ຄືບໜ້າການກະກຽມຄວາມພ້ອມງານມະຫາກໍາກີລາ ແຫ່ງຊາດຄັ້ງທີ XI

 ເມື່ອອາທິດຜ່ານມາທີ່ຫ້ອງປະຊຸມພະແນກສຶກສາທິການ ແລະກີລາແຂວງຊຽງຂວາງ ໄດ້ມີກອງປະຊຸມລາຍງານຄວາມຄືບໜ້າການກະກຽມຄວາມພ້ອມງານມະຫາກຳກີລາແຫ່ງຊາດທີ່ແຂວງຊຽງຂວາງພາຍໃຕ້ການເປັນປະທານຂອງ ທ່ານ ບົວສອນ ສີນວນທອງ ຮອງເຈົ້າແຂວງຊຽງຂວາງ, ຮອງປະທານຈັດງານມະຫາກໍາກີລາແຫ່ງ ຊາດຄັ້ງທີ XI, ເຂົ້າຮ່ວມຂອງທ່ານ ບົວລານ ສີລິປັນຍາ ຮອງລັດຖະມົນຕີກະຊວງສຶກສາທິການ ແລະກີລາ,ທ່ານ ສົມພູ ພົງສາ ຜູ້ຊ່ວຍລັດຖະມົນຕີກະຊວງສຶກສາທິ ການ ແລະກີລາ, ມີບັນດາຫົວໜ້າກໍາມະການ, ອະນຸກໍາມະການທີ່ຮັບຜິດຊອບແຕ່ລະໜ້າວຽກ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

 ໂອກາດນີ້ທ່ານ ບົວລີ ພັນນາ ວົງກອງ ເລຂາຜູ້ປະຈໍາການຈັດງານມະຫາກໍາກີລາແຫ່ງຊາດຄັ້ງທີ XI ໄດ້ຂຶ້ນລາຍງານຄວາມຄືບໜ້າຂອງການກະກຽມບັນດາໜ້າວຽກຕ່າງໆໃຫ້ແກ່ງານມະຫາກຳກີລາແຫ່ງຊາດຄັ້ງທີ XI ເປັນຕົ້ນ ແມ່ນໄດ້ຈັດກອງປະຊຸມຮ່ວມກັບກຳມະການເຕັກນິກຈັດການແຂ່ງຂັນເພື່ອໃຫ້ບັນດາແຂວງໄດ້ຮັບຮູ້ຂໍ້ມູນຂອງແຂວງເຈົ້າພາບບາງຢ່າງເຊັ່ນ, ສະຖານທີ່ແຂ່ງຂັນກີລາແຕ່ລະປະເພດ, ສະຖານທີ່ພັກຂອງຄູຝຶກ ແລະນັກກີລາ, ສະຖານທີ່ພັກ, ລາຄາໂຮງແຮມ, ຣີສອດ, ບ້ານ ພັກ, ຮ້ານອາຫານ,ບໍລິການ ແລະຫົວໜ່ວຍລາຄາອາຫານ, ຈັດສົ່ງສັດນໍາໂຊກ,ໂລໂກ໊ຂອງງານໃຫ້ຜູ້ສະໜັບສະໜູນ ແລະບັນດາບໍລິສັດເພື່ອປະກອບໃສ່ເຄື່ອງນຸ່ງຕາມ

ໃບສັ່ງວຽກຂອງກອງເລຂາ, ຈັດກອງປະຊຸມທາບທາມຜູ້ປະກອບການຕ່າງໆ ເພື່ອຄຸ້ມຄອງລາຄາໂຮງແຮມ, ບ້ານພັກ ແລະຮ້ານອາຫານ, ຊີ້ນໍາຄະນະຮັບຜິດຊອບດ້ານເຕັກນິກການກໍ່ສ້າງໃໝ່ ແລະ ສ້ອມແປງສະຖານທີ່ຕ່າງໆໃນການລົງຕິດຕາມກວດກາສັງລວມສະພາບບັນຫາ ແລະ ລາຍງານປະທານ, ປະສານສົມທົບ ແລະ ອໍານວຍ ຄວາມສະດວກດ້ານຕ່າງໆໃຫ້ແກ່ບັນດາກຳມະການໄດ້ດໍາເນີນຕາມພາລະບົດບາດຂອງຕົນເຊັ່ນວ່າ: ຈັດສັນຫ້ອງປະຈໍາການ, ສະໜອງອຸປະກອນຮັບໃຊ້, ເກັບກໍາເບີ້ເຄື່ອງນຸ່ງຂອງແຕ່ລະກໍາມະການ, ອະກຳມະການ, ກວດກາລາຍຊື່ແຂກ ທັງພາຍໃນ ແລະຕ່າງປະເທດທີ່ຈະເຂົ້າຮ່ວມພິທີເປີດ-ປິດ, ອໍານວຍຄວາມສະດວກຈຸດຮັກສາຄວາມ ສະຫງົບ, ຈຸດຈູດບັ້ງໄຟດອກໃຫ້ກຳມະການ ປກສ-ປກຊ, ກວດກາ ປ້າຍຕິດລົດການນໍາ, ຄະນະນໍາ ແລະແຂກທີ່ຖືກເຊີນ, ປະກອບຂໍ້ມູນ ຄະນະນໍາ, ນັກກີລາ

ຂອງແຂວງ, ນະຄອນຫຼວງ, ກະຊວງ ແລະບັນ ດາກຳມະການຕ່າງໆ ເພື່ອກຽມ ອອກບັດ, ອອກແຈ້ງການເຖິງບັນດາແຂວງ, ນະຄອນຫຼວງ, ກະຊວງ ເພື່ອສະໜອງຂໍ້ມູນຄະນະນໍາ, ຄູຝຶກ, ນັກກີລາດີເດັ່ນຜູ້ຖືທຸງພ້ອມຜົນງານ, ຄໍາຂວັນຂອງແຂວງ, ແຈ້ງການຂອງປະທານຈັດງານເຖິງທຸກເມືອງ, ພະແນກການ, ລັດວິສາຫະ ກິດ  ແລະຫົວໜ່ວຍທຸລະກິດທັງພາກລັດ ແລະເອກະຊົນເພື່ອໂຄສະນາ ການເປັນເຈົ້າພາບປັບປຸງກົງຈັກການຈັດຕັ້ງຂອງບາງກໍາມະການ ທີ່ມີຄວາມຈໍາເປັນຕ້ອງໄປປະຕິບັດ ໜ້າທີ່ອື່ນ ແລະປັບປຸງກົນໄກ, ວິທີການປະກອບເອກະສານຄືນໃໝ່, ຈັດໂຊນທີ່ນັ່ງຂອງແຂກ ແລະມວນຊົນທີ່ຈະເຂົ້າຮ່ວມພິທີເປີດ-ປິດ,ປັບປຸງໃບຍ້ອງຍໍຄືນໃໝ່ໃຫ້ສອດ ຄ່ອງກັບສະພາບຕົວຈິງ, ສ້າງແຜນງົບປະມານການສະໜອງຕັ່ງ 5000 ໜ່ວຍເຂົ້າໃນສະໜາມ ແລະຕິດຕັ້ງ ໂປແຈັກເຕີອີກ 3 ໜ່ວຍ, ປະສານສົມທົບກັບພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວແຂວງ, ກົມແຜນທີ່ເພື່ອບັນຈຸສະຖານທີ່ແຂ່ງຂັນເຂົ້າສູ່ລະບົບ GPS, ຮອງຮັບ ແລະປະກາດໃຊ້ຊື່ສະໜາມແຂ່ງຂັນ 2 ສະ ໜາມຄື: ສະໜາມກີລາໂພນ ມີໄຊມີຊື່ວ່າ (ສະໜາມກີລາໄຊຊະນະ), ສະໜາມກີລາເປີດ-ປິດ ມີ ຊື່ວ່າ (ສະໜາມກິລາທົ່ງໄຫຫີນ).

_____________

#ຂຽນໂດຍ: ຄານສີສະຫວັນ

#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

แชร์