5 ສິ່ງທີ່ບໍ່ຄວນເຮັດຫຼັງຈາກທີ່ຂັດໜ້າແລ້ວ

  ການຂັດໜ້າເປັນສິ່ງໜຶ່ງທີ່ຊ່ວຍກຳຈັດເຊວຜິວເກົ່າອອກໄປຈາກໜ້າ, ເຮັດໃຫ້ໜ້າຂາວໃສ, ແຕ່ກົງກັນຂ້າມມັນກໍເປັນສິ່ງທີ່ເຮັດໃຫ້ຜິວໜ້າບາງ ແລະອ່ອນແອ,ສະນັ້ນສາວໆຄວນຂັດພຽງອາທິດລະຄັ້ງຖ້າຫາກຂັດເປັນປະຈຳຢ່າງຕໍ່ເນື່ອງຈະເຮັດໃຫ້ຜິວອ່ອນແອ, ຄັນຄາຍ, ອັກເສບ ແລະມີຮິ້ວຮອຍ ຫຼືບັນຫາຕ່າງໆເທິງໃບໜ້າຕາມມາ,ດັ່ງນັ້ນຫຼັງຈາກທີ່ຂັດຜິວແລ້ວ ເຮົາຄວນຫຼີກລ່ຽງບາງພຶດຕິກຳທີ່ ຈະທຳລາຍຜິວໜ້າຂອງເຮົາ.

• ຫຼີກລ່ຽງແສງແດດຫຼັງຈາກ ຂັດໜ້າເພາະຈະເຮັດໃຫ້ຜິວໄໝ້, ດຳໄດ້ງ່າຍ.
• ບໍ່ຄວນເກົາຜິວໜ້າເພາະຈະເຮັດໃຫ້ເກີດສິວໄດ້ງ່າຍ.
• ບໍ່ຄວນແຕ່ງໜ້າໜາຈົນເກີນ ໄປເພາະຈະເຮັດໃຫ້ຜິວໄດ້ຮັບການລົບກວນຫຼາຍກວ່າເກົ່າ.
• ບໍ່ຄວນອອກກຳລັງກາຍ, ເພາະຈະເຮັດໃຫ້ຮູຂຸມຂົນກວ້າງ ຫຼືແສງແດດທີ່ອາດຈະເຮັດໃຫ້ຜິວ ເຮົາແສບ, ຮ້ອນ.
• ຄວນຫຼີກລ່ຽງການໃຊ້ເຄື່ອງ ສຳອາງເປັນເວລາໜຶ່ງມື້ເພື່ອໃຫ້ ຜິວໜ້າໄດ້ພັກຜ່ອນ ແລະໄດ້ຮັບ ການຟື້ນຟູຢ່າງເຕັມທີ່.
• -----

• ຮຽບຮຽງໂດຍ: ຟ້າ

• 26/02/2020