ໄຟຟ້າສາລະວັນ ເຊື່ອມຊຶມວັນແມ່ຍິງສາກົນ ຕິດພັນກັບການຫຼິ້ນກີລາເປຕັງ

  ສະຫະພັນແມ່ຍິງຮາກຖານ ລັດວິສາຫະກິດໄຟຟ້າລາວສາຂາ ແຂວງສາລະວັນ ປາຖະກະຖາຫວນ ຄືນປະຫວັດຄວາມເປັນມາຂອງວັນແມ່ຍິງສາກົນ ຄົບຮອບ 110 ປີ (ວັນທີ 8 ມີນາ 1910-8 ມີ ນາ 2020) ຕິດພັນກັບການສ້າງ ຂະບວນການຫຼິ້ນກີລາເປຕັງ ຊຶຶຶຶຶຶ່ງ ໄດ້ຈັດຂຶ້ນໃນວັນທີ 21 ກຸມພາ 2020 ທີ່ສະຖານີໄຟຟ້າຫຼັກສອງ, ໂດຍໃຫ້ກຽດບັນລະຍາຍເອກະສານຂອງທ່ານ ນາງ ສົມຫວັງ ສຸເທບມະນີ ປະທານສະຫະພັນແມ່ ຍິງຮາກຖານລັດວິສາຫະກິດໄຟ ຟ້າ, ເປັນກຽດເຂົ້າຮ່ວມຂອງທ່ານ ເດດສຸວັນມະໄລທອງ ຫົວໜ້າ ລັດວິສາຫະກິດໄຟຟ້າລາວສາຂາສາລະວັນ, ມີຄະນະສາຂາ, ຄະນະພະແນກ, ຕາງໜ້າອົງການຈັດ ຕັ້ງກຳມະບານ, ຊາວໜຸ່ມ ແລະ ແຂກທີ່ຖືກເຊີນຈາກສະຫະພັນແມ່ ຍິງພະແນກພະລັງງານ-ບໍ່ແຮ່, ເຂື່ອນໄຟຟ້າເຊເສັດ, ຄອບຄົວ ການນຳ ແລະພະນັກງານລັດຖະ ກອນເຂົ້າຮ່ວມ.

 ທ່ານ ນາງ ສົມຫວັງ ສຸເທບມະນີ ໄດ້ຍົກໃຫ້ເຫັນເຖິງປະຫວັດ ຄວາມເປັນມາຂອງວັນແມ່ຍິງສາ ກົນໄດ້ກຳເນີດເກີດຂຶ້ນໃນທ່າມກາງ ສະພາບເສດຖະກິດຂອງພວກສັກ ດີນາ ແລະນາຍທຶນຂະຫຍາຍຕົວ,ໂຮງຈັກ, ໂຮງງານອຸດສາຫະກຳ ຂະຫຍາຍຕົວມັນໄດ້ສ້າງຄວາມຮັ່ງມີໃຫ້ພວກນາຍທຶນ,ແຕ່ຊໍ້າພັດເພິ່ມ ຄວາມທຸກຍາກລຳບາກໃຫ້ແກ່ຊາວຜູ້ອອກແຮງງານ ໂດຍສະເພາະແມ່ກຳມະກອນແມ່ຍິງ, ຢູ່ ພາຍໃຕ້ລະບອບສັັກດີນານາຍທຶນ ແມ່ຍິງຖືກກົດຂີ່ຂູດຮີດຢ່າງໜັກໜ່ວງ, ເຮັດວຽກຫຼາຍຊົ່ວໂມງແຕ່ໄດ້ຮັບຄ່າແຮງງານດ້ວຍລາຄາຖືກ, ເຮັດວຽກບໍ່ມີການຮັບປະກັນ, ບໍ່ມີລະບອບປົກປັກຮັກສາສຸຂະພາບແມ່ຍິງ ແລະເດັກນ້ອຍ.

 ນອກຈາກນັ້ນ ແມ່ຍິງຍັງຖືກດູ ໝິ່ນປະໝາດຖືແມ່ຍິງເປັນສິນຄ້າ, ຖືກຂົ່ມຂຶນທຳສຳເລົາ ແລະຖືກໄລ່ ອອກຈາກວຽກ ໂດຍທົ່ວໄປແລ້ວແມ່ຍິງຊາວຜູ້ອອກແຮງງານໃນ ທົ່ວໂລກລ້ວນແຕ່ເປັນຄົນນດຸໝັ່ນຂະຫຍັນພຽນໃນການຜະລິດເຂົ້າ ປາອາຫານ ແລະເຄື່ອງຂອງອື່ນໆ ເພື່ອລ້ຽງຄອບຄົວ ແລະສັງຄົມແຕ່ບໍ່ໄດ້ຮັບການເອົາໃຈໃສ່ເບິ່ງແຍງດູແລຈາກສັງຄົມຕໍ່ສະພາບການ ແລະຄວາມທຸກທໍລະມານດັ່ງກ່າວ ກຳມະກອນແມ່ຍິງຮູ້ສຶກຄຽດແຄ້ນ ຈຶ່ງໄດ້ສາມັກຄີກັນລຸກຂຶ້ນຕໍ່ສູ້ທວງໃຫ້ພວກນາຍທຶນ, ເຈົ້າຂອງໂຮງງານຕ້ອງແກ້ໄຂຊີວິດການເປັນຢູ່ໃຫ້ເຂົາເຈົ້າ, ມາໃນວັນທີ 8 ມີນາ 1899- 8 ມີນາ 1909 ຊາວກຳ ມະກອນແມ່ຍິງຢູ່ໂຮງງານຕໍ່ແຜ່ນ ແລະຕັດຫຍິບຢູ່ເມືອງນິວຢອກ ໄດ້ຈັດຕັ້ງໂຮມຊຸມນຸມປະທ້ວງ ແລະ ຄັດຄ້ານຕໍ່ການໃຫ້ຄ່າແຮງງານຕໍ່າ ແລະໄດ້ເດີນຂະບວນຢູ່ເມືອງນິວ ຢອກ ເພື່ອທ້ວງໃຫ້ນາຍທຶນຫຼຸດ ຜ່ອນຊົວໂມງເຮັດວຽກຢຸດເຊົາ ການຂູດຮີດແຮງງານເດັກ ແລະ ທວງໃຫ້ແມ່ຍິງມີສິດໃນການອອກ ສຽງຈົມມາຮອດເດືອນກຸມພາ 1909 ແມ່ຍິງອາເມລິກາໄດ້ຈັດພິ ທີສະເຫຼີມສະຫຼອງວັນທີ 8 ມີນາເປັນເທື່ອທຳອິດ, ຈົນມາເຖິງປີ 1910 ຂະບວນການຕໍ່ສູ້ຂອງແມ່ ຍິງໄດ້ແຜ່ຂະຫຍາຍກວ້າງອອກໄປ ສູ່ປະເທດນາຍທຶນຢູ່ທະວີບເອີລົບ ແລະໄດ້ຈັດກອງປະຊຸມສາກົນກ່ຽວກັບບັນຫາແມ່ຍິງຄັ້ງທຳອີດມີຜູ້ ແທນ 100 ກວ່າຄົນ ຈາກ 17 ປະເທດເຂົ້າຮ່ວມກອງປະຊຸມດັ່ງກ່າວໄດ້ຮັບຮອງ ແລະຕົກລົງເອົາວັນທີ 8 ມີນາ 1910 ເປັນວັນແມ່ຍິງສາກົນ ແລະເປັນລະນຶກເຖິງການຕໍ່ສູ້ ຂອງແມ່ຍິງເພື່ອປົດປ່ອຍຕົນເອງ ແລະທວງໃຫ້ມີສິດສະເໝີພາບ, ວັນ ທີ 8 ມີນາ ແມ່ນເຫດການໆເມືອງ ທີ່ສຳຄັນ, ເປັນຂີດໝາຍແຫ່ງໄຊ ຊະນະອັນພື້ນຖານຂອງຂະບວນການແມ່ຍິງສາກົນໃນການຕໍ່ສູ້ທວງ ເອົາສິດທິຜົນປະໂຫຍດເປັນທຳໃຫ້ ແກ່ແມ່ຍິງຊາວຜູ້ອອກແຮງງານໃນ ທົ່ວໂລກ.

 ຈາກນັ້ນໃນພິທີກໍ່ໄດ້ມີການສ້າງ ຂະບວນການຫຼິ້ນກີລາເປຕັງເພື່ອ ຂໍ່ານັບຮັບຕ້ອນວັນແມ່ຍິງສາກົນຄົບຮອບ 110 ປີ ແລະສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ IX ຂອງອົງຄະນະພັກແຂວງສາລະວັນ ແລະກອງປະຊຸມໃຫຍ່ສູນກາງພັກຄັ້ງທີ XI.

---

ໂດຍ: ທິດລານີ ໂຄດໂຍທາ

แชร์