ເກືອບ 30 ຍີ່ຫໍ້ຮ່ວມວາງສະແດງສິນຄ້າຄວາມງາມ

  ງານວາງສະແດງ “ສິນຄ້າຄວາມ ງາມ 2019” (Pardesco Beauty Review Battle Fair 2019) ຊຶ່ງຖືເປັນຄັ້ງທຳອິດໃນລາວໄດ້ຈັດຂຶ້ນໃນລະ ຫວ່າງວັນທີ 2-3 ກຸມພາ 2019 ທີ່ສູນການຄ້າວຽງຈັນເຊັນເຕີນະຄອນຫຼວງວຽງຈັນ ໂດຍການເຂົ້າຮ່ວມມີ ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວ, ທ່ານ ນາງ ປະວິຕຣາ ມ່ວງສະກຸນ ຜູ້ຊ່ວຍອຳນວຍການສຳນັກງານສົ່ງເສີມການຄ້າແຫ່ງຣາຊະອານາຈັກໄທປະຈໍາລາວ,ທ່ານ ນາງ ສະຫວັນທອງ ອຸ່ນມີໄຊ ຮອງຜູ້ອຳນວຍການບໍລິສັດ NNCD, ມີບັນດາແຂກຖືກເຊີນ, ຕົວແທນຈາກຫ້າງຮ້ານທີ່ເປັນພັນທະມິດ ແລະເຫຼົ່າສິລະປິນ-ດາລາຊື່ດັງຂອງລາວ ແລະໄທ.

  ທ່ານ ນາງ ພອນພັນ ຈຽມກັນຊານ ຜູ້ບໍລິຫານພາເດສໂກທັງເປັນປະທານຈັດງານກ່າວວ່າ: ງານຄັ້ງນີ້ຈັດຂຶ້ນທີ່ນະຄອນຫຼວງວຽງຈັນເປັນຄັ້ງທໍາອິດຊຶ່ງໄດ້ລວມເອົາຜະລິດຕະພັນທີ່ມີຄຸນນະພາບ ແລະໄດ້ຜ່ານ ອຢ ຈາກປະເທດໄທມາວາງສະແດງ ແລະຈຳໜ່າຍ, ທັງເປີດໂອກາດໃຫ້ຜູ້ທີ່ມີຄວາມສົນໃຈ ຫຼື ຕ້ອງ ການສະໝັກເປັນຕົວແທນຈຳໜ່າຍໃນລາວສາມາດເຂົ້າມາພົວພັນໄດ້ທີ່ຫ້ອງຂາຍຊຶ່ງມີຫຼາຍກວ່າ 28 ຍີ່ຫໍ້ມານຳສະເໜີໃຫ້ປະຊາຊົນລາວໄດ້ທົດລອງໃຊ້ເປັນ ຕົ້ນແມ່ນເຄື່ອງສຳອາງຍີ່ຫຍໍ້ Ze-seven, Zense, Siriman, Zasa, U, Chlooris ແລະຍີ່ຫໍ້ອື່ນໆອີກ.

  ພາຍໃນງານໄດ້ຈັດກິດຈະກຳປ່ຽນໂສມ ແລະປັບປ່ຽນບຸກຄະລິກກະພາບຂອງຜູ້ທີ່ສະໝັກເຂົ້າຮ່ວມປະກວດໃນຫົວຂໍ້ “ລີວິວສິນຄ້າ” ທີ່ຜ່ານການຄັດເລືອກຊຶ່ງໄດ້ປະກາດຜົນໄປແລ້ວເມື່ອບໍ່ດົນມານີ້ເພື່ອຊີງເງິນລາງວັນລວມມູນຄ່າ 27 ລ້ານກີບ ຊຶ່ງຈະປະກາດຜົນຜູ້ທີ່ໄດ້ເປັນສຸດຍອດນັກລີວິວສິນຄ້າໃນວັນທີ 7 ເມສາ 2019 ທີ່ຈະມາເຖິງນີ້. ນອກນັ້ນພາຍໃນງານຍັງໄດ້ເຊີນບັນດາສິລະປິນດາລາຊື່ດັງຈາກລາວ ແລະໄທເຂົ້າມາຮ່ວມບໍ່ວ່າຈະເປັນອອນອານົງ ຫອມສົມ ບັດ Miss Universe Lao 2018, ໃບເຕີຍອາສະຫຍາມ ແລະທັບທີມອັນຍະລິນສິລະປິນ-ດາລາຊື່ດັງຂອງຝັ່ງໄທ. ຖ້າຫາກບັນດາທ່ານທີ່ສົນໃຈຢາກເປັນ ຕົວແທນຈຳໜ່າຍສິນຄ້າກ່ຽວກັບຄວາມງາມ ຫຼື ຜະລິດຕະພັນຕ່າງໆທີ່ເປັນພັນທະມິດໃນງານຄັ້ງນີ້ກໍສາມາດສອບຖາມລາຍລະອຽດໄດ້ທາງ Facebook/ pardesco.

แชร์