ໄຟຟ້າຫົງສາ ສະໜັບສະໜູນງານມະຫະກໍາບຸນຊ້າງ

  ງານມະຫະກໍາບຸນຊ້າງຄັ້ງທີ 14 ທີ່ແຂວງໄຊຍະບູລີ ໄດ້ໄຂຂຶ້ນຢ່າງເປັນທາງການໃນວັນທີ 22 ກຸມພາ 2020 ທີ່ສະໜາມຫຼວງ ແຂວງໄຊຍະບູລີ ໂດຍມີການນໍາສູນ ກາງ, ແຂວງ, ເມືອງ, ແຂກພາຍໃນ ແລະຕ່າງປະເທດພ້ອມດ້ວຍຊາວແຂວງໄຊຍະບູລີເຂົ້າຮ່ວມຢ່າງຫຼວງຫຼາຍ.

  ທ່ານ ຍັນຍົງ ສີປະເສີດ ຮອງເຈົ້າແຂວງໆໄຊຍະບູລີ ເປັນປະທານໃນການຈັດງານມະຫະກໍາບຸນຊ້າງປະຈໍາປີ 2020 ກ່າວວ່າ: ງານມະຫະກໍາບຸນຊ້າງແຂວງໄຊຍະບູລີ ຈັດຂຶ້ນເປັນປະຈໍາທຸກປີເພື່ອສືບສານສິນລະປະ, ວັດທະນະທໍາ ແລະປະເພນີງານບຸນຊ້າງ ແລະເພື່ອເປັນການອານຸລັກຊ້າງ,ໂດຍໃນປີນີ້,ມີຊ້າງຈາກແຕ່ລະແຂວງພາຍໃນ ສປປ ລາວ ເຂົ້າຮ່ວມຈໍານວນ 72 ເຊືອກ, ມີຫົວໜ່ວຍທຸລະກິດພາຍໃນ ແລະຕ່າງປະເທດ ຈໍານວນ 132 ຮ້ານ ເຂົ້າຮ່ວມວາງສະແດງສິນຄ້າຊຶ່ງລວມມູນຄ່າປະມານ 4 ຕື້ກວ່າກີບ.

  ທ່ານ ຄະທາຢຸດ ຊູພູນ ຜູ້ອໍານວຍການໃຫຍ່ບໍລິສັດໄຟຟ້າຫົງສາ ຈໍາກັດ ແລະທ່ານ ຢຸດທະນາ ຈຸນພັນທອງ ຜູ້ອໍານວຍການຝ່າຍສື່ສານອົງກອນພ້ອມດ້ວຍຄະນະໄດ້ໃຫ້ສະໜັບສະໜູນເງິນງົບປະມານໃນການຈັດງານມະຫະກໍາບຸນຊ້າງມູນຄ່າ 40 ລ້ານກີບ.

______________

#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

แชร์