ໄຊສົມບູນ ຈະເກັບລາຍຮັບໃຫ້ບັນລຸ 83,8 ຕື້ກີບ

 ການຈັດຕັ້ງປະຕິບັດຈັດເກັບລາຍຮັບເຂົ້າງົບປະມານໃນປີ 2020 ນີ້ພະແນກການເງິນ ແຂວງ ໄຊສົມບູນ ຈະຊຸກຍູ້ບັນດາເມືອງໃຫ້ປະຕິບັດມາດຕະການ ການເກັບລາຍຮັບເຂົ້າງົບປະມານໃຫ້ລວມສູນ ແລະທັນສະໄໝເພື່ອຮັບປະກັນການເກັບລາຍຮັບໃຫ້ບັນລຸ 83,8 ຕື້ກີບ ແລະລາຍຈ່າຍແມ່ນໃຫ້ຢູ່ໃນລະດັບ 213,55 ຕື້ກີບ, ຊຶ່ງໃນປີ 2019 ຜ່ານມາ ທົ່ວແຂວງ ສາມາດປະຕິບັດໄດ້ 79,16 ຕື້ກີບ ເທົ່າກັບ 103,38% ຂອງແຜນ ການປີ.

  ທ່ານ ສຸກສະຫວາດ ວົງພູມ ເຫຼັກຫົວໜ້າພະແນກການເງິນ ແຂວງໄຊສົມບູນ ລາຍງານຕໍ່ກອງປະຊຸມສະຫຼຸບຕີລາຄາຜົນການຈັດຕັ້ງປະຕິບັດແຜນງົບປະມານແຫ່ງລັດປະຈຳປີ 2019 ແລະ ທິດທາງ ແຜນການປະຈຳປີ 2020 ໃຫ້ຮູ້ ວ່າ:ຕະຫຼອດໄລຍະ 1 ປີ ຜ່ານມາ ຂະແໜງການເງິນແຂວງໄຊສົມບູນ ໄດ້ເອົາໃຈໃສ່ເຄື່ອນໄຫວຈັດຕັ້ງປະຕິບັດວຽກງານວິຊາສະເພາະຮອບດ້ານຕາມພາລະບົດບາດ, ສິດ ແລະໜ້າທີ່ຂອງຕົນໄດ້ເປັນຢ່າງ ດີ, ຊຶ່ງການຈັດຕັ້ງປະຕິບັດແຜນການຈັດເກັບລາຍຮັບງົບປະມານປະຈຳປີ 2019 ທົ່ວແຂວງມີແຜນການຈັດເກັບລາຍຮັບງົບປະມານລວມທັງໝົດ76,57 ຕື້ກີບ,ປະຕິບັດໄດ້ 79,16 ຕື້ກີບ ເທົ່າກັບ 103,38% ຂອງແຜນການປີ ທຽບໃສ່ໄລຍະດຽວກັນຂອງປີ ຜ່ານມາ ເພີ່ມຂຶ້ນ 1,86% ໃນນີ້ ລາຍຮັບສ່ວຍສາອາກອນແຜນ ການປີ 72,89 ຕື້ກີບ, ປະຕິບັດໄດ້ 75,01 ຕື້ກີບ ເທົ່າກັບ 102,92% ຂອງແຜນການ, ທຽບໃສ່ໄລຍະດຽວກັນເພີ່ມຂຶ້ນ 1,62%, ລາຍ ຮັບຄຸ້ມຄອງຊັບສິນຂອງລັດແຜນ ການປີ 3,68 ຕື້ກີບ, ປະຕິບັດ ໄດ້ 4,14 ຕື້ກີບ ເທົ່າກັບ 112% ຂອງແຜນການທຽບໃສ່ໄລຍະ ດຽວກັນຂອງປີເພີ່ມຂຶ້ນ 7%.

 ສຳລັບດ້ານລາຍຈ່າຍໃນປີ 2019 ທົ່ວແຂວງມີແຜນລາຍ ຈ່າຍທັງໝົດ 332,10 ຕື້ກີບ, ຜ່ານການຈັດຕັ້ງປະຕິບັດຕົວຈິງ ຂອງຂະແໜງການເງິນແຂວງ ໄຊສົມບູນ ສາມາດປະຕິບັດໄດ້ 317,23 ຕື້ກີບ ເທົ່າກັບ 95,52% ຂອງແຜນການປີ.

  ສຳລັບທິດທາງແຜນການໃນປີ 2020 ນີ້, ຂະແໜງການເງິນແຂວງ ໄຊສົມບູນຈະສືບຕໍ່ພັດທະນາເສດຖະກິດ ແລະແກ້ໄຂຄວາມທຸກຍາກ ຂອງປະຊາຊົນ ໂດຍຊຸກຍູ້ສົ່ງເສີມ ໃຫ້ປະຊາຊົນຜະລິດເປັນສິນຄ້າພ້ອມທັງຮັກສາສະຖຽນລະພາບ ທາງດ້ານການເມືອງ, ເສດຖະກິດ ມະຫາພາກໃຫ້ໝັ້ນທ່ຽງ ແລະຂະຫຍາຍ ຕົວຢ່າງຕໍ່ເນື່ອງ ໃຫ້ໄດ້ອັດ ຕາຂະຫຍາຍຕົວຢູ່ລະດັບ 7%, ລວມຍອດຜະລິດຕະພັນພາຍໃນ (GDP) ໃຫ້ບັນລຸ 1.122 ຕື້ກີບ, ສະເລ່ຍໃສ່ຫົວຄົນໃຫ້ໄດ້ 11,63 ລ້ານກີບຕໍ່ຄົນຕໍ່ປີ ຫຼື ເທົ່າກັບ 1.377 ໂດລາຕໍ່ຄົນຕໍ່ປີ; ສືບຕໍ່ຊຸກ ຍູ້ບັນດາເມືອງໃຫ້ປະຕິບັດມາດ ຕະການ ການເກັບລາຍຮັບເຂົ້າງົບ ປະມານໃຫ້ລວມສູນ ແລະທັນສະໄໝ ເພື່ອຮັບປະກັນການເກັບລາຍ ຮັບໃຫ້ບັນລຸ 83,8 ຕື້ກີບ ແລະຄຸ້ມ ຄອງລາຍຈ່າຍໃຫ້ໄດ້ 213,55 ຕື້ກີບ.

ໜັງສືພິມເສດຖະກິດ-ສັງຄົມ

แชร์