ຕະຫຼາດຮຸ້ນອີຕາລີຫຼຸດລົງຫຼາຍກວ່າ 4% ຫຼັງຈາກລັດຖະບານສັ່ງປິດ

  ສຳນັກຂ່າວສານ ຊີເອັນບີຊີ ລາຍງານວ່າວັນທີ 24 ກຸມພາ ດັດຊະນີ FTSE MIB ຂອງອີຕາລີນັບຕັ້ງແຕ່ການເປີດຕະຫຼາດຊື້ຂາຍຫຼຸດລົງຫຼາຍປັບລົງມາຢູ່ໃນລະດັບ 23.736 ຈຸດ, ຫຼຸດລົງ 4,17% ຫຼື 1.035,68 ຈຸດສາເຫດແມ່ນຍ້ອນເສດຖະກິດຂອງອີຕາລີປະຈຸບັນໄດ້ຮັບຜົນກະທົບຈາກການລະບາດຂອງໂຄວິດ-19 ຫຼັງ ຈາກມີລາຍງານວ່າມີຜູ້ຕິດເຊື້ອໄວຣັດໂຄວິດ-19 ເຖິງ 152 ກໍລະນີ ແລະມີຜູ້ເສຍຊີວິດ 4 ຄົນ, ຈຳນວນຜູ້ຕິດເຊື້ອໃນອີຕາລີໄດ້ເພີ່ມຂຶ້ນຢ່າງຫຼວງຫຼາຍໃນທ້າຍອາທິດທີ່ຜ່ານມາ.

 ເຖິງຢ່າງໃດກໍຕາມ, ພະຍາດລະບາດເຊື້ອໄວຣັດໂຄວິດ-19 ໃນປະເທດອີຕາລີ, ລັດຖະບານອີຕາລີໄດ້ປະກາດເມືອງລອມບາເດຍ, ເວເນໂຕລວມທັງບາງສ່ວນຂອງເມືອງມິລານ ແລະເວນິສເປັນເຂດຄວບຄຸມຊົ່ວຄາວ, ສ່ວນໂຮງຮຽນ ແລະມະຫາວິທະຍາໄລໃນອີຕາລີໄດ້ປິດການຮຽນການສອນໂດຍບໍ່ມີກຳນົດ.

  ພ້ອມທັງຍົກເລີກການແຂ່ງຂັນເຕະບານ Serie A ຂອງອີຕາລີທັງໝົດໃນອາທິດນີ້, ດ້ານການສະແດງແຟຊັ່ນຂອງ Giorgio Armani ຈະຍັງສືບຕໍ່ໄປໃນຖານະເປັນສ່ວນໜຶ່ງຂອງງານ Milan Fashion Week ໂດຍບໍ່ມີຜູ້ຊົມ ຫຼືສື່ມວນຊົນໃດໆເຂົ້າຮ່ວມ.

 ໃນຂະນະທີ່ທະນາຄານກາງຂອງອີຕາລີໄດ້ຄາດຄະເນວ່າຈາກການແຜ່ລະບາດຂອງພະຍາດດັ່ງກ່າວເວລານີ້ເສດຖະກິດຂອງອີຕາລີເຕີບໂຕພຽງແຕ່ 0.5% ເທົ່ານັ້ນ, ທະນາຄານກາງຂອງອີຕາລີໄດ້ເຕືອນວ່າມີການລະບາດຂອງໄວຣັດໂຄວິດ-19 ອາດຈະມີຜົນກະທົບທີ່ສຳຄັນຕໍ່ເສດຖະກິດອີຕາລີໃນອະນາຄົດ.

----------------

ໜັງສືພິມເສດຖະກິດ-ສັງຄົມ

แชร์