ມະຫາວິທະຍາໄລ ສຸພານຸວົງ ຈັດກອງປະຊຸມໃຫຍ່

 ເມື່ອອາທິດຜ່ານມາໜ່ວຍ ພັກມະຫາວິທະຍາໄລສຸພານຸວົງ ໄດ້ເປີດກອງປະຊຸມໃຫຍ່ຜູ້ແທນຄະນະພັກຮາກຖານຄັ້ງທີ IV ທີ່ສະ ໂມສອນໃຫຍ່ສຸພານຸວົງ ໂດຍການ ເປັນປະທານຂອງສະຫາຍ ວົງສະຫວັນ ເທບພະຈັນ ຮອງເຈົ້າແຂວງ ຫຼວງພະບາງ, ສະຫາຍ ວິໄຊ ຈັນສະຫວ່າງ ຮັກສາການ ເລຂາຄະນະພັກຮາກຖານມະຫາວິທະຍາໄລສຸ ພານຸວົງ, ມີເລຂາໜ່ວຍພັກຈາກ 6 ຄະນະ, ສະມາຊິກພັກ, ຕາງໜ້າຄະນະຈັດຕັ້ງແຂວງ, ພ້ອມດ້ວຍແຂກຖືກເຊີນຈາກໜ່ວຍພັກອ້ອມຂ້າງ ເຂົ້າຮວ່ມ.

  ໃນພິທີສະຫາຍ ວິໄຊ ຈັນສະຫວ່າງ ຮັກສາການ ເລຂາຄະນະພັກຮາກຖານມະຫາວິທະຍາໄລ ສຸພານຸວົງໄດ້ກ່າວວ່າ: ຜ່ານການ ຈັດຕັ້ງປະຕິບັດວຽກງານໄລຍະຜ່ານມາໄດ້ຍົກໃຫ້ເຫັນຜົນງານອັນ ພົ້ນເດັ່ນຫຼາຍດ້ານເປັນຕົ້ນແມ່ນ ວຽກງານດ້ານການເມືອງ-ແນວ ຄິດສະມາຊິກພັກແຕ່ລະສະຫາຍ ໄດ້ມີແນວຄິດອຸ່ນອ່ຽນທຸ່ນທ່ຽງ, ກໍາແໜ້ນຕໍ່ແນວທາງ ແລະອຸດົມ ການຂອງພັກ, ມີຄຸນສົມບັດສິນທໍາ ປະຕິວັດ, ມີຄວາມສາມັກຄີ, ມີແບບ ແຜນເຮັດວຽກລະອຽດ, ຮູ້ຈໍາແນກ ມິດ, ສັດຕູ ແລະເຮັດຫຼ້ອນໜ້າທີ່ ຂັ້ນເທິງມອບໝາຍໃຫ້, ປະຈຸບັນໜ່ວຍພັກມະຫາວິທະຍາໄລສຸພານຸວົງ ມີສະມາຊິກພັກທັງໝົດ 88 ສະຫາຍ, ຍິງ 21 ສະຫາຍ ແລະ ໄດ້ເອົາໃຈໃສ່ຢ່າງຕັ້ງໜ້າໃນການກໍ່ສ້າງພັກ-ຂະຫຍາຍສະມາຊິກພັກ ຮັບປະກັນທາງດ້ານປະລິມານ ແລະ ຄຸນນະພາບຕິດພັນກັບການຈັດຕັ້ງ ວຽກງານວິຊາສະເພາະ, ເປັນເຈົ້າ ການເອົາໃຈໃສ່ຊຸກຍູ້ສົ່ງເສີມວຽກ ງານອົງການຈັດຕັ້ງມະຫາຊົນ, ເຂົ້າຮ່ວມຂະບວນການຕ່າງໆຂອງພັກ-ລັດວາງອອກ, ວຽກງານປ້ອງກັນ ຄວາມສະຫງົບ ແລະການພົວພັນ ຮ່ວມມືກັບຕ່າງປະເທດ.

 ຈາກນັ້ນກອງປະຊຸມໄດ້ປ່ອນ ບັດຄັດເລືອກເອົາຄະນະໜ່ວຍພັກ ຊຸດໃໝ່, ມີຜູ້ລົງສະໝັກ 9 ສະຫາຍ,ຍິງ 1 ສະຫາຍ ຜົນການປ່ອນບັດ ໄດ້ສະຫາຍ ວິໄຊ ຈັນສະຫວ່າງ ເປັນເລຂາໜ່ວຍພັກ, ສະຫາຍ ສີອານຸວົງ ສະຫວັດວົງ ແລະສະຫາຍ ວິລະອາໂນລັກ ເປັນຮອງເລຂາ, ສະຫາຍ ນາງ ດາວອນ ສີສຸເດດ, ສະຫາຍ ສຸລິເດດ ແກ້ວບົວລະເພັດ, ສະຫາຍ ວົງປະສິດ ຈັນທະຄູນ, ສະຫາຍສົມໃຈ ເມຍະວົງ ເປັນຄະນະເພື່ອສືບຕໍ່ຊີ້ນຳໆພາວຽກງານ ໃນຕໍ່ໜ້າ.

----

ໂດຍ: ສີສຸວັນ

• 21/02/2020