ມສ ແກ່ນທ້າວ ສໍາເລັດການຮຽນວິຊາປ້ອງກັນຊາດ

  ພິທີສະຫຼຸບການຮຽນ-ການສອນວິຊາສຶກສາປ້ອງກັນຊາດປະຈໍາສົກຮຽນ 2019-2020 ຂອງໂຮງຮຽນມັດທະຍົມສົມບູນ ແກ່ນທ້າວ ເມືອງແກ່ນທ້າວ ແຂວງໄຊຍະບູລີ ໄດ້ຈັດຂຶ້ນໃນວັນທີ 24 ກຸມພາ ຜ່ານມາພາຍຫຼັງທີ່ໄດ້ດໍາເນີນມາເປັນເວລາ 5 ວັນ ທີ່ໂຮງຮຽນດັ່ງກ່າວ, ໂດຍການເປັນກຽດເຂົ້າຮ່ວມຂອງທ່ານ ພັທ ອານັນ ສາລະພັນ ຫົວໜ້າກອງບັນຊາການທະຫານເມືອງ, ທ່ານ ສີບົວທອງ ອິນທະວົງ ຮອງຫົວໜ້າຫ້ອງການສຶກສາທິການ ແລະ ກີລາເມືອງ, ທ່ານ ອາຈານ ສຸລິຍາສັກ ລັດຖະຫວັນ ຜູ້ອໍານວຍການໂຮງຮຽນ ມສ ແກ່ນທ້າວ, ມີຄະນະອໍານວຍການໂຮງຮຽນ, ຄູຝຶກ, ຄູ-ອາຈານ ແລະນ້ອງນັກຮຽນເຂົ້າຮ່ວມຢ່າງພ້ອມພຽງ.

ສະໜັບສະໜູນໂດຍ: HONDA

 ການຮຽນ-ການສອນວິຊາສຶກສາປ້ອງກັນຊາດຄັ້ງນີ້, ນ້ອງນັກຮຽນໄດ້ຮໍ່າຮຽນກົດໝາຍທະຫານພັນທະຂອງ ສປປ ລາວ, ແນວ ທາງນະໂຍບາຍຂອງພັກ-ລັດຕໍ່ຊົນ ເຜົ່າການເຕົ້າໂຮມຄວາມສາມັກຄີສິດສະເໝີພາບບັນດາເຜົ່າໃນ ສປປ ລາວ, ລະບຽບຮູບແຖວບຸກຄົນມືເປົ່າເຄື່ອນທີ່ປະຈໍາທີ 20 ຈັງຫວະ, ຈັງຫວະພື້ນຖານບຸກຄົນເຄື່ອນຍ້າຍເທິງໜ້າສະໜາມ, ທິດສະດີຄຸນຄ່າສະມັດຕະພາບ ແລະການປະກອບສ້າງຂອງປືນອາກາ, ປືນເຊກາເຊ ແລະຫຼັກການເລັງເບຍເອົາເປົ້າໝາຍ.

_____________

#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

แชร์