຊິ່ງ ການບໍລິຈາກໃນຄັ້ງນີ້ແມ່ນເປັນຄັ້ງທີ 6 ແລ້ວ ພວກເຮົາມີຄວາມພາກພູມໃຈທີ່ໄດ້ ມີສ່ວນຮ່ວມໃນກິດຈະກຳທີ່ສຳຄັນທາງສັງຄົມ ແລະຊ່ວຍເຫຼືອຊີວິດຂອງຜູ້ຄົນໃນ ຍາມສຸກເສີນດ້ວຍການບໍລິຈາກເລືອດຂອງພະນັກງານ ທະນາຄານ ເອຊີລີດາ ໃຫ້ແກ່ອົງການກາແດງ,

 ທ່ານ ລຳພັນ ອິນສຸລິວົງ ຫົວໜ້າພະແນກບໍລິຫານຂອງ ທະນາຄານ ເອຊີລີດາ ລາວ ຈຳກັດ ໜຶ່ງໃນຜູ້ບໍລິຈາກເລືອດໄດ້ ກ່າວເພີ່ມຕື່ມວ່າ: “ພວກເຮົາຫຼາຍໆຄົນ ແມ່ນຈຳເປັນຕ້ອງໄດ້ຮັບການປ່ຽນຖ່າຍ ເລືອດໃນບາງຊ່ວງຂອງຊີວິດເຊັ່ນວ່າ: ຫຼັງຈາກການໄດ້ຮັບບາດເຈັບ, ການຜ່າ ຕັດ ຫຼື ການເກີດລູກຜູ້ທີ່ບໍລິຈາກເລືອດ ໃນວັນນີ້, ໃນວັນໜ້າ ຫຼືວັນໃດໆກໍ່ຕາມ ແມ່ນຖືວ່າເປັນຜູ້ນຳໃນການປາດຖະໜາສ້າງຄວາມດີ ແລະຄວາມໝັ້ນໃຈວ່າມີ ເລືອດທີ່ປອດໄພສຳລັບທຸກໆຄົນທີ່ຕ້ອງ ການເລືອດ ແລະຍິ່ງໄປກວ່ານັ້ນ ສິ່ງສຳ ຄັນທີ່ສຸດຄືການກະທຳເພື່ອສຸຂະພາບ ຂອງຕົນເອງ ແລະ ທຸກຄົນໃນສັງຄົມ.

 ເຖິງແມ່ນວ່າ, ມັນອາດເປັນພຽງ ຄຳວ່າ “ການປະກອບສ່ວນ ຫຼືການໃຫ້ ເລັກໆນ້ອຍໆກໍ່ຕາມ” ແຕ່ວ່າມັນເປັນ ຄວາມເມດຕາທີ່ປະເສີດສຸດ ເພາະການ ໃຫ້ເລືອດໃນວັນນີ້ ແມ່ນເປັນການໃຫ້ຊີ ວິດໃໝ່ໆ ແລະໃຫ້ຄວາມສຸກຂີໃນວັນຄັ້ງ ໜ້າອີກດ້ວຍ ” ແລະຂ້າພະເຈົ້າກໍ່ມີຄວາມສຸກຫຼາຍທີ່ໄດ້ບໍລິຈາກເລືອດສະນັ້ນທີມ ງານຜູ້ບໍລິຫານ ແລະພະນັກງານຂອງ ທະນາຄານ ເອຊີລີດາ ລາວ ຈຳກັດ ຈຶ່ງ ໄດ້ພ້ອມໃຈກັນຈັດງານບໍລິຈາກເລືອດຄັ້ງນີ້ຂຶ້ນມາ ແລະ ບັນຍາກາດຂອງມື້ນີ້ກໍ່ເຕັມໄປດ້ວຍຄວາມອົບອຸ່ນ ແລະ ລາບລື້ນດີ.

 ທະນາຄານ ເອຊີລີດາ ລາວ ຈຳກັດ ດຳເນີນງານໃນ ສປປ ລາວ ມາໄດ້ 12 ປີ ໄດ້ຖືກຍອມຮັບເປັນທະນາຄານທຸລະກິດ ອັນດັບທີ 1 ໃນການໃຫ້ວຽກເຮັດງານທຳ ໃນດ້ານຂະແໜງການທະນາຄານໃຫ້ແກ່ປະຊາຊົນລາວ.

-------

ໜັງສືພິມເສດຖະກິດ-ສັງຄົມ

แชร์