ໄຊສົມພອນ ເລັ່ງຝຶກຊ້ອມເພື່ອປ້ອງກັນແຊັມທີ່ຊຽງຂວາງ ເກມ

  ທ້າວ ໄຊສົມພອນ ວົງປະຈິດ ນັກກີລາດອກປີກໄກ່ມື 2 ຂອງ ລາວ ທັງເປັນເຈົ້າຂອງແຊັມເກົ່າ ຫຼຽນຄຳງານກີລາອຸດົມໄຊ ເກມ 2014 ຕ້ອງການຝຶກຊ້ອມເພີ່ມອີກ 2 ຢ່າງກໍຄືຟື້ນພະລະກຳລັງ ແລະ ຮຽນຮູ້ເທັນນີກທາງດ້ານວິທະຍາ ສາດການກີລາເສີມຄວາມແຂງ ແກ່ນສ້າງຄວາມໝັ້ນໃຈເຂົ້າຮ່ວມ ປ້ອງກັນແຊັມຫຼຽນຄຳໃນງານມະຫະກຳກີລາແຫ່ງຊາດ ຄັ້ງທີ Xl ຫຼື ຊຽງຂວາງ ເກມ ທີ່ແຂວງຊຽງ ຂວາງ ເປັນເຈົ້າພາບລະຫວ່າງວັນ ທີ 22 ມີນາຫາ 1 ເມສານີ້ ສະໄໝທີ 2 ແລະເປັນຫຼຽນຂອງຂວັນ ລາງວັນເພື່ອຄວາມພາກພູມໃຈໃຫ້ແກ່ພໍ່ແມ່ປະຊາຊົນຊາວນະຄອນ ຫຼວງກໍຄືທັບນັກກີລານະຄອນຫຼວງ ເພື່ອລຸ້ນທວງຄວາມຍິ່ງໃຫຍ່ຄອງ ເຈົ້າຫຼຽນຄຳໃນງານກີລາແຫ່ງຊາດ ດັ່ງກ່າວ.

  ຕາມການໃຫ້ສຳພາດຂອງ ທ້າວໄຊສົມພອນ ວົງປະຈິດ ນັກກີລາດອກປີກໄກ່ທີມຊາດລາວ ທັງ ເປັນມື 2 ຂອງ ສປປ ລາວ ເຈົ້າຂອງຫຼຽນຄຳອຸດົມໄຊ ເກມ ໃຫ້ສຳພາດວ່າ: ປະຈຸບັນຕົນເອງມີກຳ ລັງໃຈສູງຫຼາຍພາຍຫຼັງທີ່ໄດ້ເກັບ ຕົວຝຶກຊ້ອມາເປັນເວລາ 3 ເດືອນເຕັມ ໂດຍມີຄວາມພ້ອມເກືອບເຕັມຮ້ອຍແລ້ວຄວາມຕ້ອງການຍັງພຽງ ແຕ່ຕ້ອງຝຶກຊ້ອມເອົາພະລະກຳລັງ ແລະຮຽນຮູ້ເຕັກນິກທາງດ້ານວິທະຍາສາດການກີລາຈາກຜູ້ຊ່ຽວຊານກໍຄືຄູຝຶກສອນເພື່ອນຳມາເສີມຄວາມ ແຂງແກ່ນ ແລະສ້າງຄວາມໝັ້ນໃຈ ກ່ອນເຂົ້າຮ່ວມປ້ອງກັນແຊັມຫຼຽນ ຄຳສະໄໝທີ 2 ເພື່ອກາຍເປັນສະຖິຕິໃນແກ່ຕົນເອງໃນການງານກີລາລະດັບຊາດອີກຢ່າງກໍຢາກໃຫ້ ເປັນຫຼຽນຄຳຂອງຂວັນລາງວັນ ເພື່ອມອບໃຫ້ແກ່ພໍ່ແມ່ປະຊາຊົນ ຊາວນະຄອນຫຼວງໄດ້ມີຄວາມພາກ ພູມໃຈກໍຄືຊ່ວຍໃຫ້ທັບນັກກີລານະ ຄອນຫຼວງເພື່ອລຸ້ນທວງຄວາມຍິ່ງໃຫຍ່ຄອງເຈົ້າຫຼຽນຄຳໃນງານກີ ລາຊຽງຂວາງ ຄັ້ງນີ້ອີກດ້ວຍ. ແນວໃດກໍຕາມ, ໃນສ່ວນຕົວແລ້ວກໍບໍ່ຢາກປະມາດເພາະກີລາດອກ ປີກໄກ່ໃຜຝຶກຊ້ອມດີ ແລະມີຄູຝືກຊ່ວຍບອກສອນກໍມີໂອກາດແຈ້ງ ເກີດ  ໂດຍສະເພາະມື 1 ລາວ ທ້າວ ວິຊຸນນະລາດ ພິຈິດ ປີນີ້ໄດ້ລົງຫຼິ້ນ ໃຫ້ກະຊວງພະລັງງານ ແລະບໍ່ແຮ່ ຖືເປັນຄູ່ປັບຕະຫຼອດການ ແລະເປັນ ຄູ່ແຂ່ງຂັນສຳຄັນສະນັ້ນໃນໄລຍະ ມີເວລາທີ່ເຫຼືອກໍຈະພະຍາຍາມຝຶກຊ້ອມ ແລະສຶກສາຜົນການແຂ່ງຂັນ ກັບວິຊຸນນະລາດ ທີ່ຜ່ານມານຳມາປັບປຸງແກ້ໄຂເພື່ອຮັບປະກັນໃນ ການປ້ອງກັນແຊັມໃຫ້ປະສົບຜົນ ສຳເລັດດັ່ງທີ່ຕັ້ງໃຈໄວ້.

  ການແຂ່ງຂັນກີລາດອກປີກໄກ່ ຊຽງຂວາງ ເກມ ແມ່ນເລີ່ມແຂ່ງ ຂັນລະຫວ່າງວັນທີ 23-30 ມີນາ 2020 ຊຶ່ງຈະມີການຊີງໄຊກັນທັງໝົດ 7 ລາຍການ ປະກອບມີປະເພດດ່ຽວຍິງ-ດ່ຽວຊາຍ, ທີມຄູ່ຍິງ-ທີມຄູ່ຊາຍ, ທີມຊຸດ ແລະທີມປະສົມກຳນົດເງື່ອນໄຂໃຫ້ນັກກີລາລົງ ແຂ່ງຂັນໄດ້ 2 ລາຍການຕໍ່ 1 ຄົນສະເພາະນະຄອນຫຼວງແມ່ນຈະສົ່ງ ນັກກີລາຈຳນວນ 12 ຄົນ, ຍິງ 5 ຄົນ ລົງແຂ່ງຂັນຄົບທຸກລາຍການ ສ່ວນທ້າວ ໄຊສົມພອນ ວົງປະຈິດ ແມ່ນຈະໄດ້ລົງຫຼິ້ນລາຍການດ່ຽວ ແມ່ນ 100% ສ່ວນອີກ 1 ລາຍ ການຍັງມີການຄັດເລືອກກັນຢູ່ສ່ວນການປະກົບຄູ່ໃຜຈະໄດ້ຄູ່ກັບໃຜແມ່ນ ຈະຂໍສະເໜີລາຍງານໃຫ້ຊາບຕາມ ພາຍຫຼັງ.

-----

ໂດຍ: ບຸນນິກ

แชร์