ຄືບໜ້າໂຄງການກໍ່ສ້າງເສັ້ນທາງປູຢາງເມືອງອາດສະພອນ

 ເມື່ອອາທິດຜ່ານມາ ທ່ານ ຄຳແພງ ເພັດທຸມພອນ ເຈົ້າເມືອງອາດສະພອນພ້ອມດ້ວຍທ່ານ ອຸວົງ ວໍລະວົງ ຮອງຫົວໜ້າພະແນກ ຍທຂ ແຂວງສະຫວັນນະເຂດ,ທ່ານ ເຄນຄຳ ສີລາຊາ ປະທານບໍລິສັດຄູນໄຊກໍ່ສ້າງພ້ອມດ້ວຍຫ້ອງການກ່ຽວຂ້ອງໄດ້ລົງກວດກາຄວາມຄືບໜ້າໂຄງການກໍ່ສ້າງເສັ້ນທາງປູຢາງເສັ້ນທາງເລກທີ 10ເຂດເມືອງອາດສະພອນ ແລະເສັ້ນທາງແຕ່ທາງເລກທີ 9.

  ໃນການລົງກວດກາຄັ້ງນີ້, ກໍໄດ້ຮັບຟັງການລາຍງານການຈັດຕັ້ງປະຕິບັດຈາກຫົວໜ້າໂຄງການທີ່ຮັບຜິດຊອບໂຄງການກໍ່ສ້າງເສັ້ນທາງທັງ 2 ເສັ້ນ; ການກໍ່ສ້າງເສັ້ນ ທາງເລກທີ 10 ຮອດປະຈຸບັນແມ່ນສຳເລັດ 38,2%, ລົງຢາງໜຽວຊັ້ນ 1 ແຕ່ກິໂລແມັດທີ 0+25, ຢາງໜຽວຊັ້ນ 2 ແຕ່ກິໂລແມັດທີ 1+150 ແລະ ແຕ່ກິໂລ ແມັດທີ 10+500, ກໍ່ສ້າງ ຂົວ 6 ແຫ່ງສຳເລັດ 100% ແລະກຳລັງຈັດຕັ້ງປະຕິບັດ 3 ແຫ່ງ.

  ສຳລັບເສັ້ນທາງຈາກທາງເລກທີ 9 ຫາເມືອງອາດສະພອນໄລຍະທາງແມ່ນສຳເລັດ 15,73% ຢູ່ໃນຂັ້ນຕອນການລົງດິນຍົກລະດັບ ແລະປັບໜ້າທາງ, ກໍ່ສ້າງຂົວ 2 ແຫ່ງ ແລະວາງທໍ່ບາງຈຸດທັງນີ້ກໍ່ເພື່ອເລັງໃສ່ການກະກຽມຮັບໃຊ້ກອງປະຊຸມໃຫຍ່ຂອງເມືອງໃຫ້ມີຄວາມສະດວກສະບາຍໃນການສັນຈອນໄປມາ.

________________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ສົນໃຈລົງໂຄສະນາໄດ້ທີ່:  021 313645, 316511

แชร์