ປະຊາຊົນເມືອງໄຊພູທອງ 800 ກວ່າຄອບຄົວຮັບເຂົ້າຊ່ວຍເຫຼືອ

  ໃນທ້າຍອາທິດຜ່ານມານີ້, ຫ້ອງການສະຫວັດດີການ-ສັງຄົມເມືອງໄຊພູທອງ ແຂວງສະຫວັນນະເຂດໄດ້ມອບ-ເຂົ້າສານໜຽວຈໍານວນ 20 ໂຕນ ໃຫ້ປະຊາຊົນໃນ 8 ກຸ່ມບ້ານພາຍໃນ ເມືອງໄຊພູທອງ ທີ່ໄດ້ຮັບຜົນກະທົບຈາກໄພພິບັດປີ 2019.

  ສຳລັບ 8 ກຸ່ມ ບ້ານທີ່ໄດ້ຮັບການຊ່ວຍເຫຼືອໃນຄັ້ງນີ້ລວມມີທັງໝົດ 815 ຄອບຄົວ ມີ 5.613 ຄົນ ໃນນີ້ກຸ່ມບ້ານທີ 1 ມີ 776 ຄົນ ໄດ້ຮັບເຂົ້າສານໜຽວ 2.765 ກິໂລ, ກຸ່ມບ້ານທີ 2 ມີ 105 ຄົນ ໄດ້ຮັບເຂົ້າສານໜຽວ 374 ກິໂລ, ກຸ່ມບ້ານທີ 3 ມີ1.277 ຄົນ ໄດ້້ຮັບເຂົ້າສານໜຽວ4.550 ກິໂລ, ກຸ່ມບ້ານທີ 4 ມີ 3 ບ້ານທີ່ໄດ້ຮັບຜົນກະທົບ ມີ 486 ຄົນ ໄດ້ຮັບເຂົ້າສານໜຽວ1.732 ກິໂລ, ກຸ່ມບ້ານທີ 5 ມີ 84 ຄົນ ໄດ້ຮັບເຂົ້າສານໜຽວ 299 ກິໂລ, ກຸ່ມບ້ານທີ 6 ມີຈໍານວນ 6 ບ້ານ ມີ1.410 ຄົນ ໄດ້ຮັບເຂົ້າສານໜຽວ 5.042 ກິໂລ, ກຸ່ມບ້ານທີ 7 ມີ 6 ບ້ານມີ 743 ຄົນ ໄດ້ຮັບເຂົ້າສານໜຽວ 2. 647 ກິໂລ ແລະ ກຸ່ມບ້ານທີ 8 ມີ4 ບ້ານ ມີ 732 ຄົນ ໄດ້ຮັບເຂົ້າສານໜຽວ 2.608 ກິໂລ, ໃຫ້ກຽດມອບໂດຍທ່ານ ຄໍາວິໃສ ຜຸຍຍະວົງ ເຈົ້າເມືອງໄຊພູທອງ ທັງເປັນປະທານຄະນະກໍາມະການປ້ອງ ແລະຄວບ ຄຸມໄຟພິບັດຂັ້ນເມືອງກ່າວຮັບຂອງ ທ່ານ ສົມຫວັງ ພົມໂສພາ ເລຂາ-ນາຍບ້ານບ້ານນາພານຕາງໜ້າໃຫ້ເລຂາ-ນາຍບ້ານທັງ 8 ກຸ່ມ ບ້ານ ຊຶ່ງມີພະນັກງານວິຊາການ ພາຍໃນຫ້ອງການສະຫວັດດີການ-ສັງຄົມເຂົ້າຮ່ວມ.

  ທ່ານ ສົມຫວັງ ພົມໂສພາ ນາຍບ້ານໆນາພານກໍ່ໄດ້ກ່າວສະ ແດງຄວາມຂອບໃຈມາຍັງຄະນະພັກຂັ້ນເທິງໂດຍສະເພາະກໍ່ແມ່ນພະແນກແຮງງານແຂວງກໍ່ຄືຫ້ອງການສະຫວັດດີການ-ສັງຄົມເມືອງທີ່ໄດ້ມີຄວາມເປັນຫວ່ງເປັນໄຍເຖິງຊີວິດການເປັນຢູ່ຂອງພໍ່ແມ່ປະຊາຊົນພາຍໃນເມືອງໄຊພູທອງ ໂດຍສະເພາະກໍ່ແມ່ນບ້ານທີ່ໄດ້ຮັບຜົນກະ ທົບຈາກໄພພິບັດນໍ້າຖ້ວມ ແລະແຫ້ງແລ້ງໃນໄລຍະຜ່ານມາ.

______________

#ຂຽນໂດຍ: ພັນທະມິດ ວົງສຸທິ
#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

 

แชร์