ນໍາສະເໜີນໍ້າດື່ມແຮ່ທໍາມະຊາດພູໂຂງ

  ວັນທີ 3 ມີນາຜ່ານມາ ທີ່ໂຮງ ແຮມອ່າງຄຳນະຄອນຫຼວງວຽງຈັນໄດ້ ຈັດພິທີຖະແຫຼ່ງຂ່າວເປີດນໍ້າດື່ມພູໂຂງ ຊຶ່ງເປັນຜະລິດຕະພັນນໍ້າດື່ມແຮ່ທາດທຳມະຊາດຂອງລາວທີ່ໄດ້ຜ່ານການກວດກາຈາກສະຖາບັນ ALS Global Syd ney Austalia ຊຶ່ງເປັນກຽດເຂົ້າຮ່ວມຖະແຫຼງໂດຍ ທ່ານ ບົວສີ ຈະເລີນສຸກ ປະທານທີ່ປຶກສາ ປະທານສູນສົ່ງເສີມຜະລິດຕະພັນລາວ ປອດສານພິດ, ທ່ານ ຄຳສິງ ສີຫາເທບ ປະທານສູນສົ່ງເສີມຜະລິດຕະພັນລາວ ປອດສານພິດ ທັງເປັນຜູ້ອຳນວຍການ ໂຮງງານນ້ຳດື່ມແຮ່ທຳມະຊາດພູໂຂງ, ທ່ານ ວິໄລວັນ ພົມເຂ ປະທານສະມາຄົມ ຢາງພາຣາລາວ ບັນດາທ່ານອາວຸໂສ ພາກສ່ວນກ່ຽວຂ້ອງເຂົ້າຮ່ວມ.

 ທ່ານ ຄຳສິງ ສີຫາເທບ ກ່າວວ່າ: ສູນສົ່ງເສີມຜະລິດຕະພັນລາວປອດສານ ພິດໄດ້ຄົ້ນພົບບໍ່ແຮ່ນ້ຳທຳມະຊາດໃນ ເຂດດອນໂຂງພາກໃຕ້ຂອງລາວ ພາຍ ຫຼັງຄົ້ນພົບແລ້ວໄດ້ນຳເອົານ້ຳດັ່ງກ່າວ ໄປກວດກາຄຸນນະພາບນ້ຳຈາກສູນອະ ນາໄມສິ່ງແວດລ້ອມເພື່ອຈັດຫານ້ຳສະ ອາດຈາກສູນວິໄຈແຫ່ງຊາດ, ກອຢ ແລະ ກວດກາຫາແຮ່ທາດທີ່ເປັນປະໂຫຍດຕໍ່ຮ່າງກາຍຂອງຄົນເຮົາຈາກກົມຊົນລະປະທານ ກະຊວງສິກຳ ແລະປ່າໄມ້ ຢັ້ງ ຢືນວ່ານ້ຳດື່ມພູໂຂງເປັນນ້ຳຄຸນນະພາບ ດີເພື່ອຮັບປະກັນເພີ່ມຄຸນນະພາບຍັງໄດ້ສົ່ງໄປກວດກາຢູ່ສະຖາບັນ ALSGlobal Sydney Austalia ຍັງໄດ້ຢັ້ງຢືນວ່າ ມີແຮ່ທາດທຽບເທົ່າກັບນ້ຳດື່ມແຮ່ທາດ ຂອງຕ່າງປະເທດຈາກນັ້ນໄດ້ສ້າງຕັ້ງ ໂຮງງານບ່ອນຜະລິດນ້ຳດື່ມແຮ່ທຳມະຊາດພູໂຂງຂຶ້ນ ເພື່ອຕອບສະໜອງບໍລິ ໂພກສັງຄົມໃນນີ້ສ່ວນປະກອບແຮ່ທາດ ໃນນ້ຳດື່ມພູໂຂງມີ: ກົດດ່າງ 7,4, ແຄລ ຊຽມ 107, ແມກນີຊຽມ 49, ໂປເຕຊຽມ 3, ໂຊດຽມ 56, ເຫຼັກ 0,15, ມັງການິສ 0,012, ຟລູອໍໄຣ 0,26, ຟົສຟໍຣັສ 4,42 ແລະສັງກະສີ 0,01.

 ປະຈຸບັນໂຮງງານດື່ມແຮ່ທາດທຳມະຊາດພູໂຂງຕັ້ງຢູ່ບ້ານນາ ເມືອງໂຂງ ແຂວງຈຳປາສັກ ຊຶ່ງມີເນື້ອທີ່ດິນ 12 ພັນຕາແມັດ ສ່ວນຂະໜາດຜະລິດຕະພັນທີ່ໄດ້ຈຳໜ່າຍອອກຕະຫຼາດໃນປະຈຸບັນປະກອບມີສອງຂະໜາດຄື: 350 ມິລິລິດ ແລະ 600 ມິລິລິດ ຊຶ່ງເປັນຜະລິດຕະພັນ ຂອງຄົນລາວທີ່ໄດ້ຄົ້ນຄິດສິນຄ້າເພື່ອສຸ ຂະພາບມາສະໜອງໃຫ້ສັງຄົມໄດ້ຊົມໃຊ້.

---

ຂ່າວ: ແພງຕາ

แชร์