ຂໍ້ມູນລູກຄ້າຮົ່ວໄຫຼຫຼັງເວັບໄຊໃນອັງກິດລົ້ມເຫຼວ

 ໃນວັນທີ 26 ກຸມພາ ສຳນັກຂ່າວຣອຍເຕີລາຍງານວ່າບໍລິສັດ ຊຳຊຸງ (Samsung) ອອກມາຍອມຮັບວ່າໄດ້ເກີດມີການຂັດຂ້ອງທາງດ້ານເຕັກນິກຢູ່ໃນເວັບໄຊຊົ່ວຄາວດ້ວຍເຫດນີ້, ສົ່ງຜົນໃຫ້ຂໍ້ມູນສ່ວນຕົວຂອງຜູ້ຊົມໃຊ້ປະມານ 150 ຄົນໄດ້ຮົ່ວໄຫຼໂດຍບໍ່ເປີດເຜີຍວ່າເວັບໄຊມີບັນຫາດົນປານໃດໃນເບື້ອງຕົ້ນສົ່ງຜົນກະທົບສະເພາະຜູ້ໃຊ້ໃນປເທດອັງກິດເທົ່ານັ້ນ.

 ຂໍ້ມູນຂອງລູກຄ້າທີ່ຮົ່ວໄຫຼແມ່ນຊື່, ເບີໂທລະສັບ, ທີ່ຢູ່, ອີເມວ ແລະຂໍ້ມູນການສັ່ງຊື້ແຕ່ເຖິງຢ່າງໃດກໍຕາມເລກບັດເຄຼດິດຂອງລູກຄ້າບໍ່ໄດ້ຖືກຮົ່ວອອກມາໂດຍຊຳຊຸງລະບຸວ່າ “ພວກເຮົາຈະຕິດຕໍ່ຜູ້ທີ່ໄດ້ຮັບຜົນກະທົບຈາກບັນຫາທີ່ລຸກຄ້າພົບ ແລະສະໜອງຂໍ້ມູນເພີ່ມເຕີມ.”

  ເຖິງຢ່າງໃດກໍຕາມ, ໃນຕົ້ນເດືອນຕຸລາໃນໄລຍະຜ່ານມາບໍລິສັດໄດ້ປະເຊີນກັບບັນຫາຈາກໂທລະສັບມືຖືຂອງບໍລິສັດເມື່ອຜູ້ໃຊ້ໂທລະສັບ Galaxy S10 ຂອງຊຳຊຸງ ລາຍງານວ່າອຸປະກອນມີບັນຫາ ການສະແກນລາຍນິ້ວມືຊຶ່ງອຸປະກອນບໍ່ສາມາດອ່ານຂໍ້ມູນໄດ້.

______________

#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

แชร์