ສະຫວັນນະເຂດ ສອບເສັງນັກຮຽນເກັ່ງ

  ພິທີສອບເສັງຄັດເລືອກນັກຮຽນເກັ່ງ ປ5, ມ4 ແລະມ7 ທົ່ວແຂວງສະຫວັນນະເຂດ ປະຈຳສົກຮຽນ 2019-2020 ໄດ້ຈັດ ຂຶ້ນໃນຄັ້ງວັນທີ 19  ກຸມພາ 2020 ທີ່ສູນເຕັກໂນໂລຊີຂໍ້ມູນຂ່າວສານການສື່ສານການສຶກສາ ແລະກີລາ ຫຼື ສູນ ICT ແຂວງສະຫວັນນະເຂດ, ໃຫ້ກຽດເຂົ້າຮ່ວມມີທ່່ານ ນາງ ຫຼິງທອງ ແສງຕາວັນ ຫົວໜ້າພະແນກສຶກສາທິການ ແລະ ກີລາແຂວງ, ທ່ານ ວິນິດໃສ ທອງເຕີມ ຫົວໜ້າຂະແໜງກວດກາປະເມີນຜົນ ແລະປະກັນຄຸນນະພາບພະແນກສຶກສາທິການ ແລະກີລາ ແຂວງ, ມີບັນດາທ່ານຄະນະຫ້ອງ ການສຶກສາທິການ ແລະກີລາພ້ອມດ້ວຍຄູ-ອາຈານ ແລະນ້ອງນັກຮຽນທີ່ມາຈາກ 14 ເມືອງ ແລະນະຄອນ ໄກສອນພົມວິຫານເຂົ້າຮ່ວມ.

 ທ່່ານ ນາງ ຫຼິງທອງ ແສງຕາວັນ ຫົວໜ້າພະແນກສຶກສາທິການ ແລະ ກີລາແຂວງກໍ່ໄດ້ມີຄຳເຫັນວ່າ:ການສອບເສັງນັກຮຽນເກັ່ງລະດັບ ແຂວງຄັ້ງນີ້ແມ່ນເປັນການທົດສອບປະເມີນຄືນຜົນຂອງການຮຽນ-ການສອນຂອງບັນດາຄູ-ອາຈານ ແລະນ້ອງນັກຮຽນວ່າໃຜຈະໄດ້ເປັນນັກຮຽນເກັ່ງລະດັບແຂວງ ເພື່ອຈະໄດ້ໄປສອບເສັງຕໍ່ໃນລະດັບ ຊາດ ໂດຍສະເພາະແມ່ນຊັ້ນ ມ4 ແລະ ມ7 ໃນຄັ້ງວັນທີ 17 ຫາ 21 ມີນາ 2020 ນີ້ ສ່ວນຊັ້ນວ່າ ປ5 ແມ່ນເປັນການສອບເສັງຄັດເລືອກນັກຮຽນເກັ່ງໃນລະດັບແຂວງເພື່ອ ໃຫ້ຮູ້ວ່າໃນ 14 ເມືອງ 1 ນະຄອນໃຜຈະໄດ້ເປັນທີ 1 ລະດັບແຂວງໃນ ແຕ່ລະວິຊາ.

 ຈາກນັ້ນທ່່ານ ນາງ ຫຼິງທອງ ແສງຕາວັນ ກໍ່ໄດ້ໃຫ້ກຽດຕັດຫົວບົດສອບເສັງຢ່າງເປັນທາງການ ໃນນັ້ນຊັ້ນ ປ5 ມີ 3 ວິຊາສອບເສັງຄື: ວິຊາພາສາລາວ, ໂລກອ້ອມ ຕົວ ແລະວິຊາຄະນິດສາດ, ສໍາລັບຊັ້ນ ມ4 ແລະ ມ7 ມີ 4 ວິຊາສອບ ເສັງຄື: ວິຊາພາສາລາວ-ວັນນະຄະດີ, ເຄມີສາດ, ຟີຊິກສາດ ແລະ ວິຊາຄະນິດສາດລວມມີນັກສອບ ເສັງທັງໝົດ 266 ຄົນ, ຍິງ183 ຄົນ.

  ຜົນຂອງການສອບເສັງອັນດັບທີ 1 ຊັ້ນ ປ5 ວິຊາພາສາລາວ ແມ່ນນາງ ທິດາພອນ ພົມມະຈັນ ຈາກໂຮງຮຽນປະຖົມສະຫວ່າງ ຫຼັກ 3 ນະຄອນໄກສອນ ພົມວິ ຫານ, ວິຊາໂລກອ້ອມຕົວແມ່ນ ນາງ ເສົາສະພອນ ແກ້ວພົງໄຊ ຈາກໂຮງຮຽນປະຖົມທິບປັນຍາ ນະຄອນໄກສອນ ພົມວິຫານ ແລະວິຊາຄະນິດສາດແມ່ນນາງ ຟ້າໃສ ຈັນທະລາວັນ ຈາກໂຮງຮຽນປະຖົມສະຫວ່າງຫຼັກ 3 ນະຄອນໄກສອນ ພົມວິຫານ, ສຳລັບອັນ ດັບທີ 1 ຊັ້ນ ມ4 ວິຊາພາສາ ລາວ-ວັນນະຄະດີແມ່ນນາງ ດວງ ອາທິດ ແສງສະຫວ່າງ ຈາກໂຮງ ຮຽນສາມັນກິນນອນຊົນເຜົ່າແຂວງ ສະຫວັນນະເຂດ,ວິຊາຄະນິດສາດ ແມ່ນນາງ ສຸພາວັນ ອະດູນໂຊ ກາຊັບ ຈາກໂຮງຮຽນ ມສ ຈຸງ ເຕັກນະຄອນໄກສອນ ພົມວິຫານ, ວິຊາເຄມີສາດແມ່ນທ້າວ ທັດສະດາ ວິໄລພອນ ຈາກໂຮງຮຽນ ມສ ຈຸງ  ເຕັກ ນະຄອນໄກສອນ ພົມວິຫານ, ວິຊາຟີຊິກສາດແມ່ນ ນາງ ກັນສຸດານາມສະກຸນ ຈາກໂຮງຮຽນ ລາວ-ຫວຽດ ນະຄອນໄກສອນ ພົມວິຫານ, ສ່ວນວ່າອັນດັບທີ 1 ຊັ້ນ ມ7 ວິຊາພາສາລາວ-ວັນນະຄະດີແມ່ນນາງ ສົມສະຫວ່າງ ອຸ່ນທະວີ ຈາກໂຮງຮຽນສາມັນກິນນອນຊົນເຜົ່າແຂວງສະຫວັນນະເຂດ,ວິຊາເຄມີສາດແມ່ນທ້າວ ພູພະຈັນ ບຸດຕະວົງ ຈາກ ມສ ຈຸງ ເຕັກ ນະຄອນໄກສອນພົມວິຫານ,ວິຊາຟີຊິກສາດແມ່ນທ້າວ ໂຈລີນ້າສີລິຈັນໂທ ຈາກໂຮງຮຽນ ມປ ໂພນສະຫວັນ ແລະວິຊາຄະນິດສາດ ແມ່ນທ້າວ ນ້ອຍ ອິນທິລາດ ຈາກ ໂຮງຮຽນ ມສ ໂພນສິມ ນະຄອນ ໄກສອນ ພົມວິຫານ.

--------

ໜັງສືພິມເສດຖະກິດ-ສັງຄົມ

แชร์