ຍີ່ປຸ່ນຊ່ວຍເຫຼືອໂຄງການດ້ານສຸຂະພາບປາກຢູ່ລາວ

 ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອລ້າເປັນຈໍານວນເງິນ 2,68 ແສນໂດ ລາສະຫະລັດ ຫຼື ປະມານ 2,4 ຕື້ກີບ ເພື່ອຈັດຕັ້ງປະຕິບັດໂຄງການກໍ່ສ້າງຮາກຖານການສຶກສາໃຫ້ແກ່ການສົ່ງເສີມສຸຂະພາບຜົ້ງປາກ ແລະສ້າງລະບົບພູມຄຸ້ມກັນໃຫ້ແກ່ບັນດາແຂວງໃນປະເທດລາວ.

  ພິທີເຊັນສັນຍາໂຄງການຊ່ວຍເຫຼືອລ້າດັ່ງກ່າວໄດ້ຖືກຈັດຂຶ້ນທີ່ສະຖານທູດຍີ່ປຸ່ນ ນະຄອນຫຼວງວຽງຈັນ ໃນວັນທີ 3 ມີນາ 2020, ລະຫວ່າງ ທ່ານ ອິວາໂມໂຕະ ເຄອິຈິ, ອຸປະທູດຍີ່ປຸ່ນປະຈຳລາວ ແລະ ທ່ານ ໂມຊິດະ ໂທຊິມິຊຶ, ໂຕແທນຈາກອົງການຊ່ວຍເຫຼືອສາກົນ ທາງດ້ານການສຶກສາທັນຕະກຳ ແຫ່ງ ປະເທດຍີ່ປຸ່ນ (OIS DE), ຊຶ່ງເປັນອົງ ການບໍ່ຫວັງຜົນກຳໄລຈາກປະເທດຍີ່ ປຸ່ນທີ່ໄດ້ລິເລີ່ມ ແລະຈັດຕັ້ງປະຕິບັດໂຄງ ການດັ່ງກ່າວ.

ການຕໍ່ສັນຍາການຊ່ວຍເຫຼືອລ້າໃນ ຄັ້ງນີ້ຈະໃຫ້ການສະໜັບສະໜູນກິດຈະກຳໃນປີທີ 2 ຂອງໂຄງການທີ່ມີອາຍຸ 3 ປີ ໂດຍຈະໃສ່ຊື່ວ່າ “ໂຄງການກໍ່ສ້າງຮາກຖານການສຶກສາໃຫ້ແກ່ການສົ່ງເສີມສຸຂະພາບຜົ້ງປາກ ແລະສ້າງລະບົບພູມຄຸ້ມ ກັນ” ໂຄງການດັ່ງກ່າວມີເປົ້າໝາຍທີ່ຈະຍົກລະດັບການຮັກສາທາງທັນຕະກຳ ແລະການປ້ອງກັນ ແລະການລຶບລ້າງ ພະຍາດໃນຜົ້ງປາກ ແລະການຕິດເຊື້ອ ຂັ້ນຮຸນແຮງໃນ ສປປ ລາວ ການຝຶກອົບຮົມຈະຈັດຕັ້ງປະຕິບັດໃຫ້ຄວາມຮູ້ແກ່ ນາງພະຍາບານ ແລະນັກຮຽນພະຍາບານ ຊຶ່ງຄາດວ່າພວກເຂົາເຫຼົ່ານັ້ນຈະ ເຮັດວຽກເປັນພະຍາບານທາງດ້ານທັນຕະກຳໃນອະນາຄົດ.

ໃນປີທີ 2 ຂອງການໂຄງການດັ່ງ ກ່າວ, ຜູ້ທີ່ໄດ້ຮັບການຝຶກອົບຮົມນັບຕັ້ງແຕ່ປີທຳອິດຈະໄປຢ້ຽມຢາມບາງແຂວງ ເພື່ອຝຶກອົບຮົບໃນເຂດພື້ນທີ່ເປົ້າໝາຍ.

--------

ໜັງສືພິມເສດຖະກິດ-ສັງຄົມ

แชร์