ສາຍສຳພັນແຕກ “ອິນເດຍ-ມາເລເຊຍ” ກະທົບຕະຫຼາດນໍ້າມັນພືດ

 ເດືອນກ່ອນອິນເດຍ ຊຶ່ງເປັນລູກຄ້ານໍ້າມັນປາມລາຍໃຫຍ່ຢຸດຊື້ສິນຄ້າຈາກມາເລເຊຍໜຶ່ງເດືອນຜ່ານໄປຄວາມເຄື່ອນໄຫວດັ່ງກ່າວສົ່ງຜົນໃຫ້ການໄຫຼວຽນນໍ້າມັນປາມໃນຕະຫຼາດໂລກປັ່ນປ່ວນເມື່ອອິນໂດເນເຊຍປ່ຽນມາປ້ອນຕະຫຼາດອິນເດຍແທນ

 ສ່ວນມາເລເຊຍກໍເລ່ງເຈາະຕະຫຼາດທີ່ຈາກາຕາເຄີຍເປັນເຈົ້າຂະນະທີ່ອິນເດຍກໍຫັນໄປໃຊ້ນໍ້າມັນຊະນິດອື່ນແທນນໍ້າມັນປາມເພີ່ມຂຶ້ນດ້ວຍສຳນັກຂ່າວຣອຍເຕີລາຍງານວ່າອິນເດຍຜູ້ຊື້ນໍ້າມັນປາມລາຍໃຫຍ່ສຸດຂອງໂລກສັ່ງຫ້າມນຳເຂົ້ານ້ຳມັນປາມສຳເລັດຮູບຈາກມາເລເຊຍເມື່ອເດືອນກ່ອນທີ່ຫຼາຍຄົນມອງວ່າເປັນການຕອບໂຕ້ທີ່ນາຍົກລັດຖະມົນຕີ ມະຫາເທໂມຮຳ ໝັດວິຈານການກະທຳຂອງລັດຖະບານນິວເດລີເລື່ອງແຄຊເມຍ ແລະ ກົດໝາຍພົນລະເມືອງສະບັບໃໝ່ ຂະນະທີ່ບັນດາຜູ້ຊື້ກໍຊະລໍຊື້ນໍ້າມັນປາມ ດິບຈາກມາເລເຊຍອີກດ້ວຍ

 ຕົວເລກການສົ່ງອອກຫຼ້າສຸດຈາກມາເລເຊຍຫຼັງຈາກອິນເດຍສັ່ງຫ້າມນຳເຂົ້າພົບວ່າ ເດືອນມັງກອນການສົ່ງອອກນໍ້າມັນປາມໃນອິນເດຍຫຼຸດລົງ 85 % ຈາກໄລຍະດຽວກັນຂອງປີກ່ອນໜ້າມາຢູ່ທີ່ 46.876 ໂຕນຕໍ່າ ສຸດນັບຕັ້ງແຕ່ປີ 2011

  ໃນປີ 2019 ທີ່ຜ່ານມາການສົ່ງອອກໄປອິນເດຍຕົກເປັນເກືອບ ¼ ຂອງ ການສົ່ງອອກນໍ້າມັນປາມທັງໝົດຂອງມາເລເຊຍ ແລະອິນເດຍຍັງເປັນລູກຄ້າລາຍໃຫຍ່ສຸດຂອງມາເລເຊຍດົນເຖິງ 5 ປີ ແລະເພື່ອຊົດເຊີຍສ່ວນທີ່ຂາດຫາຍໄປມາເລເຊຍຕ້ອງເພີ່ມການສົ່ງອອກໄປຍັງປາຍທາງອື່ນໆທັງປາກິດສະຖານຊາອຸດິດອາຣັບບີ ແລະການາທີ່ເຄີຍເພີ່ງພານໍ້າມັນປາມ ຈາກອິນໂດເນເຊຍເປັນຫຼັກຍອດສົ່ງອອກໄປທັງ 3 ປະເທດເມື່ອເດືອນ ມັງກອນເພີ່ມຂຶ້ນຫຼາຍກວ່າ 100% ເມື່ອທຽບກັບໄລຍະດຽວກັນຂອງປີ 2019.

---------------

ໜັງສືພິມເສດຖະກິດ-ສັງຄົມ

แชร์