ອາຊີບຈືນກ້ວຍແກ້ໄຂຄວາມທຸກ

  ການທີ່ມີອາຊີບຈືນກ້ວຍຂາຍ ກໍແມ່ນອີກທາງເລືອກໜຶ່ງ ທີ່ເປັນເສັ້ນທາງສ້າງຖານະຄອບຄົວໃຫ້ຫຼຸດພົ້ນອອກຈາກຄວາມທຸກຍາກໄດ້, ຊຶ່ງເປັນອາຊີບທີ່ປະຊາຊົນຄົນລາວບັນດາເຜົ່ານິຍົມກັນເຮັດ ແລະໃນນັ້ນກໍໄດ້ມີຄອບຄົວ ຂອງທ້າວ ຄໍາຫວາ ອິນທີພາບ ແລະ ນາງ ວຽງ ອິນທິພາບ ປະຈຸບັນຢູ່ບ້ານໜອງສະໂນຄໍາ ເມືອງສີ ໂຄດຕະບອງນະຄອນຫຼວງວຽງ ຈັນ ທີ່ໄດ້ປະກອບອາຊີບຈືນກ້ວຍ ສາບຂາຍ.

 ຕາມການບອກເລົ່າຂອງ ທ້າວ ຄໍາຫວາ ອິນທິພາບ ເຈົ້າຂອງທຸ ລະກິດຈືນກ້ວຍສາບໃຫ້ຮູ້ວ່າ, ແຕ່ກ່ອນຕົນເອງຍ້ອນລ້ຽງລູກຫຼາຍ ຄົນ ແລະອີກຢ່າງໜຶ່ງໃນ ໄລຍະນັ້ນ ພັກ ລັດເພິ່ນໄດ້ມີນະໂຍບາຍໃຫ້ພະນັກງານທຸກຄົນທີ່ຢາກຈະອອກ ສ້າງເສດຖະກິດຄອບຄົວ ເພື່ອແກ້ ໄຂຊີວິດການເປັນຢູ່ໃຫ້ດີຂຶ້ນ, ຈາກສະພາບລວມດັ່ງກ່າວນັ້ນ, ຕົນເອງ ແລະຄອບຄົວຈຶ່ງໄດ້ຕັດສິນໃຈລາອອກການໃນປີ 1989 ແລ້ວຫັນມາປະກອບອາຊີບຈີ່ກ້ວຍ ຂາຍ, ຊຶ່ງໃນເບື້ອງຕົ້ນແມ່ນໄດ້ ເລີ່ມຈີ່ກ້ວຍ-ຈີ່ມັນຢູ່ໜ້າຕະຫຼາດ ເຫັນວ່າໃນແຕ່ລະມື້ພໍໄດ້ຊື້ຢູ່ຊື້ກິນ ຮັບໃຊ້ຊີວິດປະຈໍາວັນ, ແຕ່ບໍ່ມີເງິນ ເກັບ.

  ທ້າວ ຄໍາຫວາ ອິນທີພາບ ຍັງໃຫ້ຮູ້ອີກວ່າ, ມາຮອດປີ 1993 ໄດ້ມີລູກຄ້າຫຼາຍຄົນທີ່ມາຈາກຫຼາຍ ບ້ານ-ຫຼາຍເມືອງ ມີຄວາມຕ້ອງການ ແລະນິຍົມກິນຈືນກ້ວຍສາບ ຈຶ່ງໄດ້ຫັນມາເຮັດຈືນກ້ວຍສາບ ຂາຍ, ຊຶ່ງໃນເບື້ອງຕົ້ນໄດ້ລົງທຶນເປັນເງິນ 3 ແສນກີບຊື້ນໍ້າມັນຈືນ ແລະກ້ວຍ 20 ກວ່າຫວີ ເຫັນວ່າທຸ ລະກິດດັ່ງກ່າວດໍາເນີນໄປດ້ວຍດີ ແລະເຮັດໃຫ້ຊີວິດການເປັນຢູ່ຂອງ ຄອບຄົວເລີ່ມມີສີສັນດີຂຶ້ນ, ຕົກມາຮອດປີ 2019-2020 ແມ່ນ ໄດ້ມີສອງສາຂາຂາຍເຊັ່ນ: ສາຂາຂາຍປະຈໍາຢູ່ຕະຫຼາດກົກໂພ, ເມືອງສີໂຄດຕະບອງ ແລະສາຂາຂາຍປະຈໍາຢູ່ຕະຫຼາດໜອງບົວ ທອງ ເມືອງສີໂຄດຕະບອງ, ໂດຍ ການເພີ່ມການລົງທຶນຕື່ມອີກຊື້ ກ້ວຍ 50-70 ຫວີ ແລະນໍ້າມັນຈືນ ເຮັດປະຈໍາທຸກວັນເຫັນວ່າໄດ້ມີລູກຄ້າ ແລະຂາປະຈໍາຈາກຫຼາຍບ່ອນທຽວເຂົ້າມາຊື້ບໍ່ຂາດ ແລະ ເຮັດໃຫ້ສິນຄ້າບໍ່ເຄີຍເຫຼືອຄ້າງໄວ້ຈັກເທື່ອ, ລູກຄ້ານອກຈາກຄົນ ລາວແລ້ວຍັງມີຊາວຕ່າງປະເທດ ເຂົ້າມາຊື້ກິນຢ່າງຫຼວງຫຼາຍ, ນອກ ຈາກຂາຍຢູ່ໜ້າຮ້ານແລ້ວຍັງມີ ສາຂາສົ່ງຈໍາໜ່າຍອີກ.

----

ໂດຍ: ຊາຍພະເນຈອນ

แชร์