ສຳເລັດກອງປະຊຸມໃຫຍ່ ຄະນະພັກຮາກຖານສາຂາທະນາຄານແຂວງຈຳປາສັກ

  ກອງປະຊຸມໃຫຍ່ຄະນະພັກຮາກຖານ ສາຂາທະນາຄານແຂວງຈຳປາສັກ ຄັ້ງທີ VI ໄດ້ສໍາເລັດລົງດ້ວຍໝາກຜົນອັນຈົບງາມໃນວັນທີ 22 ກຸມພາ 2020 ທີ່ ຫ້ອງປະຊຸມໃຫຍ່ຂອງທະນາຄານແຫ່ງ ສປປ ລາວ (ທຫລ) ພາກໃຕ້ແຂວງຈຳປາສັກພາຍໃຕ້ການເປັນປະທານຂອງ ສະຫາຍ ນວນຕາ ແກ້ວມະນີ ເລຂາຄະນະພັກຮາກ ຖານສາຂາທະນາຄານແຂວງຈຳປາສັກ, ວ່າການຫົວໜ້າ ທຫລ ພາກໃຕ້ແຂວງຈຳປາສັກ

ໂດຍການໃຫ້ກຽດເຂົ້າຮ່ວມຂອງສະຫາຍ ນິພອນ ວຽງປະເສີດ ຮອງເລຂາພັກແຂວງ, ຫົວໜ້າຄະນະຈັດຕັ້ງແຂວງຈຳປາສັກ; ສະຫາຍ ພຸດທະໄຊ ສີວິໄລ ຄະນະປະຈຳພັກ ທຫລ, ຮອງຜູ້ວ່າການ ທຫລ; ພ້ອມນີ້ກໍ່ມີຜູ້ຕາງໜ້າຈາກຄະນະພັກອ້ອມຂ້າງແຂວງຈໍານວນໜຶ່ງ, ຄະນະໜ່ວຍພັກ, ອົງການຈັດຕັ້ງມະຫາຊົນ ແລະ ຜູ້ແທນສົມບູນເຂົ້າຮ່ວມທັງໝົດ 100 ສະຫາຍ, ຍິງ 39 ສະຫາຍ.

  ກອງປະຊຸມໄດ້ຜ່ານບົດລາຍງານການເມືອງທັງ 2 ພາກທີ່ສະເໜີໂດຍສະຫາຍເລຂາຄະນະພັກຮາກຖານສາຂາທະນາຄານແຂວງຈຳປາສັກ ແລະຍັງໄດ້ມີການຄົ້ນຄວ້າພິຈາລະນາຈາກຜູ້ແທນໂດຍໄດ້ຮັບການເຫັນດີຮັບຮອງເອົາຢ່າງເປັນເອກະສັນ; ພ້ອມນັ້ນ, ຍັງໄດ້ຮັບຟັງການປະກອບຄໍາເຫັນຂອງຜູ້ຕາງ 3 ອົງການຈັດຕັ້ງມະຫາຊົນກ່ຽວກັບການເຄື່ອນໄຫວວຽກງານໄລຍະຜ່ານມາພາຍໃຕ້ການຊີ້ນຳ-ນຳພາຢ່າງໃກ້ຊິດຂອງຄະນະພັກຮາກຖານ ແລະ ການປະກອບຄຳເຫັນກ່ຽວກັບການບໍລິຫານສິນເຊື່ອຂອງໜ່ວຍພັກ ທຄຕລ ມະຫາຊົນສາຂາຈຳປາສັກ; ຈາກນັ້ນ,ໄດ້ຜ່ານບົດສຳຫຼວດການນຳພາລວມຂອງຄະນະພັກຮາກຖານຕະຫຼອດໄລຍະສະໄໝກອງປະຊຸມໃຫຍ່ ຄັ້ງທີ V ທີ່ຜ່ານມາເຊິ່ງຍົກໃຫ້ເຫັນດ້ານດີທີ່ເປັນພື້ນຖານ ແລະ ຂໍ້ຄົງຄ້າງ, ສາເຫດທີ່ພາໃຫ້ມີດ້ານດີ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ທີ່ສະເໜີໂດຍສະຫາຍເລຂາຄະນະພັກຮາກຖານສາຂາທະນາຄານ.

ສະໜັບສະໜຸນໂດຍ: HONDA

  ກອງປະຊຸມໃຫຍ່ໃນຄັ້ງນີ້ໄດ້ດຳເນີນການເລືອກຕັ້ງເອົາຄະນະພັກຮາກຖານ ສາຂາທະນາຄານຊຸດໃໝ່ໂດຍປະກອບມີ 7 ສະຫາຍ, ຍິງ 2 ສະຫາຍໂດຍສະຫາຍ ນວນຕາ ແກ້ວມະນີ ໄດ້ຮັບການເລືອກເປັນເລຂາຄະນະພັກຮາກຖານສາຂາທະນາຄານ; ສະຫາຍນາງ ຄຳພວງ ບູລົມ ເປັນຮອງເລຂາ ແລະສະຫາຍ ເພັດພູວັນ ເຮືອງປັນຍາ ເປັນປະທານກວດກາຄະນະພັກຮາກຖານ ແລະ ໄດ້ເລືອກເອົາຜູ້ແທນສົມບູນ ແລະ ສຳຮອງເພື່ອເຂົ້າຮ່ວມກອງປະຊຸມໃຫຍ່ຜູ້ແທນອົງຄະນະພັກແຂວງຈຳປາສັກຄັ້ງທີ VIII ທີ່ຈະເປີດຂຶ້ນໃນຕໍ່ໜ້ານີ້.

 ກອງປະຊຸມຍັງໄດ້ຮັບຟັງການໂອ້ລົມຂອງສະຫາຍ ນິພອນ ວຽງປະເສີດ ຮອງເລຂາຄະນະບໍລິຫານງານພັກແຂວງ, ຫົວໜ້າຄະນະຈັດຕັ້ງແຂວງຈຳປາສັກໂດຍສະຫາຍໄດ້ໃຫ້ທິດຊີ້ນຳໃຫ້ແກ່ການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VI ຂອງຄະນະພັກຮາກຖານຊຸດໃໝ່ທີ່ຈະຕ້ອງສູ້ຊົນປະຕິບັດໃຫ້ປາກົດຜົນເປັນຈິງ.

_______________

#ຂຽນໂດຍ: ຣັດສະໝີ ດວງສັດຈະ      
#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

แชร์