ມອບລາງວັນນັກກີລາລາວ ທີ່ຍາດໄດ້ຫຼຽນ ໃນຊີເກມ 2019

 ວັນທີ 24 ກຸມພາ 2020 ທີ່ຫ້ອງປະຊຸມຄະນະກໍາມະການໂອ ແລມປິກ ແຫ່ງຊາດລາວ ໄດ້ມີພິທີສະຫຼຸບຜົນສໍາເລັດ ແລະມອບເງິນລາງວັນໃຫ້ແກ່ຄູຝຶກ ແລະນັກກີລາລາວ ທີ່ຍາດຫຼຽນໃນງານມະຫະກໍາກີລາຊີເກມຄັ້ງທີ 30 ປະເທດຟິລິບປິນໃນປີ 2019 ໃຫ້ກຽດເປັນປະທານ ແລະມອບເງິນໂດຍທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະກີລາພ້ອມດ້ວຍພາກສ່ວນທີ່ ກ່ຽວຂ້ອງ, ຄູຝຶກ ແລະນັກກີລາທີ່ສາມາດຍາດໄດ້ຫຼຽນໃນຊີເກມທັງ 14 ສະຫະພັນກີລາເຂົ້າຮ່ວມ.

 ທ່ານ ແສງພອນ ພົນອາມາດ ຫົວໜ້າກົມກີລາລະດັບສູງກະຊວງ ສຶກສາທິການ ແລະກີລາຂຶ້ນລາຍ ງານວ່າ: ຊີເກມຄັ້ງທີ 30 ຈັດຂຶ້ນ ໃນລະຫວ່າງວັນທີ 30 ພະຈິກ -12 ທັນວາ 2019 ທີ່ປະເທດຟິລິບປິນ, ມີການຊີງໄຊ 56 ປະເພດກີລາ ແລະຊີງຫຼຽນຄໍາ 530 ລາຍການສະເພາະ ສປປ ລາວ ໄດ້ສົ່ງຄະນະ ນໍາ, ຄູຝຶກ ແລະນັກກີລາເຂົ້າຮ່ວມ ທັງໝົດ 370 ຄົນຈາກ 25 ປະເພດກີລາ ໂດຍວາງເປົ້າໝາຍຍາດ ໃຫ້ໄດ້ 2 ຫຼຽນຄໍາ

 ຜ່ານການແຂ່ງຂັນປາກົດວ່າ: ທັບນັກກີລາລາວສາມາດຍາດໄດ້ 1 ຫຼຽນຄໍາ, 5 ຫຼຽນເງິນ ແລະ 29 ຫຼຽນທອງ (ຈາກ 14 ປະເພດກີລາ) ຈັດຢູ່ອັນດັບທີ  10  ຈາກ 11 ປະເທດເຂົ້າຮ່ວມ ໂດຍຫຼຽນ ຄໍາໄດ້ຈາກທ້າວ ສຸກັນ ໄຕປັນຍາ ວົງ ນັກກີລາຄິກບ໊ອກຊີງ; 5 ຫຼຽນ ເງິນໄດ້ຈາກຢູໂດ 2 ຫຼຽນ, ມວຍ 1 ຫຼຽນ, ລົດຖີບ 1 ຫຼຽນ ແລະເປ ຕັງ 1 ຫຼຽນ; 29 ຫຼຽນເງິນໄດ້ ຈາກຄິກບ໊ອກຊິ້ງ 3 ຫຼຽນ, ຢູໂດ 1 ຫຼຽນ, ເປຕັງ 3 ຫຼຽນ, ມວຍ 2 ຫຼຽນ, ປັດຈັກສີລັດ 3 ຫຼຽນ, ວູຊູ 3 ຫຼຽນ, ມວຍປໍ້າ 3 ຫຼຽນ, ກະຕໍ້ 2 ຫຼຽນ, ເທຄວັນໂດ 2 ຫຼຽນ, ຄາຣາເຕໂດ 2 ຫຼຽນ, ຜ່ານ ສິ່ງກີດຂວາງ 2 ຫຼຽນ, ແລ່ນ-ລານ 1 ຫຼຽນ, ສະນຸກເກີ 1 ຫຼຽນ ແລະຊອບເທັນນິສ 1 ຫຼຽນ.

 ທ່ານ ສິງຄໍາ ນາລິນ ຮອງຫົວ ໜ້າກົມກີລາລະດັບສູງກ່າວວ່າ: ເພື່ອເປັນການຍ້ອງຍໍສັນລະເສີນ ແລະຊົມເຊີຍຕໍ່ຄູຝຶກ ແລະນັກກີລາ ທີ່ມີຄຸນງາມຄວາມດີໃນການສ້າງຜົນງານອັນດີເດັ່ນມາໃຫ້ປະເທດ ຊາດໃນການເຂົ້າຮ່ວມການແຂ່ງຂັນງານມະຫາກໍາກີລາຊີເກມຄັ້ງ ທີ 30 ທີ່ສາມາດຍາດໄດ້ຫຼຽນຄໍາ, ຫຼຽນເງິນ ແລະຫຼຽນທອງທາງກະ ຊວງສຶກສາທິການ ແລະກີລາໃນ ນາມລັດຖະບານແຫ່ງ ສປປ ລາວ ໄດ້ອະນຸມັດເງິນຈໍານວນ 652,98 ລ້ານກີບ ພ້ອມນັ້ນບໍລິສັດລາວໂທ ລະຄົມມະນາຄົມມະຫາຊົນຍັງໄດ້ມອບເງິນສໍາລັບຫຼຽນຄໍາ 10 ລ້ານ ກີບ, ຫຼຽນເງິນ 6 ລ້ານ ແລະຫຼຽນ ທອງ 3 ລ້ານ ລວມທັງໝົດເປັນ ເງິນ 127 ລ້ານກີບ, ສ່ວນ ບໍລິສັດ ເບຍລາວມອບເງິນລວມທັງໝົດ 49 ລ້ານກີບແບ່ງເປັນຫຼຽນຄໍາ 5 ລ້ານກີບ, ຫຼຽນເງິນ 3 ລ້ານກີບ ແລະຫຼຽນທອງ 1 ລ້ານກີບ ລວມ ຈໍານວນເງິນທີ່ມາມອບໃນພິທີຄັ້ງ ນີ້ມີ 828,98 ລ້ານກີບ.

----

ໂດຍ: ບຸນນິກ

แชร์