ຊປປລ ໄຊສົມບູນ ເອົາວຽກສຶກສາອົບຮົມການເມືອງ-ແນວຄິດເປັນບັນຫາສຳຄັນ

  ກອງປະຊຸມເປີດກວ້າງຄົບຄະນະບໍລິຫານງານຊາວໜຸ່ມແຂວງໄຊສົມບູນຄັ້ງທີ V ສະໄໝທີ I ໄດ້ໄຂຂຶ້ນໃນວັນທີ 26 ກຸມພາ 2020 ທີ່ຫ້ອງປະຊຸມສານປະຊາຊົນແຂວງໂດຍການເປັນປະທານຂອງ ສະຫາຍ ສົມດີ ຈັນທະວົງ ເລຂາຄະນະບໍລິຫານງານຊາວໜຸ່ມແຂວງ, ໃຫ້ກຽດເຂົ້າຮ່ວມຂອງ ສະຫາຍ ພົຕ ຄຳລຽງ ອຸທະໄກສອນ ເຈົ້າແຂວງໄຊສົມບູນ, ມີກຳມະການພັກແຂວງ, ອົງການຈັດຕັ້ງມະຫາຊົນຂັ້ນແຂວງ ແລະຄະນະບໍລິຫານງານຊາວໜຸ່ມທັງ 5 ເມືອງພ້ອມດ້ວຍເລຂາ-ຮອງເລຂາຮາກ ຖານໜ່ວຍຊາວໜຸ່ມອ້ອມຂ້າງແຂວງ.

ສະໜັບສະໜູນໂດຍ: HONDA

  ກອງປະຊຸມໄດ້ຮັບຟັງການຜ່ານຮ່າງບົດສະຫຼຸບການເຄື່ອນໄຫວຈັດຕັ້ງປະຕິບັດວຽກງານໄລຍະທີ່ຜ່ານມາ ແລະທິດທາງແຜນການໃນຕໍ່ໜ້າຊຶ່ງຕະຫຼອດໄລຍະທີ່ຜ່ານມາຄະນະບໍລິຫານງານຊາວໜຸ່ມແຂວງໄດ້ມີການເຄື່ອນໄຫວຢ່າງຕັ້ງໜ້າ, ແຂງແຮງ ແລະກວ້າງຂວາງຕາມຂອບເຂດຄວາມຮັບຜິດຊອບຂອງຕົນທີ່ຂັ້ນເທິງມອບໝາຍໃຫ້ໂດຍຖືເອົາວຽກງານສຶກສາອົບຮົມການເມືອງ-ແນວຄິດ ໃຫ້ພະນັກງານ-ລັດຖະກອນເປັນບັນຫາສຳຄັນ ແລະມີຜົນສຳເລັດຫຼາຍດ້ານໃນການຊີ້ນຳ-ນຳພາ ວຽກງານຂອງຕົນ ເປັນຕົ້ນ: ວຽກງານປັບປຸງການຈັດຕັ້ງຊາວ ໜຸ່ມແຕ່ລະຂັ້ນ; ການຂະຫຍາຍ ສະມາຊິກຊາວໜຸ່ມ-ເຍົາວະຊົນ; ການສ້າງຂະບວນການ; ການຈັດຕັ້ງປະຕິບັດຂໍ້ແຂ່ງຂັນ 4 ບຸກ; ວຽກງານຕິດຕາມກວດກາ ແລະວຽກງານກໍ່ສ້າງພັກ-ພະນັກງານ, ນອກຈາກຜົນສຳເລັດທີ່ຍາດມາໄດ້ນັ້ນຍັງມີຈຸດອ່ອນ ແລະຂໍ້ຄົງຄ້າງທີ່ຈະຕ້ອງໄດ້ມີການປັບປຸງແກ້ໄຂເພື່ອເຮັດໃຫ້ວຽກງານຊາວໜຸ່ມໄດ້ຮັບຜົນສຳເລັດຕາມການມອບໝາຍຂອງຂັ້ນເທິງ.

  ຈາກນັ້ນຜູ້ແທນກອງປະຊຸມໄດ້ຜັດປ່ຽນກັນປະກອບຄຳຄິດເຫັນໃສ່ວຽກງານຊາວໜຸ່ມໃນໄລຍະທີ່ຜ່ານມາເພື່ອປັບປຸງແບບແຜນວິທີເຮັດວຽກໃຫ້ມີຫຼາຍຮູບ, ຫຼາຍສີ ແລະມີເນື້ອໃນຮັດກຸມໃນປີຕໍ່ໜ້າ. ທັງນີ້ກໍເພື່ອສະຫຼຸບການຈັດຕັ້ງປະຕິບັດເນື້ອໃນມະຕິກອງປະຊຸມເປີດກວ້າງຄົບຄະນະບໍລິຫານງານຄັ້ງທີ IV ສະໄໝທີ 1 ແລະທິດ ທາງແຜນການ ປີ 2019, ພ້ອມທັງຮັບຟັງການສະເໜີແຜນວຽກງານຈຸດສຸມໃນປີ 2020 ຂອງບັນດາເມືອງ ແລະຂະແໜງການຕ່າງໆ ຂອງຄະນະບໍລິຫານງານ ຊາວໜຸ່ມແຂວງເພື່ອເຮັດໃຫ້ວຽກງານຊາວໜຸ່ມໄດ້ມີການພັດທະນາດີຂຶ້ນກວ່າເກົ່າ.

_____________

ໜັງສືພິມເສດຖະກິດ-ສັງຄົມ

แชร์