ຫົວພັນ ກຽມພ້ອມສົ່ງນັກຮຽນເກັ່ງຮ່ວມສອບເສັງລະດັບຊາດ

 ເມື່ອອາທິດຜ່ານມາທີ່ສະໂມສອນໂຮງຮຽນມປາຍຕົວແບບ ແຂວງຫົວພັນ ໄດ້ຈັດພິທີສອບເສັງຄັດເລືອກເອົານັກຮຽນເກັ່ງຊັ້ນ ມ4 ແລະ ມ7 ປະຈຳສົກຮຽນ 2019-2020 ເພື່ອເຂົ້າຮ່ວມສອບເສັງນັກຮຽນເກັ່ງໃນລະດັບຊາດທົ່ວປະເທດ, ເຂົ້້າຮ່ວມເປັນປະທານສອບເສັງຂອງທ່ານ ມອນສິງ ເພັດວຽງສີ ຮອງຫົວໜ້າພະແນກສຶກສາທິ ການ ແລະກີລາແຂວງ,ມີຄະນະກໍາມະການທີ່ຮັບຜິດຊອບການສອບເສັງ,ຄູນໍາພາ, ນ້ອງຫຼານນັກຮຽນເກັ່ງມາຈາກ 10 ເມືອງ ທົ່ວແຂວງ, ໂຮງຮຽນອ້ອມຂ້າງແຂວງ ແລະພາກສ່ວນທີ່ກ່ຽວຂ້ອງ ເຂົ້າຮ່ວມນໍາ.

  ໃນສົກຮຽນ 2019–2020 ທົ່ວແຂວງຫົວພັນມີນັກຮຽນເກັ່ງຊັ້ນ ມ4 ແລະ ມ7 ເຂົ້າຮ່ວມສອບ ເສັງທັງໝົດ 116 ນ້ອງ: ຍິງ 36 ນ້ອງ ໃນນັ້ນຊັ້ນ ມ4 ມີ 56 ນ້ອງ, ຍິງ 18 ນ້ອງໂດຍໄດ້ແບ່ງການສອບເສັງອອກເປັນ 2 ຊັ້ນຮຽນຄື: ມັດທະຍົມຕອນຕົ້ນ ມ4 ແລະມັດທະຍົມຕອນປາຍ ມ7, ມີ 4 ວິ ຊາຄື: ພາສາລາວ-ວັນນະ ຄະດີ, ຄະນິດສາດ, ເຄມີສາດ ແລະຟີຊິກສາດ.

 ຜ່ານການສອບເສັງຊັ້ນ ມ4 ວິຊາພາສາລາວ-ວັນນະຄະດີອັນດັບ 1 ໄດ້ແກ່ ທ້າວ ຄໍາພອນ ບຸນແພງຈັນ ມາຈາກໂຮງຮຽນສາມັນກິນນອນຊົນເຜົ່າເມືອງວຽງໄຊ, ວິຊາຄະນິດສາດທີ 1 ໄດ້ແກ່ ທ້າວ ເຮີ ເຢຍບົ່ວຫວ່າງ ມາຈາກໂຮງຮຽນສາມັນກິນນອນຊົນເຜົ່າເມືອງວຽງໄຊ ວິຊາເຄມີສາດ ອັນດັບທີ 1 ໄດ້ແກ່ ນາງ ເມລີສາ ວິໄລວັນ ມາຈາກໂຮງຽນ SOS ເມືອງຊໍາ ເໜືອ ວິຊາຟີຊິກສາດທີ 1 ໄດ້ແກ່ ທ້າວ ສານສະກິດ ຫວ່າງມາຈາກໂຮງຮຽນສາມັນກິນນອນຊົນເຜົ່າເມືອງວຽງໄຊ.

ສະໜັບສະໜູນໂດຍ: HONDA

   ສ່ວນຊັ້ນ ມ7 ຍາດໄດ້ທີ 1 ວິຊາພາສາລາວ-ວັນນະຄະດີໄດ້ແກ່ ທ້າວ ແປັກທິບ ຄຸນວີທອງ ມາຈາກໂຮງຮຽນ ມ ປາຍຕົວແບບແຂວງ, ວິຊາຄະນິດສາດທີ 1 ໄດ້ແກ່ ທ້າວ ໄມຄໍາ ສໍເສັງ ມາຈາກ ໂຮງຮຽນ ມສ ຊໍາໃຕ້, ວິຊາເຄມີ ສາດທີ 1 ໄດ້ແກ່ ທ້າວ ຂັນທະລີລາຊະວົງ ມາຈາກໂຮງຮຽນ ມສ ພັນລາ ໄດ້ທີ 1 ວິຊາຟີຊິກສາດໄດ້ແກ່ ທ້າວ ຕູ້ ໄຊບຸນຍົງ ມາຈາກໂຮງຮຽນ ມສ ປາຄາໃຕ້ ເມືອງຫົວເມືອງ,ສໍາລັບການແຂ່ງຂັນຖາມ-ຕອບຄໍາຖາມວິທະຍາສາດ: ອັນດັບທີ 1 ໄດ້ແກ່ທີມເມືອງວຽງໄຊ, ອັນ ດັບທີ 2 ໄດ້ແກ່ທີມໂຮງຮຽນ ມ ປາຍຕົວແບບແຂວງ ແລະອັນດັບທີ 3 ໄດ້ແກ່ ທີມໂຮງຮຽນ SOS ເມືອງຊໍາເໜືອ, ສ່ວນທີ 4 ຕົກເປັນຂອງທີມນັກຮຽນມາຈາກທີມໂຮງຮຽນສາມັນກິນນອນຊົນເຜົ່າເມືອງວຽງໄຊ.

  ຜູ້ທີ່ສອບເສັງໄດ້ອັນດັບທີ 1 ໃນແຕ່ລະວິຊາຈະໄດ້ເປັນຕົວແທນໃຫ້ແກ່ແຂວງຫົວພັ ເພື່ອເຂົ້້າຮ່ວມການສອບເສັງນັກຮຽນເກັ່ງລະດັບຊາດໃນທົ່ວປະເທດທີ່ຈະຈັດຂຶ້ນໃນ ເດືອນມີນາ 2020 ທີ່ຈະມາຮອດນີ້.

_____________

#ຂຽນໂດຍ: ສີສົມສັກ
#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

 

แชร์