ສາທາຫຼວງນໍ້າທາດຳເນີນກອງປະຊຸມໃຫຍ່ ໜ່ວຍພັກຄັ້ງ II

 ບໍ່ດົນຜ່ານມານີ້ທີ່ພະແນກສາທາລະນະສຸກ ແຂວງຫຼວງນໍ້າ ທາຄະນະພັກຮາກຖານໄດ້ເປີດກອງປະຊຸມໃຫຍ່ໜ່ວຍພັກຄັ້ງທີ II ໂດຍເປັນກຽດການເຂົ້າຮ່ວມ ຂອງທ່ານ ບຸນຍີ່ ແກ້ວຄຸນເມືອງ ຮອງເລຂາພັກແຂວງຮອງເຈົ້າ ແຂວງໆຫຼວງນໍ້າທາ, ທ່ານ ຄຳຈັນ ອິນທອງໄຊ ກຳມະການພັກ ແຂວງເລຂາຄະນະພັກຮາກຖານພະແນກສາທາລະນະສຸກແຂວງ, 3 ອົງການຈັດຕັ້ງມະຫາຊົນ ແລະ ສະມາຊິກພັກພາຍໃນໜ່ວຍເຂົ້າ ຮ່ວມ.

 ທ່ານ ຄຳຈັນ ອິນທອງໄຊ ກ່າວວ່າ:ຕະຫຼອດໄລຍະ 5 ປີ ຜ່ານມາຄະນະພັກຮາກຖານໄດ້ ຖືເອົາວຽກງານສຶກສາອົບຮົມການ ເມືອງ-ນຳພາແນວຄິດໃຫ້ພະນັກ ງານສະມາຊິກພັກເປັນຕົ້ນຕໍ ເພື່ອ ເຮັດໃຫ້ພາຍໃນມີຄວາມສະຫງົບ ມີແນວຄິດອຸ່ນອ່ຽນທຸ່ນທ່ຽງ, ມີສະຕິຕໍ່ການຈັດຕັ້ງປະຕິບັດແນວທາງ ປ່ຽນແປງໃໝ່ຂອງພັກ, ລະບຽບກົດໝາຍຂອງລັດຢ່າງເຂັ້ມງວດ, ໜ່ວຍພັກຮາກຖານພະແນກສາທາ ລະນະສຸກແຂວງມີສະມາຊິກທັງໝົດ 94 ສະຫາຍ, ຍິງ 61 ສະ ຫາຍ, ສຳຮອງ 19 ສະຫາຍ, ທຽບ ໃສ່ແຜນການຂະຫຍາຍພັກໃນໄລ ຍະ 5 ປີ ແມ່ນໄດ້ 51 ສະຫາຍ, ຍິງ 17 ສະຫາຍ, ເອົາໃຈໃສ່ປັບປຸງຄຸ້ມຄອງການຈັດຕັ້ງທາງດ້ານຈຳນວນ ແລະຄຸນນະພາບ, ກໍ່ສ້າງ ໜ່ວຍພັກເຂັ້ມແຂງ-ຮູ້ນຳພາຮອບດ້ານໄດ້ VII ສະໄໝ ຕິດຕໍ່ກັນ ພ້ອມກັນນັ້ນກໍໄດ້ສືບຕໍ່ສ້າງໜ່ວຍ ພັກປອດໃສ, ເຂັ້ມແຂງ, ໜັກແໜ້ນ ສຳເລັດຮອບທີ I ຄັ້ງທີ I.

  ຜ່ານການຈັດຕັ້ງປະຕິບັດຕົວຈິງກໍມີຫຼາຍອັນສຳຄັນທີ່ສາມາດ ບັນລຸຄາດໝາຍເລີມຕົ້ນໄດ້ລົງ ກວດກາຮ້ານຂາຍຢາຂອງລັດ 17 ຄັ້ງ, ຮ້ານຂາຍຢາເອກະຊົນ 570 ຄັ້ງ, ກວດກາຄລີນິກ 12 ຄັ້ງ, ກວດກາໂຮງງານຜະລິດອາ ຫານ 260 ຄັ້ງ, ສົ່ງຕົວຢ່າງນໍ້າ ດື່ມບໍລິສຸດໄປວິໄຈ 237 ຕົວ ຢ່າງ, ວິໄຈເກືອ 270 ຕົວຢ່າງ, ຜົນວິໄຈບັນລຸມາດຕະຖານ 169 ຕົວຢ່າງ, ກວດກາການນຳເຂົ້າ ອາຫານຢູ່ດ່ານສາກົນບໍ່ເຕ່ນ 15 ລ້ານກວ່າກິໂລ, ຢຶດອາຫານສຳ ເລັດຮູບທີ່ເສຍຄຸນໝົດອາຍຸ 5 ພັນກວ່າກິໂລ, ກວດພົບ ແລະຢຶດ ອາຫານທີເສຍຄຸນໝົດອາຍຸນຳ ເຂົ້າ 530 ກິໂລ, ຢຶດເຄມີ ແລະ ອຸປະກອນຫ້ອງແລບ 500 ກິໂລ ແລະຍືດຢາປົວພະຍາດນຳເຂົ້າ ບໍ່ຖືກຕ້ອງ 1300 ກິໂລ, ສຳລັບ ທິດທາງແຜນການໃນຕໍ່ໜ້າຈະໄດ້ ສືບຕໍ່ຮັກສາມູນເຊື້ອການສ້າງ ໜ່ວຍພັກປອດໃສ, ເຂັ້ມແຂງ, ໜັກ ແໜ້ນ, ກໍ່ສ້າງ ແລະຂະຫຍາຍມະ ຫາຊົນທີ່ມີຄວາມກ້າວໜ້າເຂົ້າພັກ ໃຫ້ໄດ້ 15-20 ສະຫາຍຕໍ່ປີ, ສົ່ງ ເສີມສະມາຊິກພັກຜູ້ທີ່ມີເງື່ອນໄຂ ໄປຍົກລະດັບທິດສະດີການເມືອງ ແລະອຳນວຍຄວາມສະດວກໃຫ້ ພະນັກງານສະມາຊິກພັກພະນັກ ງານລັດຖະກອນໃຫ້ໄດ້ປັບປຸງ ແລະຍົກລະດັບວິຊາສະເພາະໃຫ້ ຫຼາຍຂຶ້ນ.

  ໃນກອງປະຊຸມຍັງໄດ້ປ່ອນບັດຄັດເລືອກເລຂາຄະນະພັກຮາກ ຖານຊຸດໃໝ່ ມີຜູ້ສະມັກ 8 ສະຫາຍ ປ່ອນເອົາ 5 ເລືອກໄດ້ສະຫາຍ ຄຳຈັນ ອິນທອງໄຊ ເປັນເລຂາຄະນະພັກຮາກຖານພະແນກສາທາລະນະສຸກແຂວງຊຸດໃໝ່ ພ້ອມ ດ້ວຍຄະນະ 4 ສະຫາຍ, ເພື່ອຊີ້ ນຳໆພາວຽກງານພັກໃນຕໍ່ໜ້າ, ພ້ອມນີ້ຍັງໄດ້ປ່ອນບັດເອົາຜູ້ແທນ ເຂົ້າຮ່ວມກອງປະຊຸມໃຫຍ່ອົງຄະນະພັກແຂວງ ຄັ້ງທີ VIII ຕື່ມອີກ 2 ສະຫາຍ.

------

ຂ່າວ: ອຸ້ມ ສົມນໍວັນ

แชร์