ເຊີນສໍາຜັດບັນຍາກາດທໍາມະຊາດ ຕາດຫ້ວຍແວກ

  ຕາດຫ້ວຍແວກສະຖານທີ່ທ່ອງທ່ຽວທາງທໍາມະຊາດທີ່ສວຍສົດງົດງາມອີກແຫ່ງໜຶ່ງເພາະເປັນຕາດທີ່ອ້ອມຮອບໄປດ້ວຍຕົ້ນໄມ້ນ້ອຍໃຫຍ່ສີຂຽວຄຽງຂ້າງກັນກໍມີທິວທັດທໍາມະຊາດ, ຊີວະນາໆ ພັນ, ມີສາຍລົມເຢັນພັດໂຊຍມາຕະຫຼອດເວລາ, ປະກອບກັບນໍ້າທີ່ໃສສະອາດ ແລະເຢັນດີໄຫຼລົງມາໜ້າຊະອອນສໍາຜັດແລ້ວມີຄວາມສຸກຈິດໃຈເພີດເພີນໄປຈົນລືມອິດລືມເມື່ອຍໄປເລີຍ.

 ສໍາລັບຕາດທີ່ວ່ານີ້ແມ່ນຕັ້ງຢູ່ ຫ່າງຈາກບ້ານຫົວແວກຕາດຫ້ວຍ ແວກສູງປະມານ 25 ແມັດ ຊຶ່ງ ມີສາຍນໍ້າໄຫຼລົງມາຈາກເທິງພູ ກັນຕອງຄວາມໃສສະອາດໂດຍທໍາມະຊາດຢ່າງແທ້ຈິງ, ສ່ວນລັກສະນະຕາດມີສອງຊັ້ນນໍ້າໄຫຼຜ່ານຮ່ອມພູເລິກເພາະມີຫີນຂະໜາດນ້ອຍ ໃຫຍ່ຢັງຢາຍກັນເປັນພັກເປັນພັກເມື່ອສາຍນໍ້າໄຫຼລົງມາສາດໃສຫີນ ເບິ່ງແລ້ວສວຍງາມກິນໃຈ, ອ້ອມຮອບຕາດກໍມີປ່າໄມ້ໃຫຍ່ປົກຄຸມ ແລະອາກາດຊຸ່ມເຢັນຕະຫຼອດປີ ນອກນັ້ນໃນບໍລິເວນຕາດຫ້ວຍ ແວກ ເປັນເຂດທີ່ອຸດົມສົມບູນໄປ ດ້ວຍທຳມະຊາດ, ສັດນໍ້າ, ສັດບົກ ແລະພືດພັນນາໆຊະນິດ, ອີກທັງຍັງ ເປັນທໍາມະຊາດທີ່ສວຍງາມຂອງພູຜາປ່າໄມ້.

  ທັງນີ້ກໍຍ້ອນສະຖານທີ່ດັ່ງກ່າວມີອາກາດປອດໂປ່ງສົດໃສ ແລະ ເຢັນດີອັນເນື່ອງຈາກວ່າຢູ່ພາຍໃນຕາດມີຕົ້ນໄມ້ໃຫຍ່ດົກໜາປົກຄຸມບໍລິເວນ,ນັກທ່ອງທ່ຽວທຸກຄົນສາມາດລົງໄປນັ່ງຫຼິ້ນຢູ່ຕາມໂງ່ນຫີນ ທີ່ຕັ້ງລຽນເປັນຈຸດໆຕາມແລວນໍ້າ ທີ່ມີແກ້ງໄຫຼຜ່ານໃສເຢັນດີ ຫຼື ລົງໄປລອຍຫຼິ້ນໄດ້ຕາມສະບາຍ.\

_____________

#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

 

 

แชร์