ເຊກອງ ສຸມປະຕິບັດ 70 ກວ່າໂຄງການດ້ານ ຍທຂ ມູນຄ່າເກືອບ 5 ພັນຕື້ກີບ

  ໃນປີຜ່ານມາ ແຂວງເຊກອງ ໄດ້ຕັ້ງໜ້າປັບປຸງ ແລະກໍ່ສ້າງພື້ນຖານໂຄງລ່າງດ້ານວຽກງານໂຍທາທິການ ແລະຂົນສົ່ງ(ຍທຂ) ໃຫ້ມີຄຸນນະພາບດີຂຶ້ນເປັນກ້າວໆ ເພື່ອສະໜອງໃຫ້ແກ່ການພັດທະນາດ້ານເສດຖະກິດ-ສັງຄົມຂອງ ແຂວງກໍຄືຂອງຊາດ, ທັງແນໃສ່ເຮັດໃຫ້ຕາໜ່າງຄົມມະນາຄົມຂົນສົ່ງທຸກດ້ານໄດ້ຮັບການທະລຸໂລ່ງໃນທົ່ວແຂວງທັງເຊື່ອມໂຍງພາຍໃນ ແລະຕ່າງປະເທດຫຼາຍຂຶ້ນ.

  ຕາມການລາຍງານຂອງທ່ານ ເຫຼັກໄຫຼ ສີວິໄລ ຮອງເຈົ້າແຂວງໆເຊກອງໃຫ້ຮູ້ເມື່ອບໍ່ດົນນີ້ວ່າ: ໃນປີ 2019 ຜ່ານມາ ແຂວງເຊກອງ ກໍຄືພະແນກໂຍທາທິການ ແລະຂົນສົ່ງແຂວງໄດ້ເອົາໃຈໃສ່ຕິດຕາມ, ກວດກາ ແລະຄຸ້ມຄອງໂຄງການລົງທຶນຂອງລັດໃນຂອບເຂດຄວາມຮັບຜິດຊອບຂອງຕົນລວມທັງໝົດ 74 ໂຄງການມູນຄ່າ 4.76 4,9 ຕື້ກີບ, ໃນນັ້ນມີໂຄງການທຶນສົມທົບຕ່າງປະເທດ 3 ໂຄງການມູນຄ່າ 6,5 ຕື້ກີບ, ໂຄງການສືບຕໍ່ 26 ໂຄງການມູນຄ່າ 4.189,9 ຕື້ກີບ, ໂຄງການຊໍາລະໜີ້ 26 ໂຄງການມູນຄ່າ 499,3 ຕື້ກີບ, ໂຄງການສ້ອມແປງ-ເຝົ້າລະວັງ ທາງຫຼວງແຫ່ງຊາດ 2 ໂຄງການ ມູນຄ່າ 6,6 ຕື້ກີບ, ໂຄງການສ້ອມແປງທາງສຸກເສີນ (ໄພ ພິບັດປີ 2013 ແລະໄພພິບັດປີ 2018) 14 ໂຄງການ ມູນຄ່າ 35,5 ຕື້ກີບ, ໂຄງການຄຸ້ມຄອງ-ສ້ອມແປງຂົວທາງ 2 ໂຄງການ ມູນຄ່າ26,73 ຕື້ກີບ, ວຽກບູລະ ນະດ້ວຍ ແຮງງານຄົນ 1 ໂຄງການ ມູນຄ່າ 162,45 ລ້ານກີບ ແລະອັນທີ່ພົ້ນເດັ່ນແມ່ນການກໍ່ສ້າງເສັ້ນທາງ 16 B (ເຊ ກອງ-ເມືອງດາກຈຶງ) ຍາວ 94,6 ກມ ມີມູນຄ່າ 77,7 ລ້ານໂດລາ ຫຼືເທົ່າກັບ 621 ກວ່າຕື້ກີບ ມາຮອດປະຈຸບັນສາມາດປະຕິບັດໄດ້ 93,50% ແລະຄາດວ່າໃຫ້ສຳເລັດ 100% ໃນຕົ້ນປີນີ້.

ສະໜັບສະໜຸນໂດຍ: HONDA

   ໂດຍປະຈຸບັນທົ່ວແຂວງມີຕາໜ່າງເສັ້ນທາງຄົມມະນາຄົມທັງໝົດ 280 ເສັ້ນ, ຍາວ 2.006 ກິໂລແມັດ, ໃນນັ້ນທາງປູອັດສະຟານ 5,8 ກິໂລແມັດ, ປູຢາງ 301 ກິໂລແມັດ, ປູແຮ່-ດິນແດງ 967,30  ກິໂລແມັດ ແລະປູດິນທຳມະຊາດ 732,72 ກິໂລແມັດ, ມີບ້ານທີ່ມີເສັ້ນທາງ ເຂົ້າເຖິງແລ້ວ 195 ບ້ານກວມເອົາ 98,9% ທຽວໄດ້ສອງລະດູມີ 100 ບ້ານ ກວມເອົາ 50,7% ສ່ວນດ້ານການຄຸ້ມ ຄອງການຂົນສົ່ງເຫັນວ່າຂະຫຍາຍຕົວ ຂຶ້ນພໍສົມຄວນ ໂດຍສະເພາະການຂົນສົ່ງທາງບົກໃນນັ້ນບໍລິມາດການຂົນສົ່ງສິນ ຄ້າໄດ້ 1.683 ໂຕນ ແລະ ບໍລິມາດຈາລະຈອນຂົນສົ່ງສິນຄ້າໄດ້ 1,08 ແສນໂຕນ ຕໍ່ກິໂລແມັດ, ບໍລິມາດຂົນສົ່ງໂດຍສານ ໄດ້41.880 ຄົນ ແລະບໍລິມາດຈໍລະຈອນໂດຍສານໄດ້ 4,617,947 ຄົນ ຕໍ່ກິໂລແມັດ, ສ້າງຕັ້ງສະມາຄົມຂົນສົ່ງໂດຍ ສານໄດ້ 2 ແຫ່ງ, ສະຖານນີໂດຍສານໄດ້ 1 ແຫ່ງ, ຂຶ້ນທະ ບຽນລົດໄດ້ 521 ຄັນ ແລະຕໍ່ເຕັກນິກໄດ້ 528 ຄັນ.

  ສ່ວນທິດທາງແຜນການໃນປີ 2020, ທ່ານ ເຫຼັກໄຫຼ ສີວິໄລ ກ່າວວ່າ: ແຂວງຈະສືບຕໍ່ພັດທະນາໃນວຽກງານ ຍທຂ ໃຫ້ທົ່ວເຖິງກວ່າເກົ່າ,ໂດຍສະເພາະແມ່ນບັນດາໂຄງການສືບຕໍ່ໃຫ້ສໍາເລັດຕາມແຜນການ ແລະກໍ່ສ້າງຂົວ 7 ແຫ່ງລວງຍາວ 352,48 ແມັດໃຫ້ສໍາເລັດ,ຊຸກຍູ້ໂຄງການກໍ່ສ້າງທາ 4 ເລນແຕ່ປະຕູໂຂງບ້ານຮ່ອງໄລ່ຫາປະຕູໂຂງບ້ານໂມໃຫ້ມີຄວາມຄືບໜ້າຕໍ່ເນື່ອງ, ພ້ອມດຽວກັນນັ້ນກໍຈະຫັນບັນດາແຜນງານຕ່າງໆໃນຂົງເຂດ ຍທຂ ໃຫ້ເປັນໂຄງການລະອຽດເພື່ອນໍາໄປຈັດຕັ້ງປະຕິບັດແລະປັບປຸງແກ້ໄຂໃຫ້ສອດຄ່ອງກັບເງື່ອນໄຂຄວາມເປັນຈິງ.

_____________

#ຂຽນໂດຍ: ສັນຍາ  
#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

แชร์