ອິນທິພອນ ປະເດີມສະໜາມມີໄຊເໜືອເຈົ້າພາບ

 ທີມບໍລິສັດ ອິນທິພອນ ບໍລິການ ຈຳກັດ ຜູ້ດຽວ ຫຼື ໄອທີພີນຳທັບໂດຍລຳເນົາສິງໂຕ ອະດີດ ນັກກີລາບານເຕະຊຸບເປີສະຕາທີມ ຊາດລາວ ພາທີມປະເດີມສະໜາມ ນັດທຳອິດໂຊຟອມເກັ່ງຖະຫຼົ່ມທີມເຈົ້າຖິ່ນໄປແບບຂາດຮອຍ 6-3 ປະຕູສ່ວນແອລທີ ກຣຸບປາບເພື່ອນ ວິສະວະ ໄປແບບບໍ່ເຫັນຝຸ່ນ 10-1 ປະຕູໃນການແຂ່ງຂັນບານເຕະ 8 ຄົນ (7 ຮັບ 1) ຮຸ່ນອາຍຸ 35 ປີ ຂຶ້ນໄປລາຍການຄາເມວຄັບ 20 20.

  ພິທີເປີດການແຂ່ງຂັນບານເຕະລາຍການດັ່ງກ່າວໄດ້ມີຂຶ້ນເມື່ອ ວັນທີ 22 ກຸມພາ ຜ່ານມາ ທີ່ສະໜາມກີລາບານເຕະຫຍ້າທຽມປະສານໃຈເມືອງໄຊທານີ ນະຄອນ ຫຼວງວຽງຈັນ ໃຫ້ກຽດເຂົ້າຮ່ວມ ຂອງທ່ານ ນາງ ສຸຈິນດາ ພົມມີ ໄຊ ຮອງຜູ້ອຳນວຍການບໍລິສັດສະຫວັນມີໄຊ ແລະທ່ານ ບຸນ ທົງ ສີຫາລາດ ເຈົ້າຂອງສະໜາມບານ ເຕະຫຍ້າທຽມປະສານໃຈທັງເປັນ ປະທານຈັດການແຂ່ງຂັນພ້ອມ ດ້ວຍບັນດາຄະນະນຳແຕ່ລະພາກ ສ່ວນ, ຄູຝຶກ ແລະນັກກີລາຕະຫຼອດກອງເຊຍເຂົ້າຮ່ວມຢ່າງຫຼວງຫຼາຍ. 

  ໂອກາດນີ້, ທ່ານ ຖານະພັດ ໂກໃສສຸນທອນ ຝ່າຍການຕະຫຼາດ ບໍລິສັດຊີອາວີ ກ່າວວ່າ: ຍ້ອນຢາກ ເຫັນວົງການກີລາບານເຕະລາວ ກໍຄືນະຄອນຫຼວງວຽງຈັນ ມີຂະບວນການຟົດຟື້ນ ແລະເປັນແບບຢ່າງທີ່ ດີໃຫ້ແກ່ກຸ່ມໄວໜຸ່ມເຍົາວະຊົນຫັນມາຫຼິ້ນກີລາເພື່ອຕ້ານປະກົດຫຍໍ້ ທໍ້ທີ່ເກີດຂຶ້ນໃນສັງຄົມປະຈຸບັນດັ່ງ ນັ້ນ, ທາງບໍລິສັດ ຈຶ່ງໄດ້ສົມທົບກັບສະໜາມກີລາປະສານໃຈສືບຕໍ່ຈັດ ການແຂ່ງຂັນບານເຕະລາຍການ ຄາເມວຄຣັບ 2020 ຮຸ່ນອາຍຸ 35 ປີຂຶ້ນໄປຫວັງຢ່າງຍິ່ງວ່າລາຍການ ນີ້ຈະເປັນຜົນປະໂຫຍດສູງສຸດ ແລະ ສາມາດເຮັດຈຸດປະສົງທີ່ກ່າວມານັ້ນປະສົບຜົນສຳເລັດໄປດ້ວຍດີ.

  ຫຼັງຈາກພິທີເປີດການແຂ່ງຂັນ ສຳເລັດກໍໄດ້ມີການແຂ່ງຂັນຄູ່ເປີດ ສະໜາມເຖິງ 5 ຄູ່ ຜ່ານການແຂ່ງ ຂັນຜົນປະກົດວ່າຄູ່ທີ 1 ທີມໄອທີພີ ຊະນະປະສານໃຈ 6-3 ປະຕູ, ຄູ່ ທີ 2 ແອລທີ ກຣຸບ ຊະນະ ເພື່ອນ ວິສະວະ 10-1 ປະຕູ, ຄູ່ທີ 3 ມິດຕະພາບສອງຝັ່ງຂອງຊະນະສາຍ ສຳພັນ 3-1 ປະຕູ, ຄູ່ທີ 4ມາຊດາ ດີກຣີແຊັມລາຍການຊ້າງ ເອັບຊີ ຄັບ 2019 ຖະຫຼົ່ມເອົາຊະນະທ້າຊົນ 7-1 ປະຕູ ແລະຄອບຄົວຢູໂຣບຊະນະຟ້າໃໝ່ 4-2 ປະຕູ ຂະນະທີ່ໂປຣແກຣມການແຂ່ງຂັນໃນນັດຕໍ່ ໄປຈະສືບຕໍ່ຈັດຂຶ້ນໃນວັນທີ 27 ກຸມພາ 2020 ປະສານໃຈ ພົບກັບທ້າຊົນ, ໄອທີພີ ພົບກັບ ຟ້າໃໝ່, ມິດ ຕະພາບສອງຝັ່ງຂອງ ພົບກັບ ເອັດທີທີ, ສາຍສຳພັນ ພົບກັບ ເພື່ອວິສະວະ ແລະມາຊດາ ພົບກັບ ຢູໂຣບ.

 ລາຍການນີ້ໃຫ້ການສະໜັບສະໜູນຫຼັກຂອງບໍລິສັດ ສະຫວັນມີໄຊ ຊຶ່ງຈະດຳເນີນແຂ່ງຂັນຈົນໄປເຖິງ ກາງເດືອນມີນາ 2020 ໂດຍມີທັງໝົດ11ພາກສ່ວນເຂົ້າຮ່ວງ ແບ່ງອອກເປັນ 2 ກຸ່ມ ແຕ່ລະກຸ່ມ ແຂ່ງຂັນພົບກັນໝົດຄັດເອົາທີ 1-2 ຜ່ານເຂົ້າໄປຫຼິ້ນໃນຮອບຕໍ່ໄປລາງ ວັນຊະນະເລີດຈະໄດ້ຮັບຂັນແຊັມ ພ້ອມລາງວັນເງິນສົດ 6 ລ້ານກີບ, ທີ 2 ຈະໄດ້ຮັບຂັນ ພ້ອມເງິນສົດ 4 ລ້ານກີບ, ທີ 3 ຈະໄດ້ຮັບຂັນ ພ້ອມເງິນສົດ 2 ລ້ານກີບ ແລະທີ 4 ຈະໄດ້ຮັບລາງວັນຊົມເຊີຍ 9 ແສນ ກີບ.

----

ໂດຍ: ບຸນນິກ

แชร์