ລນລ ມອບ 300 ລ້ານກວ່າກີບ ໃຫ້ແຂວງຊຽງຂວາງ

ໃນເມື່ອບໍ່ດົນມານີ້ລັດວິສາຫະກິດນໍ້າມັນເຊື້ອໄຟລາວ (ລນລ) ຊຶ່ງນໍາໂດຍທ່ານ ອະນຸສິນ ພົນເສນາ ຜູ້ອໍານວຍການໃຫຍ່ລັດວິສາຫະກິດນໍ້າມັນເຊື້ອໄຟລາວພ້ອມຄະນະໄດ້ນໍາເອົາເງິນຈໍານວນ 360 ລ້ານ ໄປມອບໃຫ້ແຂວງຊຽງຂວາງ ທີ່ຫ້ອງຮັບແຂກສໍານັກງານປົກຄອງແຂວງ ເພື່ອຮັບໃຊ້ເຂົ້າໃນ ງານມະຫາກໍາກີລາແຫ່ງຊາດຄັ້ງທີ XI ທີ່ແຂວງຊຽງຂວາງ ເປັນເຈົ້າພາບຈະຈັດຂຶ້ນຢ່າງເປັນທາງການ ໃນທ້າຍເດືອນມີນາ 2020 ນີ້, ໂດຍມີທ່ານ ບົວສອນ ສີນວນ ທອງ ຮອງເຈົ້າແຂວງຊຽງຂວາງ ຮອງປະທານຈັດງານມະຫາກຳກີ ລາແຫ່ງຊາດຄັ້ງທີ XI ພ້ອມຄະນະໃຫ້ກຽດກ່າວຮັບ.

 ໂອກາດນີ້ທ່ານ ອະນຸສິນ ພົນ ເສນາ ໄດ້ລາຍງານສະພາບການເຄື່ອນໄຫວຂອງລັດວິສາຫະກິດນໍ້າມັນເຊື້ອໄຟລາວ ໂດຍຫຍໍ້ໃຫ້ ທ່ານຮອງເຈົ້າແຂວງຮັບຊາບ, ໂດຍ ສະເພາະການສະໜອງນໍ້າມັນໃນ ໄລຍະຜ່ານມາຖືວ່າຢູ່ໃນສະພາບ ປົກກະຕິ ແລະພຽງພໍກັບຄວາມຕ້ອງການຂອງສັງຄົມ, ມາຊ່ວງໄລ ຍະໜຶ່ງທີ່ມີພະຍາດໂຄໂຣນາລະບາດເຮັດໃຫ້ລາຄານໍ້າມັນມີການ ເໜັງຕີງບາງເລັກນ້ອຍ ແລະມາ ເຖິງປະຈຸບັນໄດ້ກັບເຂົ້າສູ່ສະພາບ ປົກກະຕິ, ສໍາລັບກ້ອນເງິນທີ່ນໍາມາຊ່ວຍເຫຼືອຄັ້ງນີ້ແມ່ນໄດ້ມາຈາກ ນໍ້າມິດຈິດໃຈຂອງພະນັກງານທັງ ໝົດລັດວິສາຫະກິດນໍ້າມັນເຊື້ອ ໄຟລາວ ດ້ວຍຄວາມຍິນດີທີ່ໄດ້ມີ ສ່ວນຮ່ວມໃນການປະກອບສ່ວນ ເຂົ້າໃນງານມະຫາກໍາກີລາແຫ່ງ ຊາດຄັ້ງທີ  XI ທີ່ແຂວງຊຽງຂວາງ ເປັນເຈົ້າພາບ, ທາງລັດວິສາຫະກິດນໍ້າມັນເຊື້ອໄຟລາວສັນຍາວ່າຈະບໍລິການນໍ້າມັນໃຫ້ພຽງພໍກັບການຊົມໃຊ້ຂອງສັງຄົມໃນຊ່ວງໄລ ຍະດັ່ງກ່າວ ແລະເຊື່ອໝັ້ນວ່າແຂວງ ຊຽງຂວາງ ເຈົ້າພາບຈະພ້ອມກັນເປັນຈິດໜຶ່ງໃຈດຽວຂັບເຄື່ອນງານມະຫະກໍາກີລາແຫ່ງຊາດຄັ້ງທີ XI ນີ້ໃຫ້ມີຜົນສໍາເລັດຢ່າງຈົບງາມ.

  ໂອກາດດຽວກັນທ່ານ ບົວສອນ ສີນວນທອງ ຮອງເຈົ້າແຂວງຊຽງ ຂວາງ ຮອງປະທານຈັດງານມະຫະກຳກີລາແຫ່ງຊາດຄັ້ງທີ  XI  ໄດ້ ສະແດງຄວາມຮູ້ບຸນຄຸນ ແລະຂອບອົກຂອບໃຈເປັນຢ່າງສູງນໍາທ່ານ ອະນຸສິນ ພົນເສນາ ຜູ້ອໍານວຍການໃຫຍ່ລັດວິສາຫະກິດນໍ້າມັນເຊື້ອໄຟ ລາວ ພ້ອມຄະນະທີ່ເປັນຫ່ວງເປັນ ໄຍນໍາເອົາກ້ອນເງິນເປັນຈໍານວນ ຫຼາຍມາມອບໃຫ້ແຂວງຊຽງຂວາງ ຄັ້ງນີ້ເພື່ອນໍາໃຊ້ເຂົ້າໃນງານມະຫາກຳກີລາແຫ່ງຊາດຄັ້ງທີ XI ທີ່ ແຂວງຊຽງຂວາງ ເປັນເຈົ້າພາບ ເປັນການຊ່ວຍແບ່ງເບົາພາລະໃຫ້ ແກ່ແຂວງເຈົ້າພາບ, ທ່ານຍັງໄດ້ ລາຍງານສະພາບພື້ນຖານໂຄງ ລ່າງຂອງສະໜາມແຂ່ງຂັນກີລາ ປະເພດຕ່າງໆ ໃຫ້ຄະນະທີມງານ ຮັບຮູ້, ມາເຖິງປະຈຸບັນແມ່ນມີຄວາມຄືບໜ້າຫຼາຍແລ້ວ, ບາງສະໜາມກໍ່ ສ້າງສໍາເລັດ 100% ແລ້ວ, ມີບາງ ສະໜາມກີລາສໍາເລັດ 95%, ຄາດວ່າຮອດມື້ເປີດງານຈະໃຫ້ມີຄວາມພ້ອມ 100%, ຍັງໄດ້ຖືເອົາໂອກາດ ດັ່ງກ່າວເຊີນຊວນຄະນະນໍາພ້ອມ ດ້ວຍພະນັກງານລັດວິສາຫະກິດນໍ້າມັນເຊື້ອໄຟລາວເຂົ້າມາຮ່ວມງານມະຫາກຳກີລາແຫ່ງຊາດຄັ້ງນີ້, ທ່ານຍັງໄດ້ອວຍພອນໃຫ້ຄະນະນໍາພ້ອມດ້ວຍພະນັກງານທັງໝົດຂອງລັດວິສາຫະກິດນໍ້າມັນ ເຊື້ອໄຟລາວຈົ່ງພ້ອມກັນຢູ່ດີມີແຮງ ມີສຸຂະພາບເຂັ້ມແຂງດໍາເນີນທຸ ລະກິດໃຫ້ມີຜົນສໍາເລັດ ແລະກ້າວ ໜ້າຂຶ້ນໄປເລື້ອຍໆ.

------

ໂດຍ: ຄານສີສະຫວັນ ພົງພັກດີ

แชร์