ຄໍາມ່ວນເຜີຍແຜ່ຄວາມຮູ້ກຽ່ວກັບທະນະບັດ

 ໃນວັນທີ 27 ກຸມພາຜ່ານມາທະນາຄານແຫ່ງ ສປປ ລາວ ພາກກາງ ແຂວງສະຫວັນນະເຂດຮ່ວມກັບ ແຂວງ ຄຳມ່ວນຈັດເຜີຍແຜ່ຄວາມຮູ້-ຄວາມ ເຂົ້າໃຈກ່ຽວກັບທະນະບັດ (ສະກຸນເງິນ ກີບ) ທີ່ຫ້ອງວ່າການສຳນັກງານປົກຄອງປະຈຳແຂວງເຂົ້າຮ່ວມມີ ທ່ານ ວົງເພັດ ຈິດປັນຍາ ຫົວໜ້າຫ້ອງວ່າການ ປົກຄອງແຂວງ, ທ່ານ ບຸນທະວີ ສຸກດາວົງ ວ່າການກົມເງິນຕາທະນາຄານ ແຫ່ງ ສປປ ລາວ, ມີທ່ານຮອງຫົວໜ້າສາຂາທະນາຄານແຫ່ງ ສປປ ລາວ ພາກກາງແຂວງສະຫວັນນະເຂດ, ພະແນກ ການ, ສາຂາທະນາຄານທຸລະກິດ ຕະຫລອດຮອດແຂກຖືກເຊີນທີ່ກ່ຽວຂ້ອງ ເຂົ້າຮ່ວມ.

 ຈຸດປະສົງໃນການເຜີຍແຜ່ຄັ້ງນີ້ກໍ່ເພື່ອແນໃສ່ໃຫ້ບັນດາຜູ້ເຂົ້າຮ່ວມໄດ້ຮັບຮູ້ ແລະເຂົ້າໃຈກ່ຽວກັບວິທີສັງເກດທະນະບັດແທ້ ແລະທະນາບັດປອມ, ປະຫວັດຄວາມເປັນມາຂອງເງິນກີບທະນາຄານ, ມາດຖານທະນະບັດໃນຂອດຈາລະຈອນ, ການນຳໃຊ້ທະນະບັດທີ່ຖຶກວິທີ ແລະ ຂໍ້ຫ້າມ, ທະນາບັດທີ່ສາມາດປ່ຽນໄດ້, ບໍ່ສາມາດປ່ຽນໄດ້ ແລະອື່ນໆອີກ ທັງນີ້ກໍ່ເພື່ອ ແນໃສ່ເປັນການຮັກສາສະຖຽນລະພາບ ຂອງເງິນກີບໃຫ້ໜັ້້ນທ່ຽງພ້ອມທັງຍົກສູງສະຕິຕໍ່ປາກົດການທີ່ມີກຸ່ມຄົນບໍ່ຫວັງ ດີໄດ້ສວຍໂອກາດລັກລອບປອມແປງທະນະບັດ (ເງິນກີບ) ອອກມາຈໍລະຈອນໃນສັງຄົມບ້ານເຮົາອັນໄດ້ສ້າງຄວາມບໍ່ສະຫງົບ ແລະຫຍຸ້ງຍາກໃຫ້ແກ່ການຄຸ້ມ ຄອງເສດຖະກິດການເງິນ ແລະເງິນຕາ ຂອງຊາດ.

ໜັງສືພິມເສດຖະກິດ-ສັງຄົມ

• 02/03/2020