ຊາວໜຸ່ມດອກໄມ້ແດງ ເຜີຍແຜ່ສຽງເພງລາວ ຈາກຄົນຮຸ່ນເກົ່າ

 ງານການກຸສົນຕໍານານ ຊາວໜຸ່ມດອກໄມ້ແດງ ເພື່ອເຜີຍ ສຽງເພງລາວ ຕົ້ນສະບັບຈາກຄົນຮຸ່ນເກົ່າໃຫ້ແກ່ຄົນຮຸ່ນໃໝ່ໄດ້ຮັບຮູ້ ແລະພ້ອມກັນອະນຸລັກໄດ້ຈັດຂຶ້ນ ໃນລະຫວ່າງວັນທີ 22-29 ກຸມພາ 2020 ເລີ່ມແຕ່ເວລາ 17:00 ໂມງ ຈົນເຖິງ 21:00 ໂມງ ທີ່ ສວນດອນຈັນ, ບ້ານເພຍວັດເມືອງ ສີສັດຕະນາກ ນະຄອນຫຼວງວຽງ ຈັນ.

 ງານດັ່ງກ່າວ, ແມ່ນໄດ້ແບ່ງອອກເປັນ 5 ສ່ວນຄື: 1) ແມ່ນສ່ວນກິດຈະກໍາ ແລະຕະຫຼາດຍ້ອນຍຸກຊຶ່ງຈະມີການສາຍໜັງກາງ ແປນ,ຊັມເກມຍ້ອນຍຸກບໍ່ວ່າຈະເປັນດຶກກະປ໋ອງ, ຍິງຕຸກກະຕາ, ຊິງຊ້າສະຫວັນ ແລະຕະຫຼາດຂາຍເຄື່ອງຍ້ອນຍຸກອາຫານເຄື່ອງດື່ມພ້ອມກັນນັ້ນກໍຍັງມີບ່ອນເຊົ່າຊຸດລາວເພື່ອໄດ້ໃຫ້ຜູ້ເຂົ້າຊົມໃສ່ຖ່າຍຮູບເພື່ອເກັບຮູບພາບທີ່ລະລຶກພາຍ ໃນງານ; 2) ແມ່ນສ່ວນຄອນເສີດນ້ອຍ ຊຶ່ງຈະມີບ່ອນນັ່ງໄວ້ໃຫ້ຜູ້ມາຊົມງານໄດ້ນັ່ງພັກເຊົາຮັບປະທານອາຫານ ແລະເຄື່ອງດື່ມພ້ອມເພີດເພີນໄປກັບສິລະປິນຮຸ່ນໃໝ່ທີ່ຈະມາມອບບົດເພງເກົ່າໃຫ້ໄດ້ຟັງກັນ; 3) ແມ່ນສ່ວນໂຊພາຫະນະຍ້ອນຍຸກ ແລະວາງສະແດງຮູບພາບເກົ່າ, ໂຊນນີ້ຈະມີລົດເກົ່າຈົນເຖິງເຄື່ອງ ຂອງເກົ່າລວມໄປເຖິງຮູບພາບ ເກົ່າຂອງນະຄອນຫຼວງວຽງຈັນ ໃນສະໄໝກ່ອນ ແລະຮູບພາບຂອງຕໍານານຊາວໜຸ່ມດອກໄມ້ແດງ ວາງສະແດງໃຫ້ຜູ້ເຂົ້າຊົມໄດ້ເກັບ ຮູບພາບ; 4) ສ່ວນຂາຍອາຫານ ແລະເຄື່ອງດື່ມທີ່ທາງຮ້ານອາຫານຂອບໃຈເດີຈະໄດ້ຈັດກຽມອາຫານລາວດັ້ງເດີມໄວ້ຂາຍໃນມື້ ຄອນເສີດ ວັນທີ 29 ກຸມພາເທົ່າ ນັ້ນ; 5) ແມ່ນສ່ວນການສະແດງ ທີ່ຈະຈັດພຽງມື້ດຽວວັນທີ 29 ກຸມພາ ເທົ່ານັ້ນເລີ່ມຕັ້ງແຕ່ເວລາ 18:30 ແລງຈົນເຖິງ 21 ໂມງ,ໃນການສະແດງແມ່ນຈະມີຫຼາກ ຫຼາຍສິນລະປິນທັງຮຸ່ນເກົ່າ ແລະໃໝ່ ເຂົ້າຮ່ວມເຊັ່ນ: ຊາວໜຸ່ມດອກໄມ້ ແດງ.

  ທັງນີ້ກໍເພື່ອເຜີຍແຜ່ສຽງເພງລາວຕົ້ນສະບັບຈາກຄົນຮຸ່ນເກົ່າ ໃຫ້ແກ່ຄົນຮຸ່ນໃໝ່ໄດ້ຮັບຮູ້ ແລະ ພ້ອມກັນອະນຸລັກສຽງເພງເຫຼົ່ານີ້ ໃຫ້ຄົງຢູ່ກັບສັງຄົມລາວ, ເພື່ອຫາລາຍໄດ້ສົມທົບທຶນຊ່ວຍເຫຼືອສິນລະປິນອາວຸໂສ ແລະຍັງເປັນການເຕົ້າໂຮມວົງໃນຕໍານານຊາວໜຸ່ມ ດອກໄມ້ແດງທີ່ບໍ່ໄດ້ຖືກເຕົ້າໂຮມມາເປັນເວລາຫຼາຍກວ່າ 30 ປີໄດ້ມາລວມຕົວອີກເທື່ອໜຶ່ງ ຊຶ່ງລາຍ ຮັບຫຼັງຈາກຫັກຄ່າໃຊ້ຈ່າຍທັງໝົດ ແລ້ວຈະມອບສົມທົບທຶນຊ່ວຍເຫຼືອສິນລະປິນອາວຸໂສທີ່ໄດ້ສ້າງຊື່ສຽງໃຫ້ແກ່ວົງການດົນຕີລາວ.

แชร์