ພາວະໂລກຮ້ອນ ເຮັດໃຫ້ຫອຍແມງພູ່ຕາຍເຕັມຫາດ ນູແວນເຊລັງ

 ສຳນັກຂ່າວທ້ອງຖິ່ນລາຍ ງານວ່າ ອຸນຫະພູມທີ່ສູງຂຶ້ນສົມ ທົບກັບລະດັບນໍ້າທະເລຫຼຸດລົງໃນ ຊ່ວງເວລາກາງເວັນສົ່ງຜົນໃຫ້ ຫອຍແມງພູ່ຈຳນວນຫຼາຍລ້ານໂຕ ກຳລັງຖືກແສງແດດເຜົາຕາຍເຕັມໄປທົ່ວຊາຍຫາດ.

 ທ່ານ ແບຣນດອນ ເຟີກູສັນ, ຊາວບ້ານຢູ່ເກາະເໜືອຂອງນູ ແວນເຊລັງໄດ້ເຜີຍແຜ່ວິດີໂອກ່ຽວ ກັບຫອຍແມງພູ່ຈຳນວນມະຫາສານຕາຍເຕັມຊາຍຫາດເມົາກາ ນຸຍບັຟ ເທິງເກາະເໜືອ ໂດຍຜູ້ກ່ຽວ ໄດ້ໃຫ້ສຳພາດກັບ Business Insider ວ່າມັນອາດຈະເກີດມາຈາກອຸນຫະພູມທີ່ເພີ່ມຂຶ້ນ ແລະມີກະແສນໍ້າລົງໃນຊ້ວງເວລາທີ່ມີແສງແດດ.

 ເຫດການດັ່ງກ່າວນີ້ເກີດຂຶ້ນ ບໍ່ເທົ່າໃດມື້ຫຼັງຈາກເກາະເໜືອຂອງ ນູແວນເຊລັງ ໄດ້ເກີດອຸນຫະພູມສູງສຸດ 40 ອົງສາເຊ ເປັນຄັ້ງທຳອິດໃນຮອບ 15 ປີ, ພ້ອມນີ້ການ ຄົ້ນຄວ້າກະຊວງສິ່ງແວດລ້ອມ ນູແວນເຊລັງ, ຊຶ່ງສຶກສາຜົນກະທົບຂອງພາວະໂລກຮ້ອນຕໍ່ຊີວິດຂອງສັດທະເລພົບວ່າ ແຕ່ປີ 1981- 2018, ອຸນຫະພູມພື້ນທະເລເພີ່ມ ຂຶ້ນ 0,1-0,2 ອົງສາເຊ ໃນທຸກໆ 10 ປີ ແລະເຂດທະເລທີ່ອົບອຸ່ນ ຂຶ້ນສົ່ງຜົນກະທົບຕໍ່ການເຕີບໃຫຍ່ ຂອງຕົວອ່ອນຫອຍແມງພູ່.

ໃນຂະນະທີ່ ທ່ານ ເຈຟ ແອນ ດຣູ, ນັກວິທະຍາສາດທາງທະເລຈາກມະຫາວິທະຍາໄລອອກແລນ ເປີດເຜີຍຕໍ່ສຳນັກຂ່າວທ້ອງຖິ່ນວ່າ ປາກົດການນີ້ ຍັງມີສາເຫດເກີດມາ ຈາກຄວາມກົດດັນຂອງຫອຍແມງ ພູ່ ທີ່ກຳລັງປະເຊີນກັບລະດັບນໍ້າ ທະເລທີ່ຫຼຸດລົງເຮັດໃຫ້ຫອຍຖືກ ແສງ ແດດເຜົາໂດຍກົງ, ທ່ານ ເຈຟ ຍັງເປີດເຜີຍວ່າຖ້າສະພາບອາກາດຍັງຮ້ອນຢູ່ເລື້ອຍໆມັນອາດຈະມີຫອຍແມງພູ່ຖືກແດດເຜົາຕາຍ ອີກຈຳນວນຫຼາຍພາຍໃນສອງສາມມື້.

-----

ໜັງສືພິມເສດຸະກິດ-ສັງຄົມ

แชร์