ໂຮງແຮມເອເດັນເຣຊີເດັນ ເນັ້ນການບໍລິການຄວາມພໍໃຈລູກຄ້າ

 ເອເດັນເຣຊີເດັນ Eden Residence ເປັນອີກໜຶ່ງແຫ່ງທີ່ຫາກໍ່ເປີດໃຫ້ບໍລິການໂດຍເນັ້ນບັນຍາກາດງຽບສະຫງົບພ້ອມການຕົບແຕ່ງສະຕາຍໂມເດິນທ່ີໂດດເດັ່ນ ທັນສະໄໝສາມາດຕອບໂຈດຄວາມຕ້ອງການຂອງລູກຄ້າໄດ້ຫຼາຍທີ່ສຸດ.

  ທ່ານ ນາງ ພະຈິກຕາ ອຸດົມ ເຈົ້າຂອງໂຮງແຮມເອເດັນເຣຊີເດັນ Eden Residence ໃຫ້ສຳພາດວ່າ: ຈຸດເລີ່ມຕົ້ນຂອງທຸລະກິດນີ້ເນື່ອງຈາກທີ່ເຫັນວ່າໂຮງແຮມໃນນະຄອນໄກສອນພົມວິຫານ ແຂວງສະຫວັນນະເຂດ ແຕ່ລະບ່ອນຍັງບໍ່ສາມາດຕອບໂຈດ ໃຫ້ກັບລູກຄ້າໄດ້ດີເທົ່າທ່ີຄວນດັ່ງນັ້ນພວກເຮົາຕ້ອງພັດທະນາມາດຕະຖານໂຮງແຮມໃຫ້ສູງຂຶ້ນ ໂດຍທີ່ສຳຄັນທີ່ສຸດທີ່ລູກຄ້າຕ້ອງ ການກໍແມ່ນຄວາມປອດໄພຄວາມ ສະອາດງົດງາມ, ຄວາມສະຫງົບ ແລະການບໍລິການທີ່ປະທັບໃຈ, ກໍເລີຍຄິດວ່າຄວນປ່ຽນວິກິດໃຫ້ເປັນໂອກາດຈຶ່ງຕັດສິນໃຈສ້າງໂຮງ ແຮມແຫ່ງນີ້ຂຶ້ນມາໂດຍໄດ້ອອກແບບແຜນຜັງ ແລະໂຄງສ້າງການອອກແບບທີ່ທັນສະໄໝ ແລະຍັງຖືກຄັດເລືອກໃຫ້ເປັນໜຶ່ງໃນການອອກແບບຕຶກທີ່ໂດດເດັ່ນຂອງວາລະສານ Architecture ຂອງປະເທດ Singapore ປີ 2018 ເປັນອາຄານອາເນກປະສົງ 9 ຊັ້ນ.

 ໃນແຕ່ລະຫ້ອງມີເຄື່ອງໃຊ້ຄົບຊຸດໃຫ້ທ່ານເຂົ້າມາຢູ່ໄດ້ເລີຍ, ລະບົບພາຍໃນໂຮງແຮມເນັ້ນຄວາມສະບາຍທຸກຫ້ອງລ້ວນແລ້ວແຕ່ມີຄວາມໂລ່ງສາມາດລະບາຍອາກາດໄດ້ດີ, ມີຄວາມສະຫງົບ ແລະຄວາມຊຸ່ມຊື່ນຂອງບັນຍາກາດວິວໃຈກາງເມືອງເຮັດໃຫ້ແຂກທີ່ມາພັກອາໄສຮູ້ສຶກຜ່ອນຄາຍ, ການຕົບແຕ່ງພາຍໃນເນັ້ນສະຕາຍໂມເດິນທີ່ໂດດເດັ່ນທັນສະໄໝເໝາະກັບຍຸກປະຈຸບັນ ແລະຍັງຖືກຄັດເລືອກໃຫ້ເປັນໜຶ່ງໃນການອອກແບບຕຶກທີ່ໂດດເດັ່ນຂອງວາລະສານ Architecture.

ສະໜັລສະໜູນໂດຍ: HONDA

  ທ່ານ ນາງ ພະຈິກຕາ ອຸດົມ ກ່າວຕື່ມວ່າ: ໃນທີ່ນີ້ມີການບໍລິການດ້ານຄວາມປອດໄພເປັນຫຼັກ, ດ້ານສະຖານທີ່ຈອດລົດສະດວກສະບາຍ ແລະຫ້ອງພັກທ່ີສາມາດຮັບ ຮອງໄດ້ຫຼາກຫຼາຍຮູບແບບທັງແບບສ່ວນຕົວ, ຄອບຄົວ ແລະໝູ່ ຄະນະມີທັງແບບລາຍເດືອນ ແລະແບບລາຍວັນ, ມີແມ່ບ້ານທຳຄວາມສະອາດທັງເຊົ້າ-ແລງ ຫຼືຕາມທີ່ ຕ້ອງການ, ມີອາຫານເຊົ້າໄວ້ຄອຍບໍລິການດ້ວຍຄວາມເປັນກັນເອງ, ສ້າງຄວາມປະທັບໃຈໃຫ້ແຂກທີ່ເຂົ້າມາໃຊ້ບໍລິການໃຫ້ມີຄວາມຮູ້ ສຶກເໝືອນກັບວ່າກໍາລັງພັກຜ່ອນຢູ່ເຮືອນຂອງຕົນເອງ, ມີຄວາມປະທັບໃຈສໍາລັບໂຮງແຮມແມ່ນຕັ້ງຢູ່ບ້ານສຸນັນທານະຄອນໄກສອນ ພົມວິຫານ ແຂວງສະຫວັນນະເຂດສາມາດເຂົ້າໄປຊົມ ແລະຈອງທີ່ພັກໄດ້ຕາມທີ່ຢູ່ facebook: Eden Residence ຫຼື ໂທ: 020 911199917

______________

#ຂຽນໂດຍ: ແພງຕາ
#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

 

 

แชร์