ທ່ຽວໄຊຍະບູລີ ຢ່າລືມໄປສໍາຜັດທໍາມະຊາດ ຫ້ວຍນໍ້າໃສ

ເມືອງໄຊຍະບູ ຖືເປັນເມືອງ ໜຶ່ງຂອງແຂວງໄຊຍະບູລີ ຊຶ່ງມີສະຖານທີ່ທ່ອງທ່ຽວຫຼາກຫຼາຍ ແຫ່ງ ແລະສວຍງາມເປັນທີ່ນິຍົມຊົມຊອບຂອງບັນດານັກທ່ອງທ່ຽວ ຊຶ່ງປະກອບດ້ວຍສະຖານທີ່ທ່ອງ ທ່ຽວທາງທໍາມະຊາດ ແລະວັດ ທະນະທໍາ, ຊຶ່ງມີຮ່ອງຮອຍປະຫວັດສາດທີ່ໜ້າສົນໃຈຫຼາຍໆບ່ອນຄອຍໃຫ້ນັກທ່ອງທ່ຽວໄປທ່ຽວຊົມດົມອາກາດສົດຈາກທໍາມະຊາດທີ່ອັນ ຈະແສນສວຍງາມບໍ່ວ່າຈະເປັນນໍ້າ ຕົກຕາດເຂດພັນ, ຖໍ້ານໍ້າທັ່ງ, ອ່າງ ນໍ້າຕຽນ, ນໍ້າຕົກຕາດເຈົ້າ, ວັດ ສີບຸນເຮືອງ ແລະອື່ນໆ.

   ບັນດາແຫຼ່ງທ່ອງທ່ຽວແຂວງ ໄຊຍະບູລີ ເຫຼົ່ານີ້ລ້ວນແລ້ວແຕ່ເປັນສະຖານທີ່ໄດ້ຮັບຄວາມນິຍົມຈາກຊາວໄຊຍະປັນສ່ວນໃຫຍ່,ຕ່າງແຂວງ ແລະນັກທ່ອງທ່ຽວ ຕ່າງປະເທດ, ເພາະບັນດາສະຖານ ທີ່ທ່ອງທ່ຽວທີ່ກ່າວມານັ້ນເປັນສະຖານທີ່ພັກຜ່ອນແບບສະບາຍດ້ວຍ ການຫຼິ້ນນໍ້າກັນຢ່າງຄຶກຄື້ນມ່ວນຊື່ນ, ນອນພັກຜ່ອນໃນໃຕ້ຮົ່ມໄມ້ ຍິ່ງຖ້າໄດ້ປູສາດນັ່ງກິນເຂົ້າທ່າມ ກາງບັນຍາກາດອັນສົດຊື່ນແລ້ວ ຍິ່ງໜ້າປະທັບໃຈ, ນອກນີ້ ກໍຍັງ ເປັນແຫຼ່ງທ່ອງທ່ຽວຫ້ວຍນໍ້າໃສ ທີ່ມີຄວາມງາມ, ຊຶ່ງສະຖານທີ່ ທ່ອງທ່ຽວຫ້ວຍນໍ້າໃສຕັ້ງຢູ່ບ້ານ ຫ້ວຍແກ້ງ ຊຶ່ງຫ່າງຈາກເທສະບານ ເມືອງໄຊຍະບູລີ  ໄປທາງທິດ ຕາເວັນ ອອກສຽງໃຕ້ປະມານ 19 ກິໂລ ແມັດ, ທ່ານສາມາດໄປໄດ້ ໂດຍ  ທາງລົດ ຫຼື ເຮືອ ແຫຼ່ງທ່ອງທ່ຽວ ຫ້ວຍນໍ້າໃສໄດ້ຮັບການພັດທະນາ ໃນປີ 2009 ໂດຍໄດ້ຮັບການສະ   ໜັບສະໜູນຈາກໂຄງການພັດທະ ນາການທ່ອງທ່ຽວແບບຍືນຍົງ (ADB)  ແລະໄດ້ເປີດບໍລິການໃນ ປີ 2011.

ລັກສະນະຂອງສະຖານທີ່ນີ້ ເປັນສະຖານທີ່ທ່ອງທ່ຽວທຳມະຊາດທີ່ມີຄວາມສວຍງາມ, ອາກາດເຢັນສົດຊື່ນເໝາະແກ່ການພັກຜ່ອນກິນເຂົ້າປ່ານອກຈາກນີ້ທ່ານຍັງສາມາດຮຽນຮູ້ຊັບພະຄຸນຂອງຢາພື້ນ ເມືອງຫຼາຍຊະນິດຢູ່ພາຍໃນສວນອະນຸລັກ, ຕົ້ນໃມ້ເປັນຢາ, ແລ້ວ ຜ່ອນຄາຍຄວາມອິດເມື່ອຍດ້ວຍການຮົມຢາພື້ນເມືອງ, ນວດແຜນບູຮານ, ອາບນໍ້າໃສ ແລະກິດຈະກຳອື່ນໆ.

-------

ໂດຍ: ວົງມະນີ

แชร์