ລາວສະກາຍເວສະຫຼຸດຜົນງານ 1 ປີ

 ໃນວັນທີ 29 ກຸມພາຜ່ານມາ, ບໍລິສັດລັດວິສາຫະກິດລາວເດີນອາກາດ (LAO SKYWAY) ໄດ້ດຳເນີນກອງປະຊຸມສະຫຼອງສະຫຼຸບຜົນງານປີ 2019 ຊຶ່ງໃຫ້ກຽດເຂົ້າຮ່ວມ ທ່ານ ສີວຽງທອງ ກອນນິວົງ ຜູ້ອຳນວຍການໃຫຍ່ບໍລິສັດລັດວິສາຫະກິດລາວເດີນອາກາດ ພ້ອມດ້ວຍພະນະງານເຂົ້າຮ່ວມ.

 ທ່ານ ບົວຈັນ ສູນນະລາດ ກ່າວວ່າ: ປີ 2019 ຜ່ານມາສະພາບການເມືອງ-ແນວຄິດຂອງພະນັກ ງານແມ່ນມີຄວາມໜັກແໜ້ນ, ການຈັດຕັ້ງການບິນນັບທັງຖ້ຽວບິນເໝົາລຳ, ບິນຮັບໃຊ້ ໂຄງການ ເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມລິກາ ທີ່ຫາຍສາບສູນໃນປາງສົງຄາມຢູ່ລາວ, ໂຄງການບໍ່ຄຳເຊໂປນ, ໂຄງການບໍ່ຄຳ ພູເບ້ຍມາຍນິງ, ສຳຫຼວດ ແລະຖ່າຍພາບ ທາງອາກາດ, ຂົນສົ່ງຄົນເຈັບ, ຂົນສົ່ງ ຜູ້ໂດຍສານ, ບິນທ່ອງທ່ຽວນະຄອນ ຫຼວງວຽງຈັນ, ບິນມອດໄຟໄໝ້ປ່າຢູ່ ປະເທດອິນໂດເນເຊຍ ແລະບິນຮັບໃຊ້ ສາຍການບິນໄປ 6 ແຂວງ ພາກເໜືອ ແລະ 1 ແຂວງພາກໃຕ້ ໄດ້ ຕາມແຜນບິນ ກຳນົດ ແລະຮັບປະກັນຄວາມປອດໄພ 100%. ດ້ານບໍລິຫານຄວາມປອດໄພ ການບິນແມ່ນບໍລິສັດໄດ້ຜ່ານການກວດສອບຈາກກົມການບິນພົນລະເຮືອນຂອງ ສປປ ລາວ.

 ຜ່ານການກວດສອບ ຈາກອົງການກວດສອບ Commercial Airlift Review Board (CARB) ຂອງອາເມລິກາ 2 ຄັ້ງ ຊຶ່ງໄດ້ຮັບຮອງເອົາ ມີ-17, AS350, C208B ບິນຮັບໃຊ້ ໂຄງການໄດ້, ໄດ້ຮັບການກວດສອບ ຈາກອົງການກວດສອບ HART AVI ATION ປະເທດອົດສະຕຣາລີ ສຳລັບ ຄວາມປອດໄພການບິນຮັບໃຊ້ໂຄງການ ບໍ່ຄຳພູເບ້ຍມາຍນິງ. ຈາກອົງການກວດສອບ Lisson Associated ປະເທດ ອາຟຣິກາໃຕ້ 2 ຄັ້ງ ສຳລັບຄວາມປອດໄພບິນຮັບໃຊ້ໂຄງການບໍ່ຄຳເຊໂປນ.

  ປີ 2019 ບໍລິສັດບິນຂົນສົ່ງໂດຍ ສານໄດ້ 2,19 ແສນຄົນ, ຂົນສົ່ງສິນຄ້າ ແລະເຄື່ອງຂອງຜູ້ໂດຍສານໄດ້ 2,39 ລ້ານກິໂລ, ສາມາດສ້າງລາຍຮັບໄດ້ 91%, ປະຕິບັດລາຍຈ່າຍໄດ້ 91%, ປະຕິ ບັດພັນທະອາກອນໃຫ້ລັດໄດ້ 112% ທຽບໃສ່ແຜນການປີວາງອອກ, ທຸລະກິດ ສືບຕໍ່ມີປະສິດທິຜົນນັບແຕ່ມື້ສ້າງຕັ້ງບໍລິ ສັດປີ 2002.

 ປະຈຸບັນ ບໍລິສັດນຳໃຊ້ລະບົບບໍລິຫານ ຄຸນນະພາບຕາມມາດຖານສາກົນ ISO 9001:2015 ມີປະສິດທິພາບການບໍ ລິຫານການເງິນແມ່ນແນໃສ່ຄວາມໂປ່ງ ໃສ ແລະໄປຕາມກົດໝາຍບັນຊີ ແລະກົດໝາຍກ່ຽວຂ້ອງຂອງລາວ ກຳນົດປີ 2019 ບໍລິສັດລັດວິສາຫະກິດລາວເດີນອາກາດສາມາດຂຶ້ນທະບຽນສ້າງຕັ້ງຫຼາຍຫົວໜ່ວຍທຸລະກິດເປັນບໍລິສັດລູກຂຶ້ນກັບ ເຊັ່ນ: ອຸດສາຫະກຳການບິນລາວສະກາຍ ເວ, ບໍລິສັດລັດວິສາຫະກິດທ່ອງທ່ຽວ ລາວສະກາຍເວ, ບໍລິສັດລັດວິສາຫະກິດ ໂຮງແຮມລາວສະກາຍເວວຽງຈັນ, ບໍລິ ສັດລັດວິສາຫະກິດໂຮງແຮມລາວສະກາຍເວຊຽງຂວາງໝາຍວ່າ: ລາວສະກາຍເວ (LAO SKYWAY) ໄດ້ເປັນ ເຄື່ອງໝາຍການຄ້າຂອງບໍລິສັດແມ່ ແລະ ບໍລິສັດລູກປະຈຸບັນບໍລິສັດລັດວິສາຫະກິດມີພະນັກງານ 332 ຄົນ, ຍິງ 116 ຄົນ, ມີເຮືອບິນ ຈຳນວນ 12 ລຳ ໃຫ້ບໍ ລິການລູກຄ້າ.

 ສຳລັບປີ 2020 ບໍລິສັດລັດວິສາຫະກິດລາວເດີນອາກາດມີຄວາມມຸ່ງໝັ້ນໃນການພັດທະນາທຸລະກິດການບິນຕິດພັນກັບການທ່ອງທ່ຽວ, ໂຮງແຮມ ແລະການ ບໍລິການພາກພື້ນດິນຕາມທິດຍືນຍົງ, ເຊື່ອມໂຍງພາກພື້ນ ແລະສາກົນຢ່າງຕັ້ງໜ້າ ເປັນການປະກອບສ່ວນອັນສຳຄັນ ເຂົ້າໃນພາລະກິດປົກປັກຮັກສາ ແລະພັດທະນາປະເທດຊາດໃຫ້ຈະເລີນພັດທະນາຂຶ້ນເລື້ອຍໆ.

-----

ຂ່າວ: ບຸນນິກ

แชร์