ໜ່ວຍພັກວັດທະນະທຳວາງຄາດໝາຍ ສ້າງຄອບຄົວວັດທະນະທຳໃຫ້ໄດ້ 1,5 ພັນຄອບຄົວຕໍ່ປີ

 ກອງປະຊຸມໃຫຍ່ຄັ້ງທີ V ຂອງໜ່ວຍພັກວັດທະນະທຳທີ່ຂຶ້ນ ກັບຮາກຖານພັກພະແນກ ຖວທ ແຂວງຄຳມ່ວນ ໄດ້ຈັດຂຶ້ນໃນວັນ ທີ 26 ກຸມພາ 2020 ໂດຍການ ເປັນປະທານຂອງ ສະຫາຍ ສີປັນຍາ ກອງມະມີ ຄະນະໜ່ວຍພັກ ວັດທະນະທຳ, ເຂົ້າຮ່ວມມີສະຫາຍ ໄຊສົມບູນ ສຸວັນດາລາ ວ່າການ ເລຂາຄະນະພັກຮາກຖານ, ຫົວໜ້າພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວ, ມີບັນດາສະຫາຍໃນຄະນະຮັບຜິດຊອບກອງ ປະຊຸມໃຫຍ່ 3 ຂັ້ນຂອງແຂວງ, ບັນດາໜ່ວຍພັກອ້ອມຂ້າງ, ອົງ ການຈັດຕັ້ງມະຫາຊົນຕະຫຼອດເຖິງ ສະມາຊິກພັກພາຍໃນເຂົ້າຮ່ວມ.

  ສະຫາຍ ສີປັນຍາ ກອງມະນີໄດ້ຕີລາຄາຮອບດ້ານການເຄື່ອນ ໄຫວຈັດຕັ້ງປະຕິບັດມະຕິກອງປະຊຸມ ໃຫຍ່ຄັ້ງທີ IV ຂອງໜ່ວຍພັກໃນໄລຍະ 5 ປີຜ່ານມາ ໂດຍໄດ້ຊຸກຍູ້ ສ້າງຄອບຄົວວັດທະນະທຳສາມາດມອບໃບຢັ້ງຢືນເປັນຄອບຄົວວັດທະນະທຳໄດ້ທັງໝົດ 37.940 ຄອບຄົວ, ຮັບຮອງເປັນບ້ານວັດທະນະທຳໄດ້ 207 ບ້ານ, ປະຈຸ ບັນໃນທົ່ວແຂວງມີຄອບຄົວວັດທະນະທຳທັງໝົດ 73.558 ຄອບຄົວກວມເອົາ 90,88% ຂອງຈຳນວນຄອບຄົວທັງໝົດ,ບ້ານວັດທະນະທຳມີ 523 ບ້ານກວມເອົາ 90,15% ແລະວຽກງານອື່ນໆ ໂດຍສະເພາະວຽກງານຄຸ້ມຄອງປ້າຍ, ຮ້ານບັນເທີງ, ວຽກງານ ອະນຸລັກມໍລະດົກ, ສົ່ງເສີມສີລະປະວັດທະນະທຳ, ຫໍພິພິທະພັນ, ຫໍສະໝຸດ ແລະວຽກງານສູນວັດທະນະທຳເດັກກໍໄດ້ຮັບການຈັດຕັ້ງປະຕິບັດມີຜົນສຳເລັດໃນຫຼາຍດ້ານ. 

  ສຳລັບທິດທາງແຜນການ 5 ປີໃນຕໍ່ໜ້າແມ່ນສືບຕໍ່ເອົາໃຈໃສ່ຊຸກ ຍູ້ການສ້າງຄອບຄົວ ແລະບ້ານວັດທະນະທຳໃນນັ້ນສາມາດຢັ້ງຢືນ ເປັນຄອບຄົວວັດທະນະທຳໃຫ້ໄດ້ ປີລະ 1.500 ຄອບຄົວຂຶ້ນໄປ  ແລະ ຮັບຮອງເປັນບ້ານວັດທະນະທຳ ໃຫ້ໄດ້ຢ່າງໜ້ອຍ 10 ບ້ານຕໍ່ປີ, ສືບ ຕໍ່ອອກໃບອະນຸຍາດເຄື່ອນໄຫວກິດຈະການບໍລິການຮ້ານອອກແບບ, ຜະລິດ ແລະຕິດຕັ້ງປ້າຍໃນທົ່ວ ແຂວງ, ອະນຸລັກຮັກສາມໍລະດົກບັນ ດາເຜົ່າທາງດ້ານວັດທະນະທຳ,ປະ ຫວັດສາດ, ທຳມະຊາດເປັນຕົ້ນວັດ ຖຸບູຮານ, ສະຖານບູຮານ, ສະຖານທີ່ປະຫວັດສາດ ແລະສະຖານທີ່ທຳມະຊາດທີ່ໂດດເດັ່ນ, ຄົ້ນຄວ້າທາງ ດ້ານເນື້ອໃນເພື່ອຂຽນປະຫວັດ ຄວາມເປັນມາຂອງວັດຖຸທີ່ເປັນປະ ຫວັດສາດເຊັ່ນ:ຮ່ອງຮອຍທາງ ດ້ານປະຫວັດສາດ, ທຳມະຊາດ, ມູນເຊື້ອການດຳລົງຊີວິດ ແລະ ການຕໍ່ສູ້ຕ່າງໆຂອງແຂວງເພື່ອ ວາງສະແດງຢູ່ໃນຫໍພິພິທະພັນ, ສົ່ງ ເສີມທາງດ້ານພູມປັນຍາປະດິດ ແຕ່ງບົດລະຄອນ, ບົດຟ້ອນ, ບົດ ລຳ, ບົດເພງເພື່ອອະນຸລັກສົ່ງເສີມ ທາງດ້ານວັດທະນະທຳອັນດີງາມ ຂອງທ້ອງຖິ່ນ, ເຜີຍແຜ່ຮີດ 12 ຄອງ 14 ປະເພນີອັນດີງາມຂອງ ຊາດລາວ ໂດຍສະເພາະຂະນົບທຳ ນຽມ, ການນົບໄຫວ້ ແລະການ ວາງກິລິຍາມາລະຍາດໃຫ້ກວ້າງ ຂວາງຂຶ້ນກວ່າເກົ່ານອກນັ້ນໃນ ກອງປະຊຸມດັ່ງກ່າວຍັງໄດ້ປ່ອນ ບັດເລືອກເອົາຄະນະໜ່ວຍພັກວັດ ທະນະທຳຊຸດໃໝ່, ໃນນັ້ນເລືອກ ເອົາສະຫາຍ ສີປັນຍາ ກອງມະນີ ເປັນເລຂາໜ່ວຍພັກ, ສະຫາຍ ຄຳຫຼ້າ ສຸລິວົງ ເປັນຮອງເລຂາທັງ ເປັນປະທານກວດກາ ແລະສະຫາຍ ນາງ ໝອນຕາກາທິລາດ ເປັນກຳ ມະການໜ່ວຍພັກຊຸດໃໝ່.

------

ໂດຍ: ກອງຄຳ

แชร์