ແຂວງໄຊຍະບູລີ ສະຫຼຸບວຽກງານກວດກາ ປະຈໍາປີ 2019

 ກອງປະຊຸມວຽກງານກວດ ກາທົ່ວແຂວງໄຊຍະບູລີ ປີ 2019 ໄດ້ຈັດຂຶ້ນໃນວັນທີ 26 ກຸມພາ 2020 ນີ້ທີ່ຫ້ອງປະຊຸມພະແນກກະສິກໍາ ແລະປ່າໄມ້ແຂວງໄຊຍະບູ ລີ, ໂດຍການເປັນປະທານຂອງ ສະຫາຍ ອາເມ ຊົງເຢຍເລັ່ງ ກຳມະການພັກແຂວງວ່າການປະທານຄະນະກວດກາພັກແຂວງ, ມີສະຫາຍ ປອ ສົມລິດ ເປືອກ ແກ້ວ ຮອງເລຂາພັກແຂວງປະທານສະພາປະຊາຊົນແຂວງ, ຄະນະປະຈໍາພັກແຂວງ, ກໍາມະການ ພັກແຂວງ, ຫົວໜ້າ, ຮອງຫົວໜ້າພະແນກການ, ກົມກອງ, ເຈົ້າເມືອງ, ຮອງເຈົ້າເມືອງ, ປະທານຄະນະກວດກາເມືອງ 11 ເມືອງພາຍ ໃນແຂວງ, ໜ່ວຍພັກຮາກຖານ ພະແນກການ, ອົງການ, ກົມກອງ ພ້ອມດ້ວຍປະທານກວດກາຄະນະພັກຮາກຖານ, ຜູ້ເຮັດວຽກງານ ກວດກາພັກ-ລັດອ້ອມຂ້າງແຂວງ ເຂົ້າຮ່ວມ.

 ສະຫາຍ ອາເມ ຊົງເຢຍເລັ່ງ ກຳມະການພັກແຂວງວ່າການປະທານຄະນະກວດກາພັກແຂວງ ໄດ້ຂຶ້ນສະຫຼຸບວຽກງານກວດກາ ແຂວງວ່າ: ໃນໄລຍະຜ່ານມາພາຍ ໃຕ້ການຊີ້ນໍາໆພາຂອງຄະນະບໍລິ ຫານງານພັກແຂວງໄດ້ເອົາໃຈໃສ່ ຢ່າງຕັ້ງໜ້າຕໍ່ວຽກງານຕິດຕາມ-ກວດກາພັກ-ກວດກາລັດ ແລະ ຕ້ານການສໍ້ລາດບັງຫຼວງເຮັດໃຫ້ສະພາບຫຍໍ້ທໍ້ຕ່າງໆພາຍໃນກົງ ຈັກການຈັດຕັ້ງພັກ-ລັດ ແລະຖັນ ແຖວສະມາຊິກພັກ-ພະນັກງານ ໄດ້ຮັບການແກ້ໄຂ, ຖືກຕ້ອງຕາມ ແນວທາງນະໂຍບາຍຂອງພັກກົດ ລະບຽບຂອງພັກ ແລະລະບຽບ ກົດໝາຍຂອງລັດ; ປະກອບສ່ວນເຂົ້າໃນການປັບປຸງບູລະນະລະບົບການເມືອງ ແລະວຽກງານ ກໍ່ສ້າງພັກ-ພະນັກງານມີຄວາມ ປອດໃສ, ເຂັ້ມແຂງ ແລະໜັກ ແໜ້ນ, ເຮັດໃຫ້ຖັນແຖວສະມາຊິກ ພັກ-ພະນັກງານ ແລະປະຊາຊົນບັນດາເຜົ່າກໍ່ຄືການນໍາພາຂອງຄະນະພັກ ແລະການຄຸ້ມຄອງຂອງ ອົງການປົກຄອງຂັ້ນຕ່າງໆໄດ້ຮັບການປັບປຸງດີຂຶ້ນເປັນກ້າວໆ.

 ແຕ່ເຖິງຢ່າງໃດກໍຕາມເມື່ອທຽບໃສ່ຄວາມຮຽກຮ້ອງຕ້ອງ ການຂອງໜ້າທີ່ການເມືອງໃນໄລຍະໃໝ່ເປັນຕົ້ນແມ່ນຄາດໝາຍ ເນື້ອໃນມະຕິກອງປະຊຸມໃຫຍ່ຄັ້ງ ທີ X ຂອງພັກ, ມະຕິກອງປະຊຸມ ໃຫຍ່ຄັ້ງທີ VI ຂອງອົງຄະນະພັກ ແຂວງ ແລະມະຕິກອງປະຊຸມໃຫຍ່ ຂອງພັກຂັ້ນຕົນວາງອອກແລ້ວນັ້ນ ເຫັນວ່າວຽກງານຕິດຕາມກວດ ກາທົ່ວແຂວງຍັງມີຫຼາຍບັນຫາຕ້ອງໄດ້ສືບຕໍ່ເອົາໃຈໃສ່ປັບປຸງໃຫ້ມີຄວາມໜັກແໜ້ນເຂັ້ມແຂງຂຶ້ນ ຕື່ມ, ຄະນະພັກທຸກຂັ້ນຕ້ອງຖືເອົາ ວຽກງານການຕິດຕາມ-ກວດກາ, ການສະກັດກັ້ນ ແລະຕ້ານການ ສໍ້ລາດບັງຫຼວງແມ່ນວຽກງານໜຶ່ງ ທີ່ເປັນບັນຫາສໍາຄັນ, ເປັນຄວາມຮັບຜິດຊອບໂດຍກົງຂອງຕົນຕ້ອງ ໄດ້ເຂົ້າໃຈໃຫ້ເປັນເອກະພາບກັນ ວ່າ: ສະນັ້ນເພື່ອບັນລຸບັນດາຄາດ ໝາຍທີ່ວາງໄວ້ໃນກອງປະຊຸມຄັ້ງ ນີ້ຈະໄດ້ພ້ອມກັນສະຫຼຸບຕີລາຄາ ຄືນການຈັດຕັ້ງປະຕິບັດວຽກງານ ຕິດຕາມ-ກວດກາໃນໄລຍະ 1 ປີ ຜ່ານມາ, ຄົ້ນຄວ້າຕີລາຄາ ແລະ ປະກອບຄໍາຄິດເຫັນໃຫ້ເລິກເຊິ່ງ ຕໍ່ວຽກງານຕິດຕາມ-ກວດກາພາຍ ໃນພັກ, ການຄຸ້ມຄອງບໍລິຫານລັດ, ການສະກັດກັ້ນ ແລະຕ້ານການສໍ້ລາດບັງຫຼວງ ແລະວຽກງານຄົ້ນຄວ້າຄໍາຮ້ອງ-ຄໍາສະເໜີ, ຊອກໃຫ້ ເຫັນດ້ານດີ-ດ້ານຕັ້ງໜ້າເພື່ອເສີມຂະຫຍາຍ ພ້ອມດຽວກັນນີ້ຕ້ອງມີຄວາມກ້າຫານຊອກເຫັນໄດ້ດ້ານ ອ່ອນ-ຂໍ້ຄົງຄ້າງ, ສາເຫດ ແລະ ບົດຮຽນເພື່ອພ້ອມກັນປັບປຸງແກ້ໄຂໃຫ້ທັນເວລາ.

  ໃນໂອກາດດັ່ງກ່າວບັນດາຜູ້ ເຂົ້າຮ່ວມຍັງໄດ້ຮັບຟັງບົດໂອ້ລົມ ຂອງທ່ານ ບຸນທອງ ຈິດມະນີ ກໍາມະການກົມການເມືອງ, ເລຂາ ທິການສູນກາງພັກ, ຮອງນາຍົກ ລັດຖະມົນຕີ, ປະທານຄະນະກວດ ກາສູນກາງພັກ, ອົງການກວດກາ ລັດຖະບານ ແລະຕ້ານການສໍ້ລາດ ບັງຫຼວງຕໍ່ກອງປະຊຸມວຽກງານ ກວດກາທົ່ວປະເທດ, ຮັບຟັງຂໍ້ກໍານົດຂອງຄະນະກວດກາສູນກາງ ພັກລະບັບເລກທີ 398/ຄກສພ, ລົງວັນທີ 26 ກັນຍາ 2019 ວ່າດ້ວຍການຄົ້ນຄວ້າພິຈາລະນາແກ້ ໄຂຄໍາຮ້ອງຟ້ອງ, ຮ້ອງທຸກ ແລະ ຄໍາສະເໜີ, ຮັບຟັງຂໍ້ຕົກລົງຂອງອົງການກວດກາລັດຖະບານສະບັບເລກທີ 336/ອກລ, ລົງວັນທີ 5 ກັນຍາ 2019 ວ່າດ້ວຍການຈັດຕັ້ງ ແລະການເຄື່ອນໄຫວຂອງ ອົງການກວດກາລັດແຂວງໄຊ ຍະບູລີ.

--------

ຂ່າວ: ມະໄລວັນ

แชร์