ອີຢູ-ຍີ່ປຸ່ນ ລົງນາມຄວາມຮ່ວມມືທາງເສດຖະກິດ

 ຍີ່ປຸ່ນ ແລະສະຫະພາບເອີຣົບ (ອີຢູ) ໃຊ້ເວລາຫຼາຍກວ່າ 5 ປີ ເພື່ອຊຸກຍູ້ຂໍ້ຕົກລົງການຄ້າເສລີ ພາຍໃຕ້ຊື່ “Economic Partnership Agreement” (EPA) ທີ່ຄວບຄຸມປະຊາກອນ 600 ລ້ານຄົນ ອັດຕາ ສ່ວນຈີດີພີເກືອບ 1 ໃນ 3  ຂອງໂລກ ໂດຍມີກຳນົດບັງຄັບໃຊ້ໃນວັນທີ 1 ກຸມພາ.

 ຕາມຂ່າວຕ່າງປະເທດລາຍງານວ່າຍີ່ປຸ່ນ ແລະອີຢູ ໄດ້ລົງນາມຂໍ້ ຕົກລົງຄວາມຮ່ວມມືທາງເສດຖະກິດ (EPA) ໃນເດືອນກໍລະກົດປີ 2018 ທີ່ຜ່ານມາໂດຍຍີ່ປຸ່ນລະບຸວ່າ ກຽມຈະຍົກເລີກເກັບພາສີນໍາເຂົ້າສິນ ຄ້າຈາກອີຢູໃນອັດຕາສ່ວນ 94% ຂອງສິນຄ້ານໍາເຂົ້າທັງໝົດ ໂດຍ 82% ເປັນກະສິກຳ ແລະການປະ ມົງສ່ວນສິນຄ້າຄື: ຊີ້ນງົວຍີ່ປຸ່ນຈະ ປັບຫຼຸດອັດຕາພາສີຫຼືເພີ່ມໂກຕາໃຫ້ກັບສິນຄ້າປະເພດນັ້ນຫຼາຍຂຶ້ນ, ສຳ ລັບອີຢູກໍກຽມຈະຍົກເລີກພາສີນໍາເຂົ້າສິນຄ້າຈາກຍີ່ປຸ່ນສູງເຖິງ 99% ຂອງສິນຄ້າທັງໝົດ ໂດຍສິນຄ້າທີ່ຄາດວ່າຈະໄດ້ປະໂຫຍດຄືເບຍຂອງຍີ່ປຸ່ນ ແລະອຸດສາຫະກຳ ຊຶ່ງອັດຕາພາສີນໍາເຂົ້າລົດຂອງອີຢູຢູ່ທີ່ 10% ຈະ ຖືກຍົກເລີກທັນທີຕັ້ງແຕ່ວັນທີ 1 ກຸມພາ ລວມທັງຍົກເລີກພາສີອາໄລ່ລົດ 3% ກໍຈະຖືກຍົກເລີກເຊັ່ນດຽວກັນ.

 ທັງນີ້ ທ່ານ ໂຢອິຊິ ຊູຊູກິ ເອກອັກຄະລັດຖະທູດຍີ່ປຸ່ນ ກ່າວວ່າ ຂໍ້ຕົກລົງ EPA ລະຫວ່າງອີຢູກັບຍີ່ປຸ່ນ ເປັນຄວາມຮ່ວມມືທີ່ສຳຄັນຕໍ່ເສດຖະກິດຂອງທັງສອງຫຼາຍ ທ່າມກາງຍີ່ປຸ່ນປະເຊີນກັບບັນຫາສັງຄົມຜູ້ສູງອາຍຸທີ່ເພີ່ມຂຶ້ນ ກະທົບຕໍ່ເສດຖະກິດປະເທດ ຂະນະດຽວກັນອີຢູກໍມີບັນຫາຄວາມ ບໍ່ແນ່ນອນຂອງເບຣັກຊິດ.

แชร์