ປີ 2019 ການເງິນເມືອງທ່າແຕງ ຈັດຕັ້ງປະຕິບັດ ລາຍຮັບງົບປະມານໄດ້ 38 ຕື້ກີບ

 ກອງປະຊຸມສະຫຼຸບວຽກ ງານການເງິນທົ່ວເມືອງທ່າແຕງ ປະຈໍາປີ 2019 ແລະທິດທາງ ແຜນການປະຈໍາປີ 2020 ຕິດພັນກັບການເປີດຂະບວນການເສຍຄ່າທໍານຽມທາງ, ອາກອນ ແລະພາສີທີ່ດິນຜ່ານລະບົບທະນາຄານການຄ້າຕ່າງປະເທດລາວມະຫາຊົນໄດ້ຈັດຂຶ້ນໃນວັນທີ 28 ກຸມພາ 2020 ນີ້ທີ່ສະໂມສອນຂອງ ເມືອງໂດຍການເປັນປະທານຂອງ ທ່ານ ລົດແກ້ວ ເພັງພູນສະຫວັດ ຮອງເລຂາພັກເມືອງທ່າແຕງ ມີ ທ່ານ ບຸນຮອນ ລຽບເຊກອງ ຮອງຫົວໜ້າພະແນກການເງິນແຂວງເຊ ກອງ, ມີຫົວໜ້າຫ້ອງການ, ພະແນກ ການກ່ຽວຂ້ອງຂັ້ນແຂວງ-ຂັ້ນເມືອງ ເຂດຈຸດສຸມພັດທະນາ, ລັດວິສາຫະກິດ ພ້ອມດ້ວຍອົງການປົກຄອງ ບ້ານທົ່ວເມືອງທ່າແຕງເຂົ້າຮ່ວມ.

  ທ່ານ ສຸວັນ ສ້ອຍທະວົງສາ ຫົວໜ້າຫ້ອງການ-ການເງິນເມືອງ ທ່າແຕງ ໄດ້ຍົກໃຫ້ເຫັນຜົນການຈັດຕັ້ງປະຕິບັດລາຍຮັບງົບປະມານ ລວມຂອງປີ 2019 ຊຶ່ງປະຕິບັດ ໄດ້ 38,16 ຕື້ກີບ ທຽບໃສ່ແຜນປີໄດ້ກວ່າ 99%, ໃນນີ້ລາຍຮັບດຸ່ນດ່ຽງຈາກແຂວງ 34,37 ຕື້ ກີບ ປະຕິບັດໄດ້ 34,14 ຕື້ກີບ, ສ່ວນລາຍຮັບພາຍໃນເມືອງປະຕິ ບັດໄດ້ 3,78 ຕື້ກີບ, ທຽບໃສ່ ແຜນປີປະຕິບັດໄດ້ກວ່າ 96% ຫຼຸດລົງກວ່າ 3% ທຽບໃສ່ໄລ ຍະດຽວກັນເພີ່ມຂຶ້ນຈາກປີຜ່ານ ມາກວ່າ 6%, ຊຶ່ງລາຍຮັບສ່ວນ ໃຫຍ່ແມ່ນໄດ້ຈາກສ່ວຍສາອາກອນ 2,32 ຕື້ກີບ, ທຽບໃສ່ແຜນປີປະຕິບັດໄດ້ກວ່າ 89%, ຮັບຈາກຊັບ ສິນຂອງລັດ 675 ລ້ານກວ່າກີບ, ທຽບໃສ່ແຜນປີເພີ່ມຂຶ້ນກວ່າ 50%,ທຽບໃສ່ໄລຍະດຽວຂອງປີກ່ອນ ເພີ່ມຂຶ້ນ 33%, ຮັບຈາກຄ່າບໍລິ ການມີ 379 ລ້ານກວ່າກີບ, ທຽບ ໃສ່ແຜນປີປະຕິບັດໄດ້ຮ້ອຍສ່ວນ ຮ້ອຍ (ຮັບ-ຈ່າຍເທົ່າຕົວ), ຮັບ ຈາກພາສີທີ່ດິນ 270 ລ້ານກວ່າ ກີບ, ທຽບໃສ່ແຜນປີປະຕິບັດໄດ້ ກວ່າ 75%, ຫຼຸດລົງກວ່າ 24%, ທຽບໃສ່ໄລຍະດຽວກັນຂອງປີກ່ອນ ໄດ້ 7%, ເພີ່ມຂຶ້ນ ຈາກປີຜ່ານມາ 31% ແລະຮັບຈາກຄ່າທໍານຽມ 140 ລ້ານກວ່າກີບ, ທຽບໃສ່ແຜນ ປີໄດ້ກວ່າ 58%, ຫຼຸດລົງກວ່າ  41%.

  ພ້ອມນັ້ນ ຜູ້ເຂົ້າຮ່ວມກອງປະຊຸມໄດ້ສຸ່ມໃສ່ປະກອບຄໍາຄິດເຫັນຢ່າງກົງໄປກົງມາຕໍ່ບົດສະຫຼຸບ ແລະ ທິດທາງແກ້ໄຂໃນຕໍ່ໜ້າ, ການເໜີ ບາງບັນຫາທີ່ພົ້ນເດັ່ນ, ຂໍ້ຫຍຸ້ງຍາກ ແລະສິ່ງທ້າທາຍໃນການຈັດຕັ້ງປະ ຕິບັດເກັບລາຍຮັບເຂົ້າງົບປະມານ, ການຄຸ້ມຄອງຖານລາຍຮັບ, ການຈັດເກັບລາຍຮັບໃຫ້ກ້າວສູ່ການຄຸ້ມ ຄອງທີ່ທັນສະໄໝ, ຕ້ານ-ປາບປາມ ການລັກລອບໜີພາສີ ແລະມາດຕະການແກ້ໄຂໃນຕໍ່ໜ້າຢ່າງເຂັ້ມງວດ ນອກນັ້ນໃນກອງປະຊຸມຍັງໄດ້ມອບໃບຍ້ອງຍໍໃຫ້ນິຕິບຸກຄົນຫ້ອງການ-ການເງິນ, ຫົວໜ່ວຍທຸລຸກິດ ແລະ ຫ້ອງການທີ່ຊອກເຈັດເກັບລາຍຮັບ ເຂົ້າງົບປະມານແຫ່ງລັດບັນລຸຕາມ ແຜນການວາງໄວ້.

------

ຂ່າວ: ພອນ ບຸນອຸທິດ

แชร์