ປະຊາຊົນ 4 ບ້ານ ເມືອງຮຸນ ຮັບໃບຕາດິນກະສິກຳຖາວອນ

  ທ້າຍເດືອນມັງກອນຜ່ານ ມາທີ່ຫ້ອງການບ້ານຈັນໄຕ ເມືອງຮຸນ ແຂວງອຸດົມໄຊ ໄດ້ມີພິທີສະ ຫຼຸບປິດການອອກໃບຕາດິນ ແລະ ມອບໃບຕາດິນເປັນລະບົບ (ດິນນາ ) ຂອງກຸ່ມນຳໃຊ້ນ້ຳໃນໂຄງການຍ່ອຍຊົນລະປະທານນ້ຳອຸ່ນໃຫ້ກຽດເຂົ້າໂດຍທ່ານ ຄຳພຽງ ຢາຈົງວາ ຮອງເຈົ້າແຂວງອຸດົມໄຊ, ມີຄະນະພະແນກກະສິ ກຳ ແລະປ່າໄມ້ແຂວງ,ພະແນກຊັບພະຍາກອນທຳມະຊາດ ແລະສິ່ງແວດລ້ອມ, ການນຳເມືອງ, ຜູ້ປະສານງານໂຄງການ  ADB  ປະຈໍາແຂວງອຸດົມໄຊ ແລະພາກສ່ວນກ່ຽວຂ້ອງເຂົ້າຮ່ວມ.

  ໂຄງການອອກໃບຕາດິນກະສິກຳໃຫ້ແກ່ປະຊາຊົນທີ່ນໍາໃຊ້ນໍ້າຊົນລະປະທານແມ່ນໂຄງການໜຶ່ງທີ່ຫາກໍເລີ່ມຈັດຕັ້ງປະຕິບັດໃນປີ 2018  ເປັນຕົ້ນມາຊຶ່ງໄດ້ຮັບການຊ່ວຍເຫຼືອຈາກໂຄງການ ADB ແລະມີກໍານົດເວລາໃນການຈັດຕັ້ງປະຕິບັດແຕ່ນີ້ຮອດປີ 2020 ເບື້ອງຕົ້ນແມ່ນທົດລອງຈັດຕັ້ງປະຕິບັດຢູ່ 2 ເມືອ ງຂອງແຂວງອຸດົມ ໄຊ ຄືເມືອງຮຸນ ແລະເມືອງແບງ ສະເພາະປີ 2018 ຢູ່ເມືອງຮຸນ ມີ ທັງໝົດ 4 ບ້ານຄືບ້ານຈັນໄຕ, ນຳອຸ່ນ, ບ້ານແຟນ ແລະ ບ້ານນາ ທອງອີງຕາມແຜນການແມ່ນຕ້ອງປະຕິບັດໃຫ້ໄດ້ 752 ຕອນແຕ່ການເຄື່ອນໄຫວສຳຫຼວດ, ວັດແທກຕົວຈິງໄດ້ທັງໝົດ 743 ຕອນລວມ 298,51 ເຮັກ ຕາເທົ່າກັບ 98%.

  ໃນພິທີດັ່ງກາວແມ່ນໄດ້ຮັບຟັງການສະຫຼຸບຜົນສຳເລັດໃນການລົງສຳຫຼວດພິສູດຫຼັກຖານ, ວັດແທດອອກໃບຕາດິນກະສິກຳຖາວອນ, ພ້ອມທັງມີພິທີມອບໃບຕາດິນໃຫ້ແກ່ປະຊາຊົນຈຳນວນ 4 ບ້ານດັ່ງກ່າວ ທີ່ໄດ້ຊົມໃຊ້ນ້ຳຊົນລະປະທານຂອງໂຄງການຊ່ວຍ ເຫຼືອຈາກເອດີບີຊຶ່ງໃຫ້ກຽດມອບໂດຍທ່ານ ຄຳພຽງ ຢາຈົງວາ ຮອງ ເລຂາພັກແຂວງ, ຮອງເຈົ້າແຂວງອຸດົມໄຊ. ຕອນທ້າຍຂອງພິທີຍັງໄດ້ຮັບຟັງການໂອ້ລົມຂອງທ່ານເພື່ອເປັນບ່ອນອີງສຳຄັນໃຫ້ແກ່ພະນັກງານວິຊາການທີ່ເຄື່ອນໄຫວຈັດຕັ້ງປະຕິບັດຕົວຈິງໃນຕໍ່ໜ້າລວມທັງປະຊາຊົນຕື່ມອີກ.

แชร์