ເມືອງຈອມເພັດ ປະກາດຈົບຊັ້ນມັດທະຍົມຕົ້ນບຳລຸງ

  ວັນທີ 27 ກຸມພາ ຜ່ານ ມາເມືອງຈອມເພັດ ໄດ້ຈັດພິທີປະກາດຈົບຊັ້ນມັດທະຍົມຕອນຕົ້ນບໍາ ລຸງທົ່ວເມືອງ ເປັນເມືອງທີ 11 ຂອງແຂວງຫຼວງພະບາງ ໂດຍ ການໃຫ້ກຽດເຂົ້າຮ່ວມຂອງທ່ານ ກອງສີ ແສງມະນີ ຮອງລັດຖະມົນຕີກະຊວງສຶກສາທິການ ແລະ ກີລາ, ທ່ານ ວົງສະຫວັນ ເທບພະຈັນ ຮອງເຈົ້າແຂວງຫຼວງພະບາງ, ທ່ານເຈົ້າເມືອງຈອມເພັດ, ມີຄະນະພະແນກສຶກສາທິການ ແລະກີລາ ແຂວງ, ຕາງໜ້າຈາກກົມການສຶກສານອກໂຮງຮຽນກະຊວງສືກສາທິການ ແລະກີລາ, ການນຳ ຂອງເມືອງພະນັກງານຄູ- ອາຈານ ແຂກຖືກເຊີນນັກສຶກສາ, ພໍ່ແມ່ປະຊາຊົນບັນດາເຜົ່າ ແລະພາກສ່ວນ ກ່ຽວຂ້ອງເຂົ້າຮ່ວມ.

  ທ່ານ ນາງ ຈັນສະມຸດ ສຸກຂະເສີມ ຫົວໜ້າຫ້ອງການສຶກສາທິ ການ ແລະກີລາເມືອງໄດ້ຂຶ້ນຜ່ານ ບົດລາຍງານການຈັດຕັ້ງປະຕິບັດ ການຮຽນ-ການສອນບຳລຸງຍົກ ລະດັບການສຶກສາຈົບຊັ້ນມັດທະ ຍົມຕອນຕົ້ນ ແລະທິດທາງແຜນ ການຂອງວຽກງານການສຶກສານ ອກໂຮງຮຽນໃຫ້ຮູ້ວ່າ: ທົ່ວເມືອງ ຈອມເພັດມີ 11 ກຸ່ມບ້ານພັດທະນາ, ມີ 69 ບ້ານ, 5.877 ຄອບ ຄົວ, ໃນນັ້ນລາວໄຕ 2.474 ຄອບ ຄົວ, ກຶມມຸ 2.514 ຄອບຄົວ, ມົ້ງ ອິ້ວມຽມ 889 ຄອບຄົວ ມີພົນລະ ເມືອງທັງໝົດ 32.344 ຄົນ, ຍິງ 15.687 ຄົນ ປະຊາຊົນສ່ວນໃຫຍ່ ຕັ້ງບ້ານລຽບຕາມແຄມທາງຫຼວງ ໃຫຍ່ ແລະຖືອາຊີບປູກຝັງ-ລ້ຽງ ສັດເປັນຕົ້ນຕໍ, ພາຍຫຼັງປະກາດ ຈົບຊັ້ນປະຖົມບຳລຸງປີ  2009  ເປັນຕົ້ນມາໄດ້ສ້າງເງື່ອນໄຂໃຫ້ແກ່ການ ສືບຕໍ່ບຳລຸງຍົກລະດັບຊັ້ນມັດທະຍົມສຶກສາຕອນຕົ້ນໃຫ້ແກ່ປະຊາຊົນກຸ່ມເປົ້າໝາຍຕາມເກນອາຍຸ, ຊຶ່ງໄດ້ເລີ່ມຈັດຕັ້ງການຮຽນການ ສອນມາແຕ່ສົກຮຽນ 2010-2011 ແລະຮອດສົກຮຽນ 2018-2019 ລວມໄລຍະ 6 ສົກຮຽນທີ່ຜ່ານມາ, ການບຳລຸງຍົກລະດັບຊັ້ນມັດ ທະຍົມສືກສາຕອນຕົ້ນສຳລັບປະຊາຊົນເຫັນວ່າມີຫຼາຍດ້ານທີ່ພົ້ນ ເດັ່ນ ໂດຍສະເພາະລະດັບຄວາມຮູ້, ຄວາມເຂົ້າໃຈ, ຄວາມຕື່ນຕົວ, ຄວາມເປັນເຈົ້າການ ແລະອື່ນໆ, ຊຶ່ງມີກຸ່ມເປົ້າໝາຍເຂົ້າຮຽນທັງໝົດ 1.034 ຄົນ, ຍິງ 510 ຄົນ ໃນນີ້ຈົບຊັ້ນມັດທະຍົມຕອນຕົ້ນບຳລຸງ 980 ຄົນ, ຍິງ 488 ຄົນ, ສະເລ່ຍ ບັນລຸໄດ້ 94,77%.

  ໂອກາດນີ້, ທ່ານ ກອງສີ ແສງມະນີ ໄດ້ໃຫ້ກຽດຂຶ້ນມອບໃບຢັ້ງ ຢືນປະກາດຈົບຊັ້ນມັດທະຍົມຕອນຕົ້ນບຳລຸງທົ່ວເມືອງ ແລະກ່າວຮັບ ໂດຍທ່ານ ສາຍສະໝອນ ສາລີວົງ ເຈົ້າເມືອງຈອມເພັດ, ພ້ອມດຽວກັນນີ້ທ່ານຮອງລັດຖະມົນຕີ ໄດ້ມີຄຳເຫັນໂດຍໄດ້ຮຽກຮ້ອງໃຫ້ ຖັນແຖວພະນັກງານ, ຄູ-ອາຈານ,ນັກຮຽນ-ນັກສຶກສາຕະຫຼອດຮອດ ປະຊາຊົນບັນດາເຜົ່າຈົ່ງພ້ອມກັນ ສືບຕໍ່ຈັດຕັ້ງປະຕິບັດແຜນຍຸດທະສາດ, ການປະຕິຮູບລະບົບການສຶກສາແຫ່ງຊາດຢ່າງມີຫຼັກການ ແລະໃຫ້ຫັນໄປຕາມ 3 ຫຼັກສະນະ, 5 ຫຼັກມູນຂອງການສືກສາ ແລະ ເອົາໃຈໃສ່ບໍາລຸງຍົກລະດັບຄຸນນະພາບການສຶກສາໃຫ້ມີບາດກ້າວ ຫັນປ່ຽນຢ່າງຕັ້ງໜ້າເປັນຮູບປະທຳຫຼາຍຂຶຶຶ້ນ, ສືບຕໍ່ສ້າງແຜນ, ຂະຫຍາຍການຮຽນ-ການສອນໂດຍ ສຸມໃສ່ກຸ່ມເປົ້າໝາຍຊັ້ນມັດທະຍົມ ຕົ້ນຕອນບຳລຸງຢູ່ໃນບາງບ້ານທີ່ ຍັງຕົກຄ້າງໃຫ້ສຳເລັດຕາມຄາດ ໝາຍທີ່ວາງໄວ້ ແລະສືບຕໍ່ແຂ່ງຂັນ ເປີດບັ້ນການຮຽນ-ການສອນຊັ້ນ ມັດທະຍົມຕອນປາຍໃຫ້ສຳເລັດ ຕາມຄາດໝາຍຂອງເມືອງກໍຄືແຜນຍຸດທະສາດຂອງແຂວງວາງໄວ້.

ນອກນີ້ໃນພິທີຍັງໄດ້ມອບໃບຍ້ອງຍໍຜົນງານດີເດັ່ນຂັ້ນກະຊວງ ສຶກສາທິການ ແລະກີລາ, ຂັ້ນ ແຂວງ, ຂັ້ນພະແນກ ແລະຂັ້ນ ເມືອງໃຫ້ແກ່ບຸກຄົນ, ກົມກອງ ແລະບ້ານທີ່ໄດ້ປະກອບສ່ວນເຂົ້າໃນການຈັດຕັ້ງປະຕິບັດວຽກງານໃນຄັ້ງນີ້.

------

ໜັງສືພິມເສດຖະກິດ-ສັງຄົມ

แชร์