ເຜີຍແຜ່ຄວາມຮູ້ກ່ຽວກັບວັກຊີນກັນມະເຮັງປາກມົດລູກ

  ກະຊວງຖະແຫຼ່ງຂ່າວ,ວັດທະນະທໍາ ແລະ ທ່ອງທ່ຽວຮ່ວມກັບກະຊວງສາທາລະນະສຸກ ແລະອົງການຢູນິເຊັບຈັດກອງປະຊຸມເຜີຍແຜ່ຄວາມຮູ້ກ່ຽວກັບວັກຊີນກັນມະເຮັງປາກມົດລູກໃຫ້ພະນັກງານ ແລະສື່ມວນຊົນເພື່ອນໍາເອົາເນື້ອໃນໃຈຄວາມໄປເຜີຍແຜ່ໃຫ້ແກ່ປະຊາຊົນພ້ອມທັງເປັນການເສີມສ້າງຄອດປະສານງານລະຫວ່າງພາກສ່ວນຕ່າງໆ ໃນວຽກງານໃຫ້ວັກຊີນກັນມະເຮັງປາກມົດລູກສໍາເລັດຜົນ.

  ກອງປະຊຸມເຜີຍແຜ່ດັ່ງກ່າວຈັດຂຶ້ນໃນວັນທີ 25 ກຸມພາ 2020 ທີ່ຫໍວັດທະນະທໍາແຫ່ງຊາດ, ນະຄອນຫຼວງວຽງຈັນ ໂດຍການເຂົ້າຮ່ວມຂອງ ທ່ານ ສະຫວັນຄອນ ຣາຊມຸນຕີຮອງລັດຖະມົນກະຊວງຖະແຫຼງຂ່າວວັດທະນະທໍາ ແລະທ່ອງທ່ຽວທັງເປັນປະທານຄະນະກໍາມະທິການເພື່ອຄວາມກ້າວໜ້າແມ່ຍິງ, ແມ່ ແລະເດັກ, ທ່ານ ດຣ ເຮັນດຣີກັດສ ເອເມເກີ ຜູ້ຕ່າງໜ້າອົງການຢູນີເຊັບປະຈໍາລາວ, ທ່ານ ດຣ ພອນປະເສິດ ອຸນາພົມຫົວໜ້າກົມອະນາໄມ ແລະສົ່ງເສີ່ມສຸຂະພາບກະຊວງສາ ທາລະນະສຸກພ້ອມດ້ວຍບັນດາສື່ມວນຊົນ ແລະຂະແໜ່ງການກ່ຽວຂ້ອງເຂົ້າຮ່ວມ.

  ທ່ານ ສະຫວັນຄອນ ຣາຊມຸນຕີ ກ່າວວ່າ: ລັດຖະບານລາວໄດ້ມີຄວາມພະຍາຍາມເອົາໃຈໃສ່ສົ່ງເສີມ ແລະເອົາໃຈໃສ່ໃນການຮັກສາສຸຂະພາບໃຫ້ແກ່ແມ່ຍິງເພື່ອໃຫ້ແມ່ຍິງໄດ້ເຂົ້າເຖິງການດູແລສຸຂະພາບທີ່ຖືກຕ້ອງດັ່ງນັ້ນ, ສປປ ລາວ ໄດ້ດຳເນີນໂຄງການໃຫ້ວັກຊີນກັນມະເຮັງປາກມົດລູກໃຫ້ເດັກຍິງອາຍຸ 10-14 ປີ ໃນທົ່ວປະເທດ ເພື່ອຫຼຸດຜ່ອນອັດຕາການຕາຍຂອງແມ່ຍິງໃນແຕ່ລະປີຕໍ່ການເຜີຍແຜ່ຄວາມຮູ້ກ່ຽວກັບວັກຊີນກັນມະເຮັງປາກມົດລູກ ຫຼື ເຊື້ອໄວຣັດດັ່ງກ່າວເອີ້ນວ່າ: human pap illomavirus (HPV) ມີຄວາມສໍາຄັນຫຼາຍຕໍ່ຊີວິດການເປັນຢູ່ ແລະສຸຂະພາບຂອງແມ່ຍິງ-ເດັກຍິງລາວ ເພາະມະເຮັງປາກມົດລູກເປັນສາເຫດຫຼັກຂອງແມ່ຍິງລາວ ແລະປະມານ 320 ຄົນ ທີ່ເປັນມະເຮັງປາກມົດລູກໃນແຕ່ລະປີຫຼາຍກວ່າເຄິ່ງໜຶ່ງແມ່ນເສຍຊີວິດການຈັດຕັ້ງປະຕິບັດທີ່ດີຕໍ່ເປົ້າໝາຍໃນການປ້ອງກັນມະເຮັງປາກມົດ ລູກທີ່ທາງສູນສຸຂະພາບແມ່ ແລະເດັກກະຊວງສາທາລະນະສຸກໄດ້ດຳເນີນການເຄື່ອນໄຫວໂຄງການສາທິດການນຳໃຊ້ວັກຊີນ HPV ທີ່ປະສົບ ຜົນສຳເລັດເປັນຢ່າງດີແຕ່ປີ 2013-2015 ມາແລ້ວທີ່ນະຄອນຫຼວງວຽງຈັນ ແລະແຂວງວຽງຈັນ ເຊິ່ງສາມາດບັນ ລຸໄດ້ເຖິງ 94 % ແລະ 97% ຕາມລໍາດັບ ພ້ອມກັນນີ້, ກໍຈະສືບຕໍ່ການໃຫ້ວັກຊີນດັ່ງກ່າວໃຫ້ບໍລິການທົ່ວປະເທດໃນປີ 2020 ດັ່ງນັ້ນເພື່ອເປັນການປະກອບສ່ວນໃນວຽກງານດັ່ງກ່າວກະຊວງ ຖວທ ກໍຄືສື່ມວນຊົນແມ່ນມີພາລະບົດບາດໜ້າ ທີ່ອັນສຳຄັນໃນການລາຍງານຂໍ້ເທັດຈິງທີ່ເກີດຂຶ້ນແລະນໍາເອົາຂໍ້ມູນ-ຂ່າວສານອັນສຳຄັນໄປເຜີຍແຜ່ໃຫ້ສັງຄົມໄດ້ຮັບຊາບເພື່ອມີສ່ວນຮ່ວມໃນການຈັດຕັ້ງປະຕິບັດໃຫ້ທົ່ວ ເຖິງ ແລະມີປະສິດທິຜົນ.

ສະໜັບສະໜຸນໂດຍ: HONDA

  ທ່ານ ດຣ ເຮັນດຣີກັດສ ເອເມເກີ ໄດ້ກ່າວວ່າ: ການໃຫ້ວັກຊີນ HPV ຈະໃຫ້ຢູ່ໃນໂຮງຮຽນແຕ່ລະແຫ່ງໃນຂອບເຂດທົ່ວປະເທດ ແລະຈະສັກໃຫ້ເປົ້າໝາຍໃນເດັກຍິງອາຍຸ 10-14 ປີ ຈຳນວນທັງໝົດ 360 ພັນຄົນ ບໍ່ວ່າພວກເຂົາຈະລົງທະບຽນເຂົ້າໂຮງຮຽນ ຫຼື ບໍ່ໄດ້ເຂົ້າໂຮງຮຽນກໍຕາມ. ວັກຊີນດັ່ງກ່າວແມ່ນໄດ້ຮັບການສະໜັບ ສະໜູນຈາກອົງການGavi ຄືພັນທະມິດວັກຊີນ ແລະ ລັດຖະບານແຫ່ງ ສປປ ລາວ, WHO, UNICEF ແລະ ບັນດາຄູ່ຮ່ວມງານແມ່ນກຳລັງສະໜັບສະໜູນກະ ຊວງສາທາລະນະສຸກ ແລະກະຊວງ ສຶກສາທິການ ແລະກິລາໃນການຈັດຕັ້ງ ປະຕິບັດ. ວັກຊີນ HPV ແມ່ນສັກໃຫ້ເດັກ ຍິງຍັງໜຸ່ມນ້ອຍເພື່ອສ້າງພູມຕ້ານທານກັບໄວຣັດ HPV ຊະນິດຕ່າງໆທີ່ເປັນສາເຫດກໍ່ໃຫ້ເກີດມະເຮັງປາກມົດລູກຫຼາຍກວ່າ 70%. ການສຶກສາຫຼາຍໆຄັ້ງທີ່ດຳເນີນໃນປະເທດກຳລັງພັດທະນາ ແລະພັດທະນາພົບວ່າວັກຊີນ HPV ປອດໄພ ແລະມີປະສິດຕິຜົນ. ວັກຊີນ HPV ຈຳນວນຫຼາຍກວ່າ 300 ລ້ານເຂັມ ໄດ້ຖືກແຈກຢາຍໃນໂລກ ແລະໄດ້ຖືກນຳໃຊ້ຢ່າງປອດໄພ.

______________

#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

แชร์