ຮມປຂ ສໍາເລັດກອງປະຊຸມໃຫ່ຍໜ່ວຍພັກຄັ້ງທີ II

 ກອງປະຊຸມໃຫຍ່ຄັ້ງທີ III ໜ່ວຍ ພັກຮາກຖານໂຮງຮຽນການເມືອງ-ການ ປົກຄອງ (ຮມປຂ) ແຂວງເຊກອງ ໄດ້ ໄຂຂຶ້ນ ແລະສໍາເລັດລົງໃນວັນທີ 28 ກຸມພາ 2020 ທີ່ຫ້ອງປະຊຸມໂຮງຮຽນດັ່ງກ່າວໂດຍການເປັນປະທານຂອງ ສະຫາຍ ບຸນທັນ ຈູມຈັນທະວົງ ເລຂາໜ່ວຍພັກ, ຫົວໜ້າ ຮມປຂ ແລະເຂົ້າຮ່ວມມີສະຫາຍ ຄໍາພຽມ ບົວລະພາ ຮອງເລຂາພັກ ແຂວງເຊກອງ, ສະຫາຍ ນາງ ເພັດດາ ວອນ ວາດສະຫງ່າ ຮອງຫົວໜ້າຄະນະຈັດຕັ້ງແຂວງ; ພ້ອມນີ້ ກໍມີຄະນະໂຄສະນາອົບຮົມແຂວງ, ຄະນະກວດກາພັກ ແຂວງ, ຫ້ອງວ່າການແຂວງ, ພະແນກພາຍໃນແຂວງ, ເລຂາ-ຮອງ ເລຂາໜ່ວຍພັກ, ສະມາຊິກພັກສົມບູນ ແລະສໍາຮອງເຂົ້າຮ່ວມ.

 ໃນກອງປະຊຸມບັນດາຜູ້ແທນທີ່ເຂົ້າຮ່ວມ ໄດ້ຮັບຟັງການຜ່ານບົດລາຍງານ ການເມືອງທັງ II ພາກ ໃນການສະຫຼຸບ ຕີລາຄາຄືນການນຳພາຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ II ຂອງຕົນ ໃນຊຸມປີຜ່ານມາ ໂດຍສະເພາະແມ່ນ ດ້ານການເມືອງແນວຄິດ, ການຈັດຕັ້ງ, ແບບແຜນວິທີເຮັດວຽກ, ນໍາພາປັບ ປຸງກໍ່ສ້າງພັກ-ພະນັກງານ, ວຽກງານອົງ ການຈັດຕັ້ງມະຫາຊົນ, ວຽກງານວິຊາສະເພາະ, ວຽກງານການຕ່າງປະເທດ ແລະວຽກງານ ປກຊ-ປກສ, ພ້ອມນີ້ ກອງປະຊຸມຍັງໄດ້ຮັບຟັງການຜ່ານທິດ ທາງແຜນການຂອງຄະນະໜ່ວຍພັກ ໂຮງຮຽນການເມືອງ-ການປົກຄອງ ແຂວງ ແຕ່ນີ້ຮອດປີ 2024 ທັງນີ້ ກໍເພື່ອ ແນ່ໃສ່ປະກອບສ່ວນເຂົ້າໃນການຈັດຕັ້ງຜັນຂະຫຍາຍແນວທາງການປ່ຽນ ແປງໃໝ່ຂອງພັກເວົ້າລວມ ເວົ້າສະເພາະ ກໍຄືການຈັດຕັ້ງປະຕິບັດມະຕິກອງປະ ຊຸມໃຫຍ່ຄັ້ງທີ III ຂອງໜ່ວຍພັກໂຮງ ຮຽນການເມືອງ-ການປົກຄອງແຂວງ ເຊກອງໃຫ້ປາກົດຜົນເປັນຈິງ.

  ໃນໂອກາດນີ້, ສະຫາຍ ຄໍາພຽມ ບົວ ລະພາ ກໍໄດ້ມີຄຳເຫັນ ແລະໃຫ້ທິດຊີ້ນຳ ຕໍ່ກອງປະຊຸມ ໂດຍໄດ້ເນັ້ນໃຫ້ຄະນະໜ່ວຍພັກຊຸດໃໝ່ເອົາໃຈໃສ່ບາງບັນຫາ ເປັນຕົ້ນ ຈະຕ້ອງໄດ້ມີການແບ່ງງານກັນຢ່າງຈະແຈ້ງ, ສືບຕໍ່ກໍ່ສ້າງໜ່ວຍພັກໃຫ້ກາຍເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ, ມີການວາງແຜນຕິດຕາມ ແລະກວດກາການຈັດຕັ້ງປະຕິບັດຢ່າງ ເປັນປົກກະຕິ ແລະສືບຕໍ່ຊີ້ນໍາໆພາຈັດຕັ້ງ ປະຕິບັດມະຕິກອງປະຊຸມໃຫຍ່ ຄັ້ງທີ III ຂອງຕົນໃຫ້ມີຜົນງານຢ່າງໃຫຍ່ຫຼວງ ກວ່າເກົ່າ.

 ຕອນທ້າຍສະຫາຍຮອງເລຂາພັກ ແຂວງ ຍັງໄດ້ຮຽກຮ້ອງມາຍັງຄະນະໜ່ວຍພັກ, ສະມາຊິກພັກ, ພະນັກງານ-ລັດຖະກອນພາຍໃນໂຮງຮຽນການ ເມືອງ-ການປົກຄອງແຂວງ ຈົ່ງສືບຕໍ່ເຊີດ ຊູສະຕິປັນຍາ ແລະຄວາມຮັບຜິດຊອບ ໜ້າທີ່ການເມືອງຂອງຕົນໃຫ້ສູງຂຶ້ນ ເລື້ອຍໆ ເພື່ອພັດທະນາ ແລະປັບປຸງວຽກ ງານໃຫ້ມີການຫັນປ່ຽນໃໝ່ຢ່າງຕັ້ງໜ້າ, ເຮັດໃຫ້ວຽກງານກໍ່ສ້າງພັກ, ພະນັກງານ ມີຄວາມເຂັ້ມແຂງ, ປອດໃສ ແລະໜັກ ແໜ້ນ, ເສີມຂະຫຍາຍມູນເຊື້ອຄວາມສາມັກຄີຮັກແພງກັນບົນພື້ນຖານຄວາມຈິງ ໃຈຊ່ວຍເຫຼືອເຊິ່ງກັນ ແລະກັນ, ຍົກສູງ ດ້ານຄວາມຮູ້ຄວາມສາມາດ, ສົ່ງເສີມ ດ້ານດີດ້ານຕັ້ງໜ້າ, ຊອກຫາວິທີແກ້ໄຂຂໍ້ຄົງຄ້າງໃຫ້ທັນກັບສະພາບການຕົວຈິງ, ພ້ອມກັນບຸກບືນສ້າງຜົນງານໃຫ້ໂດດເດັ່ນ ແລະເຂັ້ມແຂງ.

----

ຂ່າວ: ສັນຍາ

แชร์