ຖະແຫຼງຄວາມຈິງສິ່ງເກີດຂື້ນຢູ່ຕະຫຼາດຊັ່ງຈ່ຽງ

  ວັນທີ 26 ກຸມພາ ຜ່ານມາ ທ່ານ ແກ້ວປະເສີດ ຫຼຽງ ຜູ້ຊ່ວຍປະທານບໍລິສັດ ຊັ່ງຈ່ຽງ ຈຳກັດຜູ້ດຽວ ໄດ້ຖະແຫຼງຂ່າວຕໍ່ສື່ມວນຊົນກ່ຽວກັບຄວາມຈິງທີ່ເກີດຂຶ້ນຢູ່ສູນການຄ້າຊັ່ງຈ່ຽງ ເມືອງສີໂຄດຕະບອງ ນະຄອນຫຼວງວຽງຈັນ ຮູ້ວ່າ: ໃນເວລາປະມານ 10:50 ນາທີ ວັນທີ 24 ກຸມພາ 2020 ມີຊາວຄ້າຂາຍໄດ້ລືມໂທລະສັບມືຖືໃນຫ້ອງນໍ້າຜູ້ຊາຍຊັ້ນ 1 ເຂດ C  ຂອງຊັ່ງຈ່ຽງຊ໋ອບປິ້ງມໍຫຼັງຈາກທີ່ພະແນກປ້ອງກັນຕະຫຼາດໄດ້ຊາບຂ່າວແລ້ວ, ພວກເຮົາໄດ້ໄປເບິ່ງກ້ອງວົງຈອນປິດແລ້ວແຈ້ງໃຫ້ປິດປະຕູໜ້າ-ຫຼັງຂອງພື້ນທີ່ຊັ່ງຈ່ຽງຫຼັງຈາກປິດປະຕູໄດ້ 5 ນາທີ (11:00-11:05 ນາທີ) ຜ່ານການກວດກາເບື້ອງຕົ້ນໄດ້ຂໍ້ມູນຂອງຄົນຮ້າຍພວກເຮົາໄດ້ແຈ້ງເຈົ້າໜ້າ ທີ່ກ່ຽວຂ້ອງ.

   ຕໍ່ມາໃນວັນທີ 24-25 ກຸມພາ 2020 ໄດ້ມີກຸ່ມຄົນໜຶ່ງໄດ້ລົງຂ່າວທີ່ບໍ່ແມ່ນຄວາມຈິງໃນສື່ອອນລາຍ (FACEBOOK) ວ່າ: “ຊັ່ງຈ່ຽງໄດ້ເກີດເລື່ອງທີ່ບໍ່ດີເຊັ່ນ: ເຈົ້າໜ້າທີ່ຕຳຫຼວດ, ທະຫານໄດ້ປິດລ້ອມຊັ່ງຈ່ຽງຄົນໃນຫ້າມອອກຄົນນອກຫ້າມເຂົ້າໄດ້ປິດກິດຈະການມີຊາວຄ້າຂາຍຕິດພະຍາດໄວຣັດ “ໂຄໂຣນາ” ຊຶ່ງຂ່າວທີ່ໄດ້ລົງໄປນັ້ນບໍ່ມີມູນຄວາມຈິງຫັຼັງຈາກບໍລິສັດເຮົາໄດ້ເກັບກຳຂ້ໍມູນເບື້ອງຕົ້ນແລ້ວໃນຕອນຄໍ່າຂອງວັນທີ 24 ກຸມພາ 2020 ພວກເຮົາໄດ້ຊີ້ແຈ້ງເລື່ອງດັ່ງກ່າວວ່າບໍ່ແມ່ນຄວາມ ຈິງ, ໂດຍເປັນໜັງສືແຈ້ງການ ແລະໄດ້ປະສານກັບບັນດາສື່, ນັກຂ່າວທາງອອນລາຍ (FACEBOOK) ແຕ່ເນື່ອງຈາກຂ່າວທຸກມື້ນີ້ແມ່ນມີການກະຈາຍອອກໄປໄວ”.

ສະນັ້ນໃນເວລາ 9:00 ນາທີ ວັນທີ 25 ກຸມພາ 2020 ທາງບໍລິສັດຈຶ່ງໄດ້ລາຍງານຕໍ່ພະແນກສາທາລະນະສຸກນະຄອນຫຼວງ, ປກສ ນະຄອນຫຼວງ ແລະຫ້ອງ ການຕ່າງໆ ຂອງເມືອງສີໂຄດຕະບອງ ປະຈຸບັນພາກສ່ວນຕ່າງໆຂອງລັດແມ່ນໄດ້ມີການກວດກາຫາກມີຄວາມຄືບໜ້າແມ່ນຈະໄດ້ມີການແຈ້ງການຕໍ່ມວນຊົນທັນທີເປັນການດ່ວນ.

  ສະນັ້ນຊີ້ແຈ້ງໃຫ້ປະຊາຊົນອ້ອມຂ້າງ ແລະທົ່ວໄປຮັບຊາບຫາກວ່າມີອາການບໍ່ປົກກະຕິເຊັ່ນ: ເປັນຫວັດ, ໄອ ຫຼືອ່ອນເປ້ຍເພຍແຮງແມ່ນໃຫ້ທ່ານໄປພົບໝໍທີ່ໂຮງໝໍ 150ຕຽງ ເພື່ອກວດກາອາການດັ່ງກ່າວຫຼັງຈາກນັ້ນໃຫ້ພັກຜ່ອນທີ່ໂຮງໝໍ ຫຼືທີ່ຢູ່ອາໄສຂອງຕົນເອງຫຼີກຫ່າງຈາກບຸກຄົນອື່ນເພື່ອຫຼີກລ່ຽງຈາກພະຍາດໄວຣັດດັ່ງກ່າວ.

-------------------

#ຂຽນໂດຍ: 
#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

แชร์