ເປີດບໍລິການ ສູນການສຶກສາ ຜູ້ບົກຜ່ອງທາງການໄດ້ຍິນມືແຫ່ງຄວາມຫວັງ

  ຖືເປັນຂ່າວດີສຳລັບປະເທດ ສປປ ລາວ ເຮົາໂດຍສະເພາະຜູ້ທີ່ພິການທາງຫູຈະມີບ່ອນສຶກສາຮໍ່າຮຽນ ແລະສ້າງວຽກເຮັດງານທຳໃນຊີວິດປະຈຸບັນສູນການສຶກສາຜູ້ບົດຜ່ອງທາງການໄດ້ຍິນມືແຫ່ງຄວາມຫວັງເປີດໃຫ້ເຂົ້າມາສຶກສາບໍລິການເປັນທາງການແລ້ວວັນທີ 21 ກຸມພາ ຜ່ານມາ ໂດຍໃຫ້ກຽດເຂົ້າຮ່ວມມີທ່ານ ມະນາ ແຈ້ງມຸກທີ່ປຶກສາບໍລິສັດປານຄຳຈຳປາ, ທ່ານ Maths Holmberg ຜູ້ໃຫ້ທຶນການສະໜັບສະໜູນຫຼັກສູນການສຶກສາຜູ້ບົດຜ່ອງທາງການໄດ້ຍິນມືແຫ່ງຄວາມຫວັງພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

  ທ່ານ ໂສພາພອນ ເຮືອງລິດ ຜູ້ກໍ່ຕັ້ງເປັນຜູ້ອຳນວຍການສູນການສຶກສາຜູ້ບົດຜ່ອງທາງການໄດ້ຍິນມືແຫ່ງຄວາມຫວັງໃຫ້ຮູ້ວ່າ: ສູນການສຶກສາຜູ້ບົດຜ່ອງທາງການໄດ້ຍິນມືແຫ່ງຄວາມຫວັງຖືເປັນສູນທຳອິດທີ່ໄດ້ເລີ່ມຕົ້ນພັກອາໄສເຮັດກ່ຽວກັບການຮຽນ-ການສອນ ແລະດຳລົງຊີວິດຂອງຄົນພິການຫູເປັນສູນຝຶກອົບຮົມໃຫ້ພວກເຂົາດຳລົງຊີວິດເພື່ອອະນາຄົດຂອງພວກເຂົາຊຶ່ງທາງສູນຖືເປັນແຮງບັນດານໃຈທີ່ສຳຄັນເຂົາໃນການສື່ສານດ້ານພາສາມືເຮັດໃຫ້ພວກເຂົາສື່ສານທາງສັງຄົມ ແລະການດຳລົງຊີວິດປະຈຳວັນ.

  ທ່ານ ໂສພາພອນ ເຮືອງລິດ ໃຫ້ຮູ້ວ່າ: ໃນຖານະຜູ້ກໍ່ຕັ້ງສູນດັ່ງກ່າວກໍ່ຢາກເຮັດໃຫ້ຄົນພິການທາງຫູໄດ້ຮັບສິດສະເໝີພາບເທົ່າທຽມກັນກັບຄົນທົ່ວໄປໂດຍທີ່ສຳຄັນ ແມ່ນໃຫ້ພວກເຂົາມີໂອກາດມີວຽກ ເຮັດງານທຳດັ່ງທີ່ຮູ້ກັນແລ້ວວ່າຄົນພິການທາງຫູພວກເຂົາກໍມີຄວາມຝັນມີທັກສະ ແລະຄວາມສາມາດ ແຕ່ຍ້ອນຂາດການສື່ສານ ແລະ ຂາດການໃຫ້ໂອກາດ ຊຶ່ງເປັນຕົ້ນ ເຫດໃຫ້ພວກເຂົາມີຊີວິດທີແຕ່ຍາກລຳບາກພວກເຂົາໃຊ້ຊີວິດຍາກລຳ ບາກສ່ວນໃຫຍ່ໃຊ້ຊີວິດຢູ່ແຕ່ບ້ານ ໂດຍບໍ່ເຫັນໂລກພາຍນອກ ແລະ ບໍ່ມີການສະໜັບສະໜູນໃນການພັດ ທະນາພວກເຂົາສະນັ້ນສູນພວກ ເຮົາຈະນຳເອົາລະບົບຂອງການ ສຶກສາມາສອນເພື່ອປ່ຽນແປງບໍ່ ແມ່ນແຕ່ສະເພາະຊ່ວຍເຫຼືອຄົນພິ ການຫູເທົ່ານັ້ນແຕ່ຍັງຢາກຄົນທົ່ວໄປໄດ້ມີສ່ວນຮ່ວມກັບຄົນພິການຫູໂດຍບໍ່ມີຂີດຈຳກັດ.

  ສຳລັບລະບົບການສຶກສາສຳລັບຂັ້ນເລີ່ມຕົ້ນເດັກນ້ອຍຫຼັກສູດການສຶກສາຂອງລາວ,ພາສາມື,ໂພສະນາການ, ສິລະປະ,ການແຕ້ມ, ວິທະຍາສາດສັງຄົມ, ຜູ້ໃຫຍ່ຮຽນວິຊາຊີບເຮັດເຂົ້າໜົມ, ເຮັດອາຫານ, ຕັດຫຍີບ, ຕັດຕໍ່ຮູບພາບວິດີໂອ ແລະຮຽນທັກສະໃນການດຳລົງຊີວິດກິດຈະກຳນອກຫຼັກສູດບານເຕະ, ລອຍນໍ້າ, ອອກໄປທັດສະ ນະ ແລະການສະແດງຟ້ອນລະຄອນ.

  ແນວໃດກໍຕາມເພື່ອເປັນການສ້າງຝັນ ແລະໃຫ້ຊີວິດໃໝ່ກັບພວກເຂົາໄດ້ມີຊີວິດທົ່ວໄປທາງສູນຢາກໃຫ້ທຸກພາກສ່ວນຮ່ວມມືກັນໂດຍສະເພາະທາງພາກລັດຢາກຊອກທີ່ ດິນບ່ອນເໝາະສົມເພື່ອຈະສ້າງອາຄານຮອງຮັບທຸກດ້ານຂອງການສຶກສາໂດຍແຜນອະນາຄົດສູນຈະພັດທະນາເປີດໂອກາດສອນທຸກປະເພດພິການໃຫ້ມີຊີວິດໃໝ່ໃນສັງ ຄົມປະຈຸບັນສູນເພິ່ນຕັ້ງຢູ່ບ້ານຫາຍໂສກ ເມືອງສີສັດຕະນາກ ນະຄອນຫຼວງວຽງຈັນ ຕິດຕໍ່ 0307728181.

______________

ຂຽນໂດຍ: ບຸນນິກ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ສົນໃຈລົງໂຄສະນາໄດ້ທີ່:  021 313645, 316511

 

แชร์