ໂຮງແຮມລາວເທວ ເປີດບໍລິການແລ້ວພ້ອມມີສ່ວນຫຼຸດ 50%

 ໂຮງແຮມລາວເທວໂຮເທວແອນ ຣີສອດ ເປັນອີກແຫ່ງໜຶ່ງທີ່ໄດ້ປັບປຸງໃໝ່ ເມື່ອກ່ອນແມ່ນມີຊື່ວ່າ ໂຮງແຮມເມີກຽວ ມາຮອດປະຈຸບັນໄດ້ມີການປັບປຸງການ ບໍລິການໃໝ່ທີ່ທັນສະໄໝເພື່ອດຶງດູດໃຫ້ ບັນດານັກລົງທຶນ, ນັກທ່ອງທ່ຽວມາໃຊ້ ບໍລິການຫຼາຍຂຶ້ນ ພ້ອມນັ້ນຍັງມີສ່ວນ ຫຼຸດ 50%.

ທ່ານ ນາງ ວົງຈັນ ບົວແພງ ທີ່ປຶກສາ ໂຮງແຮມລາວເທວໂຮເທວແອນຣີສອດ ໃຫ້ສຳພາດວ່າ: ໂຮງແຮມແຫ່ງນີ້ໃນປີ 1991 ແມ່ນບໍລິສັດGTSDETICO CO.,LTD ຈາກປະເທດສິງກະໂປໄດ້ມາເຊົ່າກິດຈະການ ໂດຍ ມີຊື່ວ່າໂຮງແຮມເມີກຽວ ຊຶ່ງບໍລິຫານ ກິດຈະການເປັນໄລຍະເວລາ 30 ປີ ມາ ຮອດເດືອນເມສາ 2019 ແມ່ນໄດ້ຮອດກຳນົດທີ່ຕົກລົງສັນຍາກັນໄວ້ບໍລິສັດດັ່ງກ່າວໄດ້ມອບການບໍລິຫານກິດຈະການ ໂຮງແຮມນີ້ຄືນໃຫ້ກັບຄອບຄົວຂອງພວກ ຂ້າພະເຈົ້າຢ່າງເປັນທາງການປະຈຸບັນ ໂຮງແຮມດັ່ງກ່າວແມ່ນໄດ້ປ່ຽນຊື່ເປັນ ໂຮງແຮມລາວເທວໂຮເທວແອນຣີສອດ ພ້ອມທັງໄດ້ປັບປຸງໂດຍປົວແປງອາຄານ, ການບໍລິການອື່ນໆດີຂຶ້ນກວ່າເກົ່າໃຫ້ມີ ຄວາມເໝາະສົມກັບສະພາບເສດຖະກິດ-ສັງຄົມເພື່ອດຶງດູດໃຫ້ບັນດານັກລົງທຶນ,ນັກທ່ອງທ່ຽວພາຍໃນ ແລະຕ່າງປະເທດເຂົ້າມາໃຊ້ບໍລິການຫຼາຍຂຶ້ນ.

 ປະຈຸບັນລວມທັງໝົດມີ 232 ຫ້ອງ ໃນນັ້ນຫ້ອງການ, ຮ້ານຂາຍເຄື່ອງ ແລະ ຫ້ອງປະຊຸມ ໃນໂອກາດປັບປຸງລະບົບການ ບໍລິຫານໃໝ່ສຳລັບຫ້ອງບໍລິການແຂກຍັງ ມີສ່ວນຫຼຸດ 50% ໃນແຕ່ລະຫ້ອງມີເຄື່ອງ ໃຊ້ຄົບຊຸດ, ທຸກຫ້ອງລ້ວນແລ້ວແຕ່ມີ ຄວາມໂລ່ງສາມາດລະບາຍອາກາດໄດ້ດີ, ມີຄວາມສະຫງົບ ແລະຄວາມຊຸ່ມຊື່ນຂອງ ບັນຍາກາດວິວໃຈກາງເມືອງເຮັດໃຫ້ ແຂກທີ່ມາພັກອາໄສຮູ້ສືກຜ່ອນຄາຍ, ການ ຕົບແຕ່ງພາຍໃນເນັ້ນສະຕາຍໂມເດີນທີ ໂດດເດັ່ນທັນສະໄໝຂຶ້ນກວ່າເກົ່າ ແລະ ມີສະຖານທີ່ຈອດລົດສະດວກສະບາຍ ແລະຫ້ອງພັກທີ່ສາມາດຮັບຮອງໄດ້ຫຼາກ ຫຼາຍຮູບແບບທັງແບບສ່ວນຕົວ, ຄອບຄົວ ແລະໝູ່ຄະນະມີທັງແບບລາຍເດືອນ ແລະແບບລາຍວັນ, ມີແມ່ບ້ານທຳຄວາມ ສະອາດທັງເຊົ້າ-ແລງຕາມທ່ີຕ້ອງການ.

 ທ່ານນາງ ວົງຈັນ ບົວແພງ ກ່າວອີກ ວ່າ:ນອກນັ້ນຍັງມີແຜນຈະສ້າງຕະຫຼາດ ກາງຄືນໃນເດີ່ນດ້ານຫຼັງຂອງໂຮງແຮມ ຊຶ່ງຈະສ້າງບ່ອນບໍລິການຂາຍສິນຄ້າທີ່ ເປັນຜະລິດຕະພັນລາວ ແລະສ້າງສະຖານ ທີ່ບ່ອນຍ່າງຫຼີ້ນສຳລັບແຂກໃນໂຮງແຮມ ພ້ອມດຽວກັນນີ້ຂ້າພະເຈົ້າໃນນາມເປັນ ທີ່ປຶກສາ ທັງເປັນປະທານຄະນະບໍລິຫານ ໂຮງແຮມຄົນໃໝ່ຈະສືບຕໍ່ຜັນຂະຫຍາຍ ແລະຖືໂອກາດແຈ້ງໃຫ້ສັງຄົມຮັບຊາບວ່າໂຮງແຮມເມີກຽວແຫ່ງນີ້ຈະໄດ້ປ່ຽນຊື່ ເປັນໂຮງແຮມລາວເທວໂຮເທວແອນຣີ ສອດພ້ອມຍິນດີຕ້ອນຮັບແຂກພາຍໃນ ແລະຕ່າງປະເທດ.

--------

ໜັງສືພິມເສດຖະກິດ-ສັງຄົມ

แชร์