ທຳນຽບຂາວ ຂໍງົບສຸກເສີນເພີ່ມ 1,25 ຕື້ໂດລາສະຫະລັດ ເພື່ອຮັບມືກັບໂຄວິດ-19

 ສຳນັກຂ່າວຊີເອັນເອັນລາຍງານວ່າທຳນຽບຂາວໄດ້ຮຽກຮ້ອງງົບປະມານສຸກເສີນ 1,25 ຕື້ໂດລາສະຫະລັດເພື່ອຈັດການກັບການລະບາດຂອງໂຄວິດ-19,  ໂດຍໃນຈົດ ໝາຍເຖິງ ທ່ານ ຣັສເຊວ ວໍ, ຜູ້ອຳນວຍການຫ້ອງການຄຸ້ມຄອງ ແລະງົບປະມານຂອງອາເມລິກາລະບຸວ່າລັດຖະບານຕ້ອງການຊັບພະຍາກອນຢ່າງໜ້ອຍ 2,5 ຕື້ໂດລາ ຊຶ່ງບາງງົບປະມານສ່ວນ ໜຶ່ງອາດຈະປ່ຽນຈາກການຈັດສັນ ກ່ອນໜ້ານີ້ ເພື່ອມອບໃຫ້ອົງການ ອື່ນໆທີ່ມີສ່ວນຮ່ວມໃນການຕ້ານ ການລະບາດຂອງພະຍາດ.

  ດ້ານທ່ານ ຣີຊາສ ເຊລບີ ປະທານຄະນະກຳມະການຈັດສັນງົບປະມານຂອງສະພາສູງເປີດເຜີຍ ຕໍ່ນັກຂ່າວວ່າ ທາງຄະນະກຳມະການດັ່ງກ່າວໄດ້ລົມກັບທຳນຽບ ຂາວແລ້ວກ່ຽວກັບເລື່ອງນີ້, ສຳລັບຄຳຮ້ອງຂໍການເບີກຈ່າຍງົບ ປະມານ 1,25 ຕື້ໂດລາ ມີງົບປະມານສຸກເສີນເພີ່ມອີກ 535 ລ້ານໂດລາ ທີ່ໄດ້ຈັດສັນໄວ້ກ່ອນ ໜ້ານີ້ ເພື່ອການປ້ອງກັນ ແລະປິ່ນ ປົວພະຍາດອີໂບລາ ແຕ່ຈະຖືກສົ່ງໄປຫາອົງການທີ່ນຳໄປສູ່ການຕໍ່ສູ້ກັບໄວຣັດໂຄວິດ-19.

 ຈົດໝາຍຂອງທຳນຽບຂາວລະບຸວ່າ ໃນເວລານີ້ການຕອບໂຕ້ ຕໍ່ວິກິດການລະບາດຂອງພະຍາດ ໂຄວິດ-19 ຄວນເປັນວາລະແຫ່ງຊາດທີ່ສຳຄັນເປັນອັນດັບຕົ້ນໆ ໂດຍຂໍ້ສະເໜີທັງສອງນີ້ຈະເພີ່ມງົບປະມານໃໝ່ຈຳນວນ 1,8 ຕື້ໂດລາ ເພື່ອຕອບສະໜອງກັບສະພາບ ການປະຈຸບັນ.

แชร์