ເມືອງຍອດອູ ເສດຖະກິດຂະຫຍາຍຕົວ 7,31%

  ວັນທີ27 ກຸມພາຜ່ານມາ ທີ່ສະໂມສອນໃຫຍ່ຂອງເມືອງ ຍອດອູ ແຂວງຜົ້ງສາລີ ໄດ້ເປີດກອງປະຊຸມໃຫຍ່ຜູ້ແທນອົງຄະນະພັກ ເມືອງຍອດອູຄັ້ງທີ IX ຂຶ້ນຢ່າງເປັນ ທາງການ, ໂດຍພາຍໃຕ້ການເປັນ ປະທານຂອງສະຫາຍ ສົມຫັວງ ສຸມວີໄລ ກຳມະການພັກແຂວງ, ເລຂາຄະນະບໍລິຫານງານພັກ ເມືອງ, ເຈົ້າເມືອງຍອດອູ, ເຂົ້າຮ່ວມ ຂອງສະຫາຍ ຄຳຜອຍ ວັນນະສານຮັກສາການເລຂາພັກແຂວງ, ເຈົ້າ ແຂວງຜົ້ງສາລີ, ມີສະຫາຍ ທອງ ສະຫວັນ ທຳມະວົງ ກຳມະການ ປະຈຳພັກແຂວງ, ປະທານແນວ ລາວສ້າງຊາດແຂວງ, ທັງເປັນຜູ້ ຊີ້ນຳວຽກງານຮອບດ້ານຂອງ ເມືອງຍອດອູ, ມີຜູ້ຕາງໜ້າຈາກຄະນະຄະນະຈັດຕັ້ງແຂວງ-ກວດ ກາແຂວງ, ເຈົ້າເມືອງ-ຮອງເຈົ້າ ເມືອງຈາກ 6 ເມືອງ, ພະແນກການ ຕ່າງໆອ້ອມຂ້າງແຂວງ, ພະນັກ ງານປະຕິວັດອາວຸໂສບຳນານ, ອະດິດການນຳເມືອງ,ມີຜູ້ແທນສົມ ບູນເຂົ້າຮ່ວມ.

  ໃນກອງປະຊຸມສະຫາຍ ສົມຫວັງ ສຸມວີໄລ ເຈົ້າເມືອງຍອດອູ ກໍ່ໄດ້ຂື້ນກ່າວໄຂກອງປະຊຸມຢ່າງເປັນທາງການພ້ອມທັງຜ່ານຮ່າງ ລາຍງານການເມືອງທັງສອງພາກ ວ່າ: ພາຍໃຕ້ການຊີ້ນຳຈາກຄະນະ ບໍລິຫານງານພັກແຂວງ ແລະການ ນຳພາຂອງຄະນະບໍລິຫານງານ ພັກເມືອງໃນການຈັດຕັ້ງປະຕິບັດ ມະຕິກອງປະຊຸມໃຫຍ່ຂອງພັກ ຂັ້ນຕ່າງໆ ໂດຍສະເພາະແມ່ນມະຕິກອງປະຊຸມໃຫຍ່ຄັ້ງທີ VIII ຂອງ ອົງຄະນະພັກເມືອງຍອດອູຕະຫຼອດໄລຍະ 5 ປີຜ່ານມາເຫັນວ່າ ມີຜົນສໍາເລັດຫຼາຍດ້ານ ເປັນຕົ້ນ ທົ່ວເມືອງຍອດອູ ແມ່ນມີສະຖຽນລະພາບທາງດ້ານການເມືອງອັນໜັກແໜ້ນ, ທົ່ວສັງຄົມມີຄວາມສະຫງົບ ແລະມີຄວາມເປັນລະບຽບຮຽບຮ້ອຍ, ເສດຖະກິດ-ສັງຄົມ ມີການພັດທະນາດ້ວຍບາດກ້າວ ແລະທ່ວງທ່າໃໝ່, ປະຊາຊົນບັນດາເຜົ່າມີຄວາມສາມັກຄີປອງດອງ, ພື້ນຖານໂຄງລ່າງຂອງເມືອງກໍ່ໄດ້ ຮັບການປັບປຸງ, ຊີວິດການເປັນຢູ່ຂອງປະຊາຊົນກໍ່ໄດ້ຮັບການ ແກ້ໄຂ້ດີຂຶ້ນເປັນກ້າວໆ, ອັດຕາສ່ວນຄວາມທຸກຍາກໄດ້ຫຼຸດໜ້ອຍຖອຍລົງເທື່ອລະກ້າວ ຊຶ່ງສະແດງ ອອກດ້ານເສດຖະກິດມີການຂະຫຍາຍຕົວ ສະເລ່ຍ 7,31% ໃນນັ້ນກະສິກຳ ແລະປ່າໄມ້ເພີ່ມຂຶ້ນ 8,27% ຕໍ່ປີ, ອຸດສາຫະກຳ-ຫັດຖະກຳ 6,27 %ຕໍ່ປີ, ການບໍລິ ການ 10,03 % ຕໍ່ປີ, ສາມາດສ້າງຍອດຜະລິດຕະພັນພາຍໃນປີ 2019 ບັນລຸໄດ້ 303,47 ຕື້ກັບ, ສະເລ່ຍໃສ່ຫົວຄົນບັນລຸ 9,2 ລ້ານ ກີບຕໍ່ຄົນຕໍ່ປີ ເທົ່າກັບ 1.060 ໂດ ລາຕໍ່ຄົນຕໍ່ປີ ທຽບໃສ່ 5 ປີຜ່ານມາເພີ່ມຂຶ້ນ 184 ໂດລາສະຫະລັດ.

  ກອງປະຊຸມໃຫຍ່ຄັ້ງທີ IX ຂອງຄະນະບໍລິຫານງານພັກເມືອງຍອດ ອູຄັ້ງນີ້ ຜູ້ແທນທີ່ເຂົ້າຮ່ວມຈະໄດ້ພ້ອມກັນຄົ້ນຄວ້າ, ປະກອບຄໍາເຫັນ ໃສ່ຮ່າງບົດລາຍງານການເມືອງ ແລະແຜນພັດທະນາເສດຖະກິດ- ສັງຄົມ 5 ປີຕໍ່ໜ້າ, ພ້ອມທັງທົບທວນຕີລາຄາຄືນກ່ຽວກັບການຈັດຕັ້ງປະຕິບັດແນວທາງການປ່ຽນແປງໃໝ່ທີ່ມີຫຼັກການຂອງພັກກໍ່ຄືການຈັດຕັ້ງປະຕິບັດເນື້ອໃນຈິດໃຈມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກເມືອງ, ກຳນົດທິດທາງໜ້າທີ່ແຕ່ນີ້ຮອດປີ 2024.

--------

ໜັງສືພິມເສດຖະກິດ-ສັງຄົມ

แชร์