ເມືອງໄຊຍະແຕ່ງຕັ້ງຜູ້ອຳນວຍການໂຮງຮຽນ ມສ ຫຼາຍໂຮງຮຽນ

   ພິທີປະກາດການຈັດຕັ້ງຜູ້ອຳນວຍການໂຮງຮຽນມັດທະຍົມສຶກສາສົມບູນເມືອງໄຊຍະບູລີແຂວງໄຊຍະບູລີ ໄດ້ຈັດຂືີ້ນໃນວັນທີ 31ມັງກອນ 2019 ທີ່ຫ້ອງປະຊຸມສຶກສາທິການ ແລະ ກີລາເມືອງ.ໂດຍ ພາຍໃຕ້ການເປັນປະທານຂອງທ່ານ ພັນ ດວງຕາ ຮອງຫົວໜ້າພະແນກສຶກສາທິການ ແລະ ກີລາແຂວງໄຊຍະບູລີ, ມີທ່ານ ດາວເລືອງສຸກຜາລີຮອງຫົວໜ້າຫ້ອງການສຶກສາທິການ ແລະ ກີລາເມືອງ, ທ່ານ ລິຄິດ ແຊ່ເຕີນຮອງຫົວໜ້າຫ້ອງການຄະ ນະຈັດຕັ້ງເມືອງ, ມີແຂກຖືກເຊີນ,ຫົວໜ້າ, ຮອງຫົວໜ້າອຳນວຍການໂຮງຮຽນ, ພະນັກງານ ແລະ ຄູ-ອາ ຈານທີ່ກ່ຽວຂ້ອງເຂົ້າຮ່ວມ.

    ໃນພິທີທ່ານລິຄິດແຊ່ເຕີນຮອງຫົວໜ້າຫ້ອງການຄະນະຈັດຕັ້ງ ເມືອງໄດ້ຜ່ານຂໍ້ຕົກລົງຂອງທ່ານ ເຈົ້າເມືອງໄຊຍະບູລີ ວ່າດ້ວຍການໂຍຍຍ້າຍ, ແຕ່ງຕັ້ງຜູ້ອຳນວຍການ ໂຮງຮຽນຫ້ອງການສຶກສາທິການ ແລະກີລາເມືອງໄຊຍະບູລີ.ໂດຍອີງຕາມກົດໝາຍການປົກຄອງທ້ອງ ຖິ່ນແຫ່ງ ສປປ ລາວ ສະບັບເລກທີ 68 /ສພຊໃນພາກທີ  IV ໝວດທີIV ມາດຕາ 40 ວ່າດ້ວຍສິດ ແລະໜ້າ ທີ່ຂອງເຈົ້າເມືອງ, ອີງຕາມໜັງສືສະ ເໜີຂອງຫ້ອງການສຶກສາທິການ ແລະ ກີລາເມືອງໄຊຍະບູລີ ແລະໜັງສຶແຈ້ງຕອບຂອງພະແນກສຶກ ສາທິການ ແລະກີລາແຂວງໄຊຍະ ບູລີ, ອີງຕາມໜັງສືສະເໜີຂອງຫ້ອງ ການຄະນະຈັດຕັ້ງເມືອງໄຊຍະບູລີ ແລະການຄົ້ນຄວ້າເຫັນດີເປັນເອກະ ພາບຂອງຄະນະປະຈຳພັກເມືອງໄຊຍະບູລີ.ເຈົ້າເມືອງໄຊຍະບູລີຕົກລົງເຫັນດີໂຍກຍ້າຍທ່ານ ອິນປັນ ໄຊ ຍະເດດຜູ້ອຳນວຍການໂຮງຮຽນ ມສ ນາລວມມາເປັນຜູ້ອຳນວຍການໂຮງຮຽນ ມສ ພັດທະນາ, ທ່ານ ຄຳໄສ ອິນທະປັນຍາ ຜູ້ອຳນວຍ ການໂຮງຮຽນ ມສ ພັດທະນາມາ ເປັນຜູ້ອຳນວຍການໂຮງຮຽນ ມສ  ເອກະພາບ, ທ່ານ ຊາຍຄຳ ວິຈິດຜູ້ອຳນວຍການໂຮງຮຽນ ມສ ນາ ຫຼາມາເປັນຜູ້ອໍນວຍການໂຮງຮຽນ ມສ ນາຕາກ, ທ່ານສົມພົງໄຊ ດວງຕາ ຮອງຜູ້ອຳນວຍການໂຮງຮຽນ ມສ ພັດທະນາຂຶ້ນເປັນຜູ້ອຳນວຍການໂຮງຮຽນ ມສ ນາລວມ, ທ່ານສີສະຫວາດ ຄຳທະວົງ ຮອງຜູ້ອຳນວຍການໂຮງຮຽນ ມສ ນາຕາກຂື້ນເປັນຜູ້ອໍານວຍການໂຮງຮຽນມສ ນາຫຼາ.

  ໃນໂອກາດທີ່ມີຄວາມໝາຍສໍາຄັນນີ້ ທ່ານ ພັນ ດວງຕາ ຮອງຫົວໜ້າພະແນກສຶກສາທິການ ແລະ ກີລາແຂວງກໍ່ໄດ້ໃຫ້ກຽດມີຄຳເຫັນໂອ້ລົມຕໍ່ພິທີດັ່ງກ່າວເຊິ່ງທ່ານໄດ້ເນັ້ນໜັກໃຫ້ຜູ້ອຳນວຍການໂຮງຮຽນທີ່ຖືກແຕ່ງຕັ້ງໃໝ່ຈົ່ງພ້ອມກັນເອົາໃຈໃສ່ສຶກສາອົບຮົມການເມືອງ-ແນວ ຄິດໃຫ້ໜັກແໜ້ນເຂັ້ມແຂງຂຶ້ນກວ່າເກົ່າແລະສຸມທຸກສະຕິປັນຍາເຂົ້າໃນການຮຽນ-ການສອນຢູ່ພາຍໃນໂຮງຮຽນກໍ່ຄືວຽກງານທີ່ໄດ້ຮັບການມອບໝາຍໃຫ້ໄດ້ຮັບຮັບຜົນສຳເລັດຕາມລະດັບຄາດໝາຍສະຫັດສະຫວັດທີ່ກະຊວງສຶກສາທິການ ແລະ ກີລາກໍ່ຄືພະແນກສຶກສາທິການ ແລະ ກີລາແຂວງ ແລະ ຫ້ອງການສຶກສາທິການ ແລະ ກີລາເມືອງໄຊຍະບູລີວາງອອກໃຫ້ປະກົດຜົນເປັນຈິງດີຂຶ້ນເປັນກ້າວໆ.

แชร์