ຍີ່ປຸ່ນໃຫ້ການຊ່ວຍເຫຼືອ ເພື່ອປ້ອງກັນ COVID-19

 ທ່ານ ທາເກວາກະ ເຄໂຊ, ເອກອັກຄະຣາຊະທູດຍີ່ປຸ່ນປະຈຳ ສປປ ລາວ ໄດ້ມອບອຸປະກອນປ້ອງກັນອັນຕະລາຍແບບສ່ວນບຸກຄົນ (PPE) ໃຫ້ແກ່ທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກທີ່ນະຄອນຫຼວງວຽງຈັນ ໃນວັນທີ25 ກຸມພາ 2020 ໂດຍ ໄດ້ຮັບການເຂົ້າຮ່ວມເປັນສັກຂີພິຍານໂດຍທ່ານ ດຣ ມາກ ເຈຄອບ ຜູ້ຕາງໜ້າອົງການອານະໄມໂລກປະຈຳ ສປປ ລາວ.

  ເພື່ອປ້ອງກັນການແຜ່ກະຈາຍຂອງໂຄໂຣນາໄວຣັດ COVID-19 ໄປທົ່ວໂລກ, ຍີ່ປຸ່ນໄດ້ມອບຊຸດແພດໃຍສັງເຄາະ 4.680 ຊຸດ, ໜ້າກາກກັນເຊື້ອ 6 ພັນອັນ, ໜ້າກາກອະນາໄມ 13,2 ພັນອັນ, ນໍ້າຢາອານໂກນສຳລັບລ້າງມື 240 ຕຸກ, ແວ່ນຕາກັນເຊື້ອ 270 ອັນ, ແລະຖົງມືອະນາໄມແບບໃຊ້ແລ້ວຖິ້ມ 12,2 ພັນຖົງ ໃຫ້ແກ່ ສປປ ລາວ.

  ສຳລັບອຸປະກອນເຫຼົ່ານີ້ແມ່ນໄດ້ຮັບມາຈາກຄັງສຳຮອງສຳລັບເຄື່ອງມື ແລະອຸປະກອນຄວາມປອດໄພໂດຍອົງການມູນລະນິທິອາຊີ-ເອີຣົບ(ASEF) ແລະ ເຄື່ອງບໍລິຈາກຈາກລັດຖະບານຍີ່ປຸ່ນອຸປະກອນດັ່ງກ່າວຈະຖືກສົ່ງໄປປະເທດລາວຜ່ານຫ້ອງສາງທີ່ປະເທດສິງກະໂປໂດຍເປັນການປະສານງານຮ່ວມມືກັບຫ້ອງການທ້ອງຖິ່ນສຳລັບເຂດປາຊີຟິກຕາເວັນຕົກຂອງອົງການອານະໄມໂລກ (WPRO).

ສະໜັບສະໜຸນໂດຍ: HONDA

 ທ່ານ ຮສ. ດຣ. ບຸນກອງ ກ່າວວ່າ “ອຸປະກອນປ້ອງກັນອັນຕະລາຍແບບສ່ວນບຸກຄົນ (PPE)ຈະຊ່ວຍປົກປ້ອງປະຊາຊົນທີ່ອາໄສໃນປະເທດລາວຈາກຄວາມສ່ຽງຂອງການແຜ່ກະຈາຍຂອງໂຄໂຣນາໄວຣັດCOVID-19 ມັນເປັນສິ່ງທີ່ທ້າທາຍຫຼາຍສຳຫຼັບປະເທດທີ່ກຳລັງພັດທະນາແບບປະເທດລາວນີ້ໃນການທີ່ຈະກະກຽມອຸປະກອນເຫຼົ່ານີ້ ພວກເຮົາຂໍສະແດງ ຄວາມຂອບໃຈຕໍ່ກັບການປະກອບສ່ວນຂອງປະຊາຊົນຍີ່ປຸ່ນ.” ທ່ານ ດ.ຣ. ເຈ ຄອບ ຍັງໄດ້ກ່າວວ່າອຸປະກອນ PPE ເຫຼົ່ານີ້ຈະປະກອບສ່ວນເຂົ້າໃນການເສີມສ້າງຄວາມເຂັ້ມແຂງໃຫ້ກັບລະບົບສາທາລະນະສຸກທີ່ປະເທດລາວຄັງອຸປະກອນ PPE ທີ່ມີຢູ່ໃນປັດຈຸບັນໂດຍຜ່ານການປະກອບສ່ວນຈາກປະເທດຍີ່ປຸ່ນ ນັ້ນແມ່ນຊັບພະຍາກອນທີ່ສຳຄັນຫຼາຍໃນການກະກຽມຮັບມື ແລະການກັກກັນໃນຂົງເຂດດັ່ງກ່າວ.

   ທ່ານ ທູດ ທາເກວາກະ ໄດ້ໃຫ້ຄຳເຫັນວ່າ “ການຍົກລະດັບການຮ່ວມມືສາກົນເປັນສິ່ງທີ່ປາສະຈາກບໍ່ໄດ້ເລີຍເພື່ອທີ່ຈະປ້ອງກັນການແຜ່ກະຈາຍຂອງໂຄໂຣນາໄວຣັດ COVID-19 ໄປທົ່ວໂລກດັ່ງນັ້ນແລ້ວ, ປະເທດຍີ່ປຸ່ນຈຶ່ງມີຄວາມຕັ້ງໃຈທີ່ຈະສືບຕໍ່ໃຫ້ການຮ່ວມມືນຳ ສປປ ລາວ.”  

___________

#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

 

 

แชร์