ແອັບເປິ້ນກຽມຈັດງານໃນວັນທີ 31 ມີນາ ແລະເປີດໂຕໄອໂຟນ 9 ໃນວັນທີ 3 ເມສາ

  ຂ່າວລື Apple ກຽມຈັດ ງານ Special Event ວັນທີ 31 ມີນາ ແລະອາດຈະເປີດໂຕ iPhone 9 ໃນວັນທີ 3 ເມສານີ້ມາແລ້ວຂ່າວລືກັບການຈັດງານເປີດໂຕຜະລິດຕະພັນໃໝ່ຂອງ Apple ໃນປີ 2020 ຫຼັງຈາກມີກະແສຂ່າວລື ອອກມາແຕ່ຕົ້ນປີວ່າ Apple ຈະເປີດໂຕ iPhone ລາຄາປະຢັດໃນຊ່ວງເດືອນມີນານີ້ອາດໃຊ້ຊື່ວ່າ iPhone 9 ຫຼື iPhone SE2 ໂດຍ ມີພາບເຣນເດີ ແລະເຄສຫຼຸດອອກມາໃຫ້ຊົມກັນແລ້ວເໝືອນກັນ.

  ໂດຍຫຼ້າສຸດເວັບໄຊ iPhone-Ticker ສັນຊາດເຢຍລະມັນກໍໄດ້ລາຍງານຂ່າວອອກມາວ່າ Apple ມີແຜນຈັດງານ Special Event ໃນຊ່ວງທ້າຍເດືອນມີນານີ້ ໂດຍ ເລືອກເອົາວັນອັງຄານວັນທີ 31 ມີນາເປັນວັນຈັດງານ ແລະຈະເປີດ ໂຕ iPhone 9 ຫຼື iPhone SE2 ໃນວັນສຸກວັນທີ 3 ເມສາ ທີ່ຈະ ເຖິງນີ້ ໂດຍເມື່ອປີທີ່ແລ້ວ Apple ໄດ້ຈັດງານໃນວັນທີ 25 ມີນາເປີດໂຕບໍລິການ Apple News+, Apple Card, ແລະApple Arcade ສ່ວນໃນປີ 2018 ທາງ Apple ກໍໄດ້ຈັດງານໃນວັນທີ 27 ມີນາ ເປີດໂຕ iPad ລຸ້ນໃໝ່ທີ່ເຈາະ ກຸ່ມນັກສຶກສາ.

  ຊຶ່ງຖ້າ Apple ຈັດງານໃນວັນ ທີ 31 ມີນາ ແລະເປີດໂຕ iPhone 9 ຫຼື iPhone SE2 ໃນວັນທີ 3 ເມສາຈິງກໍຄາດວ່າ  iOS 13.4  ຕົວເຕັມກໍຈະຖືກປ່ອຍອອກມາພາຍໃນອາທິດນັ້ນຢ່າງແນ່ນອນ ຊຶ່ງໃນເວີ ຊັນນີ້ກໍມາພ້ອມຟີເຈີໃໝ່ດັ່ງ  iCloud Drive folder sharing, Memoji stickers ໃໝ່ເປັນຕົ້ນຊຶ່ງຄາດວ່າ ພາຍໃນງານເປີດໂຕນອກຈາກຈະໄດ້ເຫັນ iPhone 9 ແລ້ວອາດຈະ ໄດ້ເຫັນ iPad Pro ລຸ້ນໃໝ່, MacBook Pro 13 ນິ້ວທີ່ປ່ຽນໃຊ້ຄີ ບອດແບບດຽວກັບລຸ້ນ 16 ນິ້ວອຸປະກອນຕິດຕາມຂອງເສຍ AirTags, ທີ່ສາກໄຟໄຮ້ສາຍລຸ້ນໃໝ່ ແລະຫູຟັງບລູທູດລຸ້ນໄຮເອນຄົງຕ້ອງຕິດຕາມກັນຕໍ່ໄປວ່ານີ້ຈະເປັນ ຈິງ ຫຼື ບໍ່.

แชร์